موضوع منتشر ويقهر المرآة اذا طبق هالشي ريلها

[ماحب اتدلع]

السلام عليكم


احبكم

ادري تحبوني واايييييييد :eh_s(2):

عندي سالفة تقهر الحين ليش متعبين حالنا مع الرياييل ونفسيتنا زفت اذا قزوا :krkrkr:

قصدي ليش نغار عليهم ونشيب عمرنا بسوالفهم البايخة وماكاني متزوجة ريال كأنه ولدي وخايفة يخترب ملنا مو :eh_s(10):

وحتى الي تقول ريلي يخاف الله ومايحب الحرام

ترى طبع الرياييل كلهم نفس بعض واذا التزم كلش كلش طقها زواج ثاني او ثالث
عسى مايشوفون بنت الا يطالعون من فوق لتحت مادري شيطالعون بالضبط ؟ المكياج؟ صبغة الشعر؟ اللبس؟ الجسم ؟ والا الشنطة؟ مادري صراحة يمكن العدسات يبون يعرفون شالماركة

الاحظ بهاليام بالاسواق حتى الي معاه مرتة لازم يتلفت يمين ويسار بدل ماريلي الي يطالع فيني يخزني واحد متزوج وريلي يخز مرتة شنو؟ ليش يعني؟

احترنا معاهم حتى لو مرتة ملكة جمال وتهبل ومو ناقصها شي بعد يطالع حتى لو البنت الي يطالع فيها اقل جمالنا من مرتة :eh_s(4):

اساسا الريال مايدور الجمال
يعني احنا يالبنات تلفتنا البنت الحلوة النعومة لبسها كشختها اي شي ثاني

بس الريال ذوقة يعور البطن

هذا الي يقهر زيادة يعني لو بيشوف وحدة جميلة بنبلعلها بقول ماينلام
وانا فيني شي غريب اذا ريلي طالع في وحدة حلوة عادي مااغار وايد كثر مايطالع وحدة عادية او جيكرة تحترق اعصابي وودي انتفها اهي معاه تستانس اهي بعد
بس اذا حلوة وطالع يمكن ماتعطية وي :krkrkr:
واحس ان ريلي عنده ذوق اشوي عشان جذية تزوجني
بس من يطالع وحدة جيكرة ويييييييييع اكره نفسي اقول الحين انا نفس هالوي الخايس؟ ويييع ماحلاة ربي ماعندة نظر

تعبونا الله يتعبهم واصلا اذا شفتة يطالع اقولة الله هالريال الي بذاك الصوب اينن :ggdw:
عشان ينقهرررررر


انتو شتسون لو شفتونة يطالع وحدة عاد حلوة والا تخرع ؟؟

ردوووووووووووود يلا باي

واسمحوا لي اذا في اغلاط بسرعه اكتب متحمسة مادري على شنو :krkrkr:

 

[بتبوتااا]

الريال مخلوق بصري خل يطالع لما يمل بس انا دايما اقول لنفسي واثق الخطوه يمشي ملكاا مصيره لي مهما طالع

 

[بطوووطة$بيضة]

صح معروف انا الريال مخلوق بصري والمره مخلوق سمعي ...فالريال يحب يشوف لو جيكرة وهذا شي عادي بس طبعا نظرة عن نظرة تفرق....وحتى في حريم متزوجات يطالعون الرياييل....عموما بلكويت يحبون الخز واللقافه جنهم قطاوة

 

[مياسه الحساسه]

ههههههههههههههههههه
ضحكتيني ياصاحبة الموضوع من جد متحمسه ههه
ربي يسعدك ياارب :eh_s(17):
يقولك العين بحــــــــــــــــــــــــــــــــر
خل يطالع وش عليك ..مرده لك
وبعدين نظره عن نظره تفرق اذا نظرة لقافه او خز عادي مهي مشكله لاكن لو نظره اعجااب :rgewrg:...خل يقول على نفسه يارحمن يارحيم

 

[*peace*]

خله يطالع ذنبه على جمبه

وترى كلهم يطالعون فضول بس

ذا احنا الحريم نطالع فضول ولقافه بس

 

[لولو كـاتي]

مو شرط لمن يطالع معناته عاجبته بعضهم عادي يطالعون يلفت انتباهم شي حتى لو مو عاجبه

كذا حب استطلاع خخخخخخخخخخخخ

 

[ضحاوي الديره]

ريلي مايطالع الحمدلله اصلا يتنرفززززز اذا المكان زحمه وفيه حريم لووووووول
بس لو حصل وانه طالع بيوم من الايام عاااااااااااااادي والف عادي شنو يعني طالعها بيروح يخطبها وياخذها !!
ومو شرط عاجبته يمكن بس جذي فضول
والله ولا على بالي طالع ولا ماطالع الحمدلله واثقه من نفسسسسي وعارفه اني تارسه عينه
يعني بنضل جذي. هالحال نحترق لي رياييلنا طالو برا !!!! لي متى ؟!؟!

كيييييييييفه خل يطالع اصلا يحمد رببببه ويشكر فضله اني مرته ههههههه

 

[لافلي روز]

الغيرة موجوده بقلب الريال والمرة ,,, والريال يغار اكثر ع مرته واهله لانهم شرفه وعرضه بس احنا الله يهدينا ان شاء الله نغار من كل شي ونحرق اعصابنا ونقعد ناكل بنفسنا وع اشياء ماتسوى وجان زين نقولها لا نخليها مكبوته ف صدورنا ليش ماادري

اللي احاول اسويه اني اكون ريلاكس واحاول اني اكون واثقة من نفسي حيل لان زوجي يدري فيني كشيخه ,,,, لووووووووول
ودايما يقول هالكلام اني اهتم بعمري والبس واغير ف ستايلات وكلشي يناسبني عشان كذا لمن يشوف يعرف ان مرته هم تسوي وتلبس وتكشخ ومو مقصرة عليه وحتى احنا نطالع,,,,, بس لعااااااانه الا بنكد ع روحنا هههههه



فديتج ع الموضوع

 

[خباري مطر]

ياختي روحي الافنيوز ولا حتي سوق الخضره وانتي تنهبلين انا حرمة مثل الحريم لما اشوف البني المزايين حرام ماتقولين رايحات سوق يتقضون او يتمشون يوسعون صدورهم الا رايحات عروس او الحفلة الملكيه تنهبلين اهو مكياج اهو شعر اهو لبس يااااربي لاتسخط علينا من اللي لبسهن ملزق مادري شلون دخل والرياجيل ماينلامون عسي بعضهم عيونه البط تلقيت مايخز لا الا يكاسر اهب ياوجهه وحتي الحريم بعضهن تلقينها تخز خز حتي لو وحده متنقبه خزنها خزززز يتعرفنها وهذي فلانه وهذي علانه

 

[برنسس كاتي]

بهل موضوع احس يعتمد على شلون يطالع
يعني انا مثلا طبع قيني اطالع اللي رايح والي جاي رياييل حريم عيال عيايز الي هو
من وانا صغيره الحلوو والجيكر ما يفرق عند
يمكن يعني نظراتا بش جذي يطالع في وجيه نااس

 

[دلوعةعبودي]

والله انا بس اشوفه يطالع غيري انجن وربي هالشي متعبني حيييييييييييييييييييييييييييييييييييييييييييييل

 

[" ام حمود "]

لو نلعب بعمرنا هم يطالعوون شنسوي بس انا مع البناات مصيره ليء
والله يحاسبه بعدين يعني لو مرته تسوي نفس حركاته جان ذبحهااا
اي شنو حرام عليها وحلال عليك واي صج قهرر بس اخر كلاميء
( مردك لي )

 

[Mednight Rain]

أيهئ ايهئ

هالمشكلة مأزمتني بحياتي الزوجية أنا غيوره نااار وهو عينه زايغة ، سواء بالطلعات أو بالتلفزيون .

مشكلة ومالقيت لها حل

وهالبنات اغلبهم مو كلهم يخزنون الريال اللي مع مرته لييييش مادري(
قلة حياء وأدب )

 

[allh akbar77]

المره الي يطالعها الرجل وهي راضيه هذي مغسول وجهها بمرقه اعوذ بالله الحمدلله اني مستتره والكل يتمنا شوفتي بس يبطوووون الحمد لله حجابي كامل عبايه ع الراس واسعه وقفاز وغطا ثقيل وشرابات واطلع مثل الملكه وارجع مثل الملكه

 

[A_M_A]

هههههههههههههه

آي وآلله صآجة

آنآ تدرين شنو آسوي وآلله آذآ قعد يخوزز

وآلله آعطيه ظهري وآمسك تلفوني بآيدي وآقعد آخز

آلرآيح وآلرآد وآتبوسم

آهنيه تعآلي شوفيه وآلله جنه مقرووص

ليش تضحكينن ؟

آقوله جآني برودكآست يضحك خخخخخخخخ

ويقعد كل تفكييره معآي يعني يرآقبني وينسى هوى دآر آلبنـآت

قطييعه تقطعهم مآيفيد فيهم آلآ جذيه

ويسسلمو ع آلموضوع

..

 

[r0007]

هو ما يناظر جمالها هو يناظر انوثتها جسمها خصرها

 

[! بــدويه وآآيــد !]

،


اي صح معرووف الرجال مخلووق بصري
بس حتى المره تغااار مو ماتغااار
بس الحريم مايعجهم العجب اذا شافوا رجال ومرته معاه يخز قالوا موعاجبته وطايح حظها وووو ... واذا ماسكه ايده قالوا مجلبه فيه تخاف ينحــاااش !!
الشعب الكويتي مايعجبه العجب لا هذا ولا جذاااك
وبنااات هالايام اذا شافوا واحد ومرته شوي ويقعدون بحضنه !! يامال الضعفه

 

[نعم نعم شنو]

هههههههههههههه

آي وآلله صآجة

آنآ تدرين شنو آسوي وآلله آذآ قعد يخوزز

وآلله آعطيه ظهري وآمسك تلفوني بآيدي وآقعد آخز

آلرآيح وآلرآد وآتبوسم

آهنيه تعآلي شوفيه وآلله جنه مقرووص

ليش تضحكينن ؟

آقوله جآني برودكآست يضحك خخخخخخخخ

ويقعد كل تفكييره معآي يعني يرآقبني وينسى هوى دآر آلبنـآت

قطييعه تقطعهم مآيفيد فيهم آلآ جذيه

ويسسلمو ع آلموضوع

..

هههههههههههههههههههههههههههههه ضحكتيني

 

[EleGanZa]

خل يطالع المهم ما يسوي شي هههههههه

مرده لي على قولتهم

واذا طالع شاركيه بالمطالع خخخخ

 

[نوادر*]

حلو الموضوع وجاء في الصميم خخخخخخ عاد انا عن نفسي لمن اشوفه يطالع امسك اعصابي واذا رجعنا البيت اكلمه بالهداوة يقول لي العين مالها ستارة وبعدين انا اشوف هذولا الحريم كيف يقدرون يمشون بهذي الملابس ويبدء ينتقد عليهم خخخخخ كله كذب بس يبردعلي :eh_s(10):عاد يوم سافرنا لسعودية وقلت له انتبه اهني مافي للعيون ستارة وبلا خرابيط هذا وانا قد حذرتك ولا تقول بعدين زوجتي ماقالت لي خخخخ وكنا نتمشى وبالصدفة حصل هواش بين رجال كان يخز بنات وانتبه له اخوهم وقام كفخه مسكين وقاعد الرجال يصارخ العيون بحر ومن هالكلام عاد لو تشفون وجه زوجي صار الوان مسكين:krkrkr: وقلت له صدقتني من بعدها حرم يطالع خاف لوووول قلت ياريت من زمان سافرنا علشان يتأدب:eh_s(15):