موضوع مادرى وين احطه00

[@أنا@]

بناااات حبايبى اختى بسكنت بيت جديد ومحتااااااااره شنو اهديها 00 واحنا بعد داخلين على لاشتا ايه مكمله البيت كله حتى من اكسسورات البيت
ابى اشيا غريبه نوعا ما واذا مافى عادى اى شغله
سمعت وحده بالدوام تقول فى مروحه للحيق كبيره وترش رذاذ ماى وين احصلها وتحصل ولالا
تكفوون ساعدونى مصختها تاخرت بهديتها

 

[@أنا@]

شدعواااااا

 

[هدوي]

امممممممم
ممكن تشترين لها طقم استكانات وفناجيل وعدتهم كشخه حق استقبالها

 

[رقي]

من صجج هذي هديه
ليكون علي بالج داخله ماكدونالدز
اذا متوهقه واهيا اختش قوليلها وشقاصرها واخذيه لها
انا وخواتي متفقين اللي تسكن بيت هديتها فلوس
البيت رقم معين والولاده رقم معين
مثل العانيات مسوين حق بعض
وعسا الله يهني اختج في بيتها
والفال لنا ولج

 

[@أنا@]

هدوووى يابعد قلبى اهى مجهزه من جميعا وطقم استقبالها مضبطه مع الصاله مااقدر اجيب شى مو لايق وتجاملنى تسلمين ياحيااتى
رقى شكلى بسوى جذيه بس يوم فكرت قلت الفلوس بس ودى بشى يكون فى بيتها
شكلى لتوهقت حدى بعطيها فلوس
جزاج الله خير

 

[@أنا@]

هدوووى يابعد قلبى اهى مجهزه من جميعا وطقم استقبالها مضبطه مع الصاله مااقدر اجيب شى مو لايق وتجاملنى تسلمين ياحيااتى
رقى شكلى بسوى جذيه بس يوم فكرت قلت الفلوس بس ودى بشى يكون فى بيتها
شكلى لتوهقت حدى بعطيها فلوس
جزاج الله خير

 

[Harmony]

حبيبتى مادرى عنج بس اللى انا سويته جمعت العائلة الكريمة لووول و صورت كل واحد صورة و خليته يكتب كلمة مباركة لأختى و حطيتلج كل واحد مع اهدائه فى صفحة البوم كشخة و فى النهاية حطيت الفلوس مربوطيين بشريطه و صورتى و يا اهدائي

 

[نبض المشاعر]

شوفي حبيبتي انا اختي للحين ماسكنت ببيتها اليديد وبس مشتريه كل شي ماشاءالله عليها يعني مثلج كنت اقول يربي شنو اشتري لها مافي شي قاصرها ماشاءالله
عاد هذيج المره بالشايع الي بشرق ولا اشوف صندوق كبييييير وشكله يهبل قلت له بطله ولا داخله بخور وخلطات قالي ب100 دينار بس شكله يهبل وقررت انشاءالله اخذ منه لاختي لان اول الشي البخور الكل مايستغنى عنه ولا الخلطات وبعدين الصندوق الحين صار ديكور يعني يمكن تحطه بمكان وتحط عنده كوش وحركات فاكيد راح تستفيد منه انا عندي اخذي جذي لاختج لان هالشغلات لو شنو راح تفيدها وبصراحه الصندوق هذاك سعره فيه ومبين عليه اغلى بعد والله يتمم عليها بالخير ويبعد عنها الحساد يارب

 

[@أنا@]

هارمنى فكره حلوه ونبض المشاعر حساااافه راحت على فكرتج
انا شريتلها ديرفه حلو ه لونها اخضر لثلاث اشخاص مع مظله وفازات من سوق لايرانيه وخليت رسام يرسم عليها والديرفه من ريفر
وثاااكيوو لكل البنات اللى ساعدونى