موضوع للنقاش

[همسات متفائلة]

حبايبي أرجو منكم جمعيا المشاركة في الموضوع وهو كيف نكتشف خيانه الزوج لزوجته :bbbiu:

 

[glby7sas]

هههه الافضل انج ماتكشفين وتقعد الوحده على عماها ابرك لانه مارده بيجذب ولا يمكن يطلعج انتي الغلطانه ويمكن يقص عليج بكلمتين وانتي ماغير حاره عمرج فلا تتعبين نفسج وادورين ابرك

 

[New_bride]

وليش الوحده تنبش وتجيب الهم لنفسها
الله بيفضحه في يوم من الايام وينكشف

 

[همسات متفائلة]

يا حلوين مجرد موضوع للنقاش كل وحد تقول اللي عندها

 

[جامعيه طموحه]

وايد اشياء تصير تحسين انج ريلج يخونج بس مو معناه انه صج يخون

مثلآ تغيير تصرفاته معاج

انه ما يقربلج يعني فيه جفا بالعلاقه الحميميه

انشغاله المستمر وكثرة طلعاته وانه ما يرد البيت الا عشان ينام


كثرة سفراته

بس ترى مو شرط انه اذا صار اي واحد من هالشروط معناها انه يخون
يمكن الريال عنده ضغوطات بشغله او عنده مشاكل مع اهله

وممكن يكون السبب من الزوجه نفسها يمكن هي مهمله نفسها وبيتها او مهمله زوجها وتبي هو الي يبادر لها دائمآ بدون مبادره منها


وممكن تكون كثيرة التطلب وكل كلامها مع ريلها ييب ودي وادفع وبس بدون حتى كلام حلو

واكيد هالشي بينفر الزوج من الزوجه ويخليه ينشغل عنها ومو لازم يخونها او يكلم غيرها ممكن يكون ريال مطوع مثلآ ماله بهالسوالف بس مع ذلك منشغل عن زوجته بسببها او بسبب عمله او مشاكل

المغزى من كلامي انه الخيانه مالها سبب رئيسي وما تبين بشكل واضح انه فلان سوى جذي معناها يخوني