موضوع مهم جدا اطلب من كل معلمه الدخول

[برنسيسة2007]

السلام عليكم في موضوع كنت بطرحه من فتره واتمنى من كل معلمه اخذه بعين الاعتبار

تحية العلم
الله يحفظ الكويت ويديم عزها وعز شيوخها لكن اللي انا شفته ان تحية العلم لها قدسيه خاصه يعني ياويله بالويل اللي يتحرك اثناء تحية العلم وتشوفون بعض الابلات تذبحها الوطنيه وصوتها يسمغه اللي واقف بالمواقف تضارخ على طفل ماتعدا ال8سنوات لانه كان يمشي بجنطته طفل بريء فكره هايم بقاريه ولاربع الدينار اللي معطيه ابوه والاكل اللي جايبه معاه
وانا مع تعويد اولادنا على احترام العلم وتحية العلم وغرس الحب بقلوبهم لكن هذا طفل مسكيه فهميه مسحي على راسه فقير يكفيه خرعة تأخيره عن الطابور وكلنا مرينا بهذي المرحله طبعا يهال نهاية العالم اذا تاخرنا

والموضوع اللي يطرح نفسه:
ليش يامعلمتي العزيزه تهتمين بتحية العلم ولاتهتمين بقراءة القران>>طفل في الصف الخامس طرح علي هالسؤال
وبالنشد الوطني دايما نردد((الله-الوطن-الامير))
وبالفعل اللي لاحظته انه بتحية العلم ولاحركه وشي طيب
لكن والقران اذا قراه الولد بالاذاعه جنه بريك حتى الناظره تسولف
اعوذ بالله خافوا الله على ديرتنا والله سبحانه كريم ديحفظ ديرتنا وتحية العلم تردد للابد باذنه سبحانه



فعندي لفته:هذي الكويت وتستاهل احترموا العلم اغرسوا احترامه فقلوب اطفاله لكن لازم القران الكريم فوق كل شي
هذي رساله احملها كل معلمه انها تغرس روح تحية العلم وروح القران الكريم والله اهو الحافظ القادر المعطي وكل شي بيده
الله يحفظ ديرتنا من كل مكروه ويسخر لها اطفالها وشبابها سواعد عامله لحمايتها ونشروا الموضوع ووصلوه لناظرتكم
ودمتم بود

 

[Break Time]

يمه مالت على كل ابلة تصارخ عالجهال علشان المظاهر
يعني شوفوني ترا ضابطة المدرسة

انا ما ادرس ابتدائي بس والله يكسروون خاطري


بالنسبة لنا بالثانوية هم بعد انا لاحظت وقت القرآن الكل يسولف ووقت لعلم حتى لو وحده عدلت حجابها طلعوها برا
تناقض


القرآن أهم وبدون مقاييس وللأسف بعض الأبلات يطبقون نفس الفكرة بتحية العلم ولانفس وعالقرآن عادي
استغفر الله العلي العظيم


حبيبتي مشكورة عالموضوع حده كان قاهرني والله


تقبلي مروري

 

[om3abod]

معاج بالهموضوع ودايما اناقش المعلمات بهالموضوووع
استغفر الله حق المظاهر جاهزين
انزين احترام القران اهم ترى

 

[PuPa^^SWeeT]

انا بالمتوسط

البنية توقف تسولف بالقران اكثر من التحية


و المصيبة اقوولها قراان بعد كلام الله و صوتج عالي

اترد تضحك ويا زميلاتها


و للاسف ماينفع وياهم لا قران و لا تحية



قمت اخليهم


لان ااحترام لقران قبل لا يطلع من المدرسة يطلع من البيت

 

[برنسيسة2007]

يمه مالت على كل ابلة تصارخ عالجهال علشان المظاهر
يعني شوفوني ترا ضابطة المدرسة هم بعد انا لاحظت وقت القرآن الكل يسولف ووقت لعلم حتى لو وحده عدلت حجابها طلعوها برا
تناقض


القرآن أهم وبدون مقاييس وللأسف بعض الأبلات يطبقون نفس الفكرة بتحية العلم ولانفس وعالقرآن عادي
استغفر الله العلي العظيم


حبيبتي مشكورة عالموضوع حده كان قاهرني والله


تقبلي مروري

نورتي الموضوع يا الغاليه انا مريت باربع مدارس غير مدرستي بالميداني كلهم مسبهين بالقران!!الله يحفظ ديرتنا

 

[برنسيسة2007]

معاج بالهموضوع ودايما اناقش المعلمات بهالموضوووع
استغفر الله حق المظاهر جاهزين
انزين احترام القران اهم ترى

زين تسوين المفروض مانسكت هذا منكر وبلاء((واذا قرأ القران فاستمعوا له وانصتوا.....))الى اخر الايه

يسلملي مرورج يالغاليه

 

[برنسيسة2007]

انا بالمتوسط

البنية توقف تسولف بالقران اكثر من التحية


و المصيبة اقوولها قراان بعد كلام الله و صوتج عالي

اترد تضحك ويا زميلاتها


و للاسف ماينفع وياهم لا قران و لا تحية



لان ااحترام لقران قبل لا يطلع من المدرسة يطلع من البيت

على قولتج البيت له الدور الكبر بس الحين وين الامهات كل وحده لاهيه بوضيفتها وطلعاتها وازواراتها واليهال لهم الخادمه
احنا الاجيال القديمه اتحسين عندنا اساسيات بالدين ارتجاليه انا متوعده من انا صغيره اذا اذن المؤذن لازم نسكت ونردد معاه
لي يومج وانا جذي حتى بحصتي اذا اذن اطبق هالشي حتى ولو الموجهه موجوده مايهمني اطبقه
وسبحان الله شنو الحكم فيها ما ادري بس امي امعودتنا على جذي التعليم في الصغر كالنحت على الحجر

 

[أأأميرة الورد]

يسلمووووو على الموضووع

 

[alhnan]

صح كلامج مثل ما نعلمهم احترام العلم لازم نعلمهم احترام القران يعطيج العافيه علي الملاحظة

 

[برنسيسة2007]

صح كلامج مثل ما نعلمهم احترام العلم لازم نعلمهم احترام القران يعطيج العافيه علي الملاحظة

الله يعافيج يا الغاليه
نورني مرورج

 

[paraka]

انا بعد ملاحظتي على الادارات بالمدارس والمعلمات اذا بدت تحية العلم البنات يوقفون بمكانهم لاتمشين اوقفي باحترام لاتكلمين الي يمج رفعي راسج وكل هذا على العين والراس ومن واجينا احترام العلم والنشيد الوطني لكن انطبق الاحترام والخوف والهيبة على النشيد الوطني وما انطبقة على كلام الله سبحانه ، بس يبتدي القرآن بالطابور الي واقفه تمشي والساكته تتكلم والي تبي اتسولف اتسولف مافي احد يقول وينبه على احترام كلام الله واحترامه ووالوقوف بخشوع .. للأسف هذا حال مدارسنا اليوم ومثل ما نعطي تحية العلم حقها انبدي اول كلام الله والمفروض اصلاً الطابور يبتدي بالقرآن وبعدين تحية العلم احنا الي شايفينا بالعكس تحية العلم وبعدين القرأن مو المفروض انبدي كلام الله على اي شي ثاني ونستفتح يومنا الدراسي بآية قرانية عسى الله يفتحها علينا وكلنا تعلمنا ( الله ..الوطن ..الامير )

المقصد من كل هالحجي ان كل شي له احترامه القرآن له هيبته واحترامه وتحية العلم لها هيبتها واحترامها .. لكن بالاولية

مع شكري لصاحبة الموضوع وفعلاً موضوع يستحق الطرح:eh_s(7):

 

[اشلون يعني &]

صح كلامش

اوافقج الراي

 

[قمرية الفيس]

وانا بعد وياكم