موضوع متعبني نفسيه الطفل والحضانه

[لذه السكر]

السلام عليكم


بنات ولدي عمره 9 شهور مدخلته حضانه يم دوامي

رفيجتي دارسه علم نفس قالتلي ان الطفل لي عمر 3 سنين يحتاج جو اسري ويكون بالبيت عشان نفسيته ما اتاثر

من يومها وانا نفسيتي تعبانه هل غلط اللي سويته؟؟؟ هل انا انانيه ؟؟ دخلت ولدي حضانه عشان ما اسمع حجي ولا احس ان عاله على احد

:eh_s(11): :eh_s(11): :eh_s(11): :eh_s(11):

والله افكر استقيل واجابله ابركلي من التفكير الله يشهد اني اكتب وعيوني مغورقه

خصوصا ان مرض من الحضانه وكل يوم يكلموني عن اكله وان يخلص اكله كله ومره ممرضه امسكتني جان تقول لاتيبين اكل حق ولدج لان الكل يطالعه انا اوكله من هني بالخش والدس وثاني يوم طاح مريض التهاب حاد بالاذن فما يقدر يشرب حته رقم ما يكمل


وشي ثاني من ارده البيت يصرخ ويناقز تحسون ان ماااال وزهقان لان حاطينه عالدراي طول اليوم بغرفه وحده وتلفزيون

اما بالبيت غرفه العاب ودوارف وكور وحوض سمج والعب معاه ونسولف تحسون فرررررررررررق



مادري شسوي المشكله خالتي بتطلع وما ترضه تمسكه وبيت اهلي بعيد يبيلي نص ساعه طريج وانا وراي دوام وامي اصلا مو مالت يهال كلش مالها مقاقه :eh_s(2)::eh_s(2):

والوظيفه نطرت سنتين يالله لقيت وظيفه اخاف استقيل وما القه مكان مره ثانيه :eh_s(11):


مع العلم ان من ارد البيت كله عندي اوكله والبسه وابدله ونلعب احطه بالصاله يمي ويم ابوه حته لما ناكل يمنا حته لو يعفس ميخاالف اتحمله الخدامه ما تمسكه كلش الا اذا بسبح او بالمطبخ واخلي الباب مبطل عشان يشوفني



قرقت وايد بس شسوي محتاره وبفضفض بنفس الوقت


والله يرزق كل محرومه :eh_s(7):

 

[لذه السكر]

وينكم بنات

اب اب

 

[جذابه بنت ذيابه]

حبوبه لا تسوين شي تندمين عليه

اذا انتي مو مرتاحه للحضانه جيبي له مربية اطفال بس تهتم فيه و حطي لها كاميرا وحطي له كل الالعاب و الجهال اكثر شي يحبونه النطاطيه
اشتريها له ب١٥ بالوسيط
و بس تردين من دوامج ارتاحي ساعتين و بعدين طول يومج اقعدي معاه
ومرتين بالاسبوع طلعيه خل يستانس

 

[Q6RYA]

حبيبتي اذا انتي متضايقه من الحظانه عشان كلام رفيجتج انا اجوف كلامها ماله معني اصلا الياهل مابيكون طول اليوم في الحظانه بس الصبح واليهال الي مو بالحظانه الصبح مع الشغاله بالبيت والام والابو مداومين يعني لا جو اسري ولا غيره بس اذا لاسباب ثانيه مو عاجبتج الحظانه اختاري حظانه ممتازه ومعزوفه والله بيهتمون في الياهل وبيصير اجتماعي ويفرغ طاقته ويتعلم وايد ويهتمون بنظافته واكله وانشالله ماعليه شر

 

[عسل مرت قيمر]

حضانه عن حضانه تفرق بس المشكله ان عمر ولدج توه صغير علحضانه

 

[ام رينـاد]

لو الياهل عالاقل عمره سنه ونص أشوه

بس حرام وايد صغير ..

 

[jaaanooo]

اختي ولدج توه صغير على الحضانة .. بعد عيني توه ياهل ومحتاجج اكثر ... حاولي تتفرغين له اكثر

 

[فـراوله]

امممممممممم خليتيني أتردد أنا عمر ولدي الكبير سنه و9 شهور
وكنت مفكره ادخله حضانه شهر 9 وهذه أول مره يدخل فيها حضانه
وأنا موظفه ولا عندي خدامه كنت أخليه مرات عند أهلي ومرات عند
أبوه بالبيت وغالبا عند أبوه بالبيت لانه مابي أتعب أمي خصوصا إني
ما عندي خدامه​

 

[طيبة83]

اخذي اجازة بدون راتب لحد ما يصير سنه ونص تقريبا طولها ٦ شهور

تالي دوري له حضانه زينه واقري عليه كل يوم وان شاء الله ما عليه شر

 

[لذه السكر]

توني متوظفه ما اقدر اخذ اجازة

فراوله

لا تترددين لان ولدج اسمالله عليه حليو يعطونهم نشاطات بس ولدي 9 شهور شسون له ماكو شي غير لعب ودراي ونوم
بس دوري حضانه زينه

 

[Winter Q8]

دخلت ولدي حضانة لما كان عمره 6 شهور يعني حاسه فيج و ما اتكلم من فراغ ..

حبيبتي انتي ضميرج مأنبج على ولدج و مو هاين عليج تودينه حضانه
و كلام رفيجتج الله يهديها زاد همج هم ..
ترا مو كل الناس عندها أحد يمسك عيالها
انا امي موظفه و خالتي الله يعينها مشغولة و مرات ما تقصر بعد عمري
و ساكنه بروحي و ماعندي خدامة ..وين اوديه !!!
أنا عندي الحضانة وايد أحسن و أأمن خدامة ..
تكفين أي جو أسري و الخدامة مجابلته ..

تصدقين مرة ولدي فصل بالحضانة و قام يكركر ماشاءالله عليه دمه خفيف
حتى الابله قالت لنا ماراح ينام اليوم من الضحك و الله اسبوعين الولد مريض بلشها حرارة و صدر و انتهت بترجيع و نزله معويه ..
و عقبها تعلمت اني احصن ولدي و ارقيه .. بعد هالامور واردة شنسوس بعد ..

و على الاكل وكليه قبل لا يروح الحضانة و شبعيه و قعديه مبجر و اذا راح الحضانه ماراح ياكل و راح ياخذ قيلولته .. اكره ما علي يحطون عينهم على لقمة الياهل واي خافوا ربكم ..

و ودي العابه خل يحطونها بفراشه يلعب و حرصي عليهم لا يعطونها حق احد
و اذا مو مرتاحة من الحضانة غيريها ..

و لا تحاتين وايد ما بقاله شي على السنه الله يحفظه و يمشي وراح يتغير الوضع ..

​