::موضوع للتفاؤل:: البنات اللي عادو رابعه ثانوي تعالي قولي لنا شنو السبب وشنو طموحج؟

[بنت فينا]

السلام عليكم صبايا وحريم









اقلطو منورين الموضوووووع بمروركم
اخذي استراحه قصيره وجاوبي على الاسئله :eh_s(7):






كل وحده فينا عندها ظروفها سواء بالحياة الاسريه او العمليه
سواء كنتي أم او موظفه او ربة منزل أو تخرجتي ولكنج قاعده بالبيت واهلج يصرفون علييييج او او او,,,,,

مع ذلك
اجتهدتي وعدتي رابعه ثانوي :eh_s(15):

اكيد كل وحده عادت رابعه راسمه خطه مستقلبيه
يعني مو عايدينها عبط..صح؟




قوليلنا ......؟؟



ليش قررتي تعيدين رابعه ثانوي ؟؟؟

شنو تخصصج الحين بالثنويه علمي \\ ادبي؟؟

وشنو طمووووحج يالشاطره هل راح تكتفين بشهادة الثنويه \\ او تطمحين للدراسه الجامعيه والدراسات العليا؟؟

ووين ناويه تكملين بعد الحصول على شهادت الثنويه \\ اي تخصص تبين بالمستقبل حقوق هندسه طب تدريس؟؟؟

هل راح تكملين بجامعة الكويت \\ او بجامعه خاصه؟؟؟

هل طموحج صغيــر وراح تدخلين معهد تطبيقي او معهد خاص ؟؟

هل انتي موظفه وتبين تعدلين وضعج الوظيفي وتبين تاخذين تفرغ دراسي وتكملين بره الكويت انتساب وتبين شهادة الثنويه بتاريخ تخرج جديد لان مضى على شهادتج القديمه اكثر من سنتين ؟؟وكلنا نعرف ان مايقبلون الشهادات اللي مر عليها اكثر من سنتين



هل وهل وهل ............................................ويبقى الامل؟؟







نتشوق لسماع اجاباتكم عشان نتفائل ويكون عندنا امل ونشجع بعضنا :rerrerek::rerrerek::rerrerek:




واتمنى لكم التوفيق والنجاااح بدراستكم

ومستقبل مشرق بأذن الله




:eh_s(7):

 

[بنت فينا]

انا تخصص ادبي بالثنويه


وعدتها لان ابي ارررفع نسبتي وودي اخذ تفرغ دراسي وودي اروح انتساب لمصر اذا سمحت الظروف
وبعد شهادتي طاف عليها اكثر من سنتين


اما اذا ما سمحت الظروووف اروح انتساب
بكمل اهني بجامعة الكويت
وودي ادرس حقوق<<< الرغبة الاولي
او محاسبه <<< رغبه ثانيه
او علم نفس

كل هالتخصصات احبهم



وعسى ربي يوفقنا ونييب نسبه عاليه

 

[Fugly chick]

السلام عليكم
الله يوفقكم كلكم انشالله وو يحقق اللي ابالكم
انا عندي سؤال و الله يخليكم جاوبوني:
انا تخرجت من الثانوية سنة 2006 فصل ثاني
يعني طاف على شهادتي 5 اسنيين...
الحين فكرت اعيدها و كان تخصصي علمي... جم سنة لازم اعيد من الثانوية اذا بدرس تخصص علمي (يعني نفس التخصص اللي درسته من زمان).. هل أعيد سنة؟ او كم سنه؟ رجاء اللي عنددها تجارب و متأكده تجاوبني!

 

[Angel_store]

موفقين

 

[بنت فينا]

السلام عليكم
الله يوفقكم كلكم انشالله وو يحقق اللي ابالكم
انا عندي سؤال و الله يخليكم جاوبوني:
انا تخرجت من الثانوية سنة 2006 فصل ثاني
يعني طاف على شهادتي 5 اسنيين...
الحين فكرت اعيدها و كان تخصصي علمي... جم سنة لازم اعيد من الثانوية اذا بدرس تخصص علمي (يعني نفس التخصص اللي درسته من زمان).. هل أعيد سنة؟ او كم سنه؟ رجاء اللي عنددها تجارب و متأكده تجاوبني!

هلا حبيبتي
اذا تبين تعيدين الثنويه على نفس تخصصج >>>بغض النظر اهو شنو
تعيدين سنه وحده

لو حبيتي تغيرين تخصصج
تعيدين سنتين



هالكللام للعلمي والادبي







يلا بنات نبي تفاعل

 

[ام مشعل المطيري]

مرررحبا عاد تصدقين كنت ناوية اسألج نفس السؤأ بالقرووب
انا تخرجت سنة 2006 ادبي مقررات واخذت دبلوم وتوظفت قطاع خاص
وبصراحة ودي اكوووون جامعية من قبل فما كان جدامي الا اني اعيد رابعة بعد ماشفت رفيجاتي اللي نسبتها 91 والثانية 84
ودي ادخل تخصص اقتصاد منزلي او تربية خاصة وسلامتج

 

[بنت فينا]

واي فديتج ام مشعل
احب الانسانه الطموحه
عسى ربي يحقق مرادج ويوفقج وويوفقني ويوفق كل الطالبات ونوصل للي نحلم فيه من سنين




شرايج نشجع نفسنا ونحط نسب مالت قبول الجامعه حق التخصصات اللي نحلم فيها؟
عشان نحط الهدف جدام عيوننا ونشد حيلنا ونبذل مجهود مضاعف ونجتد


من جد وجد ومن سار على الدرب وصل



ياااااااااارب انك تحقق امانينا

 

[ام مشعل المطيري]

ياللة ايدي بايدج انا باذن الله 85 وفوووق

 

[رووان]

السلام عليكم
انا خاطري اعيد رابعه ثانوي بس انا ادرس بالجامعه العربية المفتوحة تخصصي صعب فيها علوم اقتصادية بس موعارفة شلون اذا عدتها هالسنة يطلعوني من الجامعه ولا شنو لأني مابي هالجامعه ابي جامعه الكويت تربية بس اسقط او ماجيب نسبة وتسقط شهادتي القديمة ويروحون علي الشهادتين

 

[بنت فينا]

ياللة ايدي بايدج انا باذن الله 85 وفوووق

كاني ام مشعل مادتلج ايدي :eh_s(22)::eh_s(17)::eh_s(9):

 

[كنتووشة]

انا حلم حياتي الجامعه ودي اكون جامعيه وحاليا ادبي واذا الله كتب بدرس هندسه لأني دبلوم صيامه حاسب

 

[غلا،،]

شئ حلوو الواحد يكون عنده طموح وهدف يسعى له

ربي يوفقكم شدووو حيلللكم وفرحوونا بالنسب الطيبه

 

[بنت فينا]

كنتوشه
شلون ادبي وهندسه مايصير ؟؟؟!
خربطتي معلوماتي


بنات يصير تخصص الادبي يدرسون هندسه ؟؟؟
امبيه منو فينا الصح اخاف انا معلوماتي غلط؟!





حبيبتي غلا مشكوره على التشجيييييييع الله يسمع منج يارب
والفال لج تحققين اعلى المراكز

 

[كنتووشة]

ادبي هندسه كمبيوتر شبكات

 

[كنتووشة]

انا اصلا دبلوم صيامه حاسب بعد الثانويه

 

[بنت فينا]

امممممم


مشالله عسى ربي يوفقج ويحقق كل اللي ابالج





والله استانست لمن قريت طموحاتكم لان شجعتوني زياده

 

[jroo7 maryoom]

بنات شلون الدراسه 4ثنوي ع نظام القديم ولا اليديد وهي سهله ولا...
انا متخرجه سنه2007 ادبي واتمنى اعيدها عشان ادخل الجامعه لانه طموحي اكبر مني

 

[بنت فينا]

ان سهلتيها تسهل وان صعبتيها تتصعب :|

ودام طموحج جامعه عيل دشي ثنويه وانتي مغمضه ولا تخافين الابلات طيبين وراح يساعدونا باذن الله

دشي يختي دشي معانا للحين ماخلص التسجيل
التسجيل يخلص 13\10
يمديج تزهبين اوراقج وادشين
وربي يوفقج يارب

 

[M!ssq89]

اي والله حتا انا ودي انا شهادتي ٢٠٠٧ مقررات

وعندي دبلوم بس خاطري بشهاده سنعه

دام لاشغله ولا مشغله ولا وظيفه والديوان مطول

 

[M!ssq89]

بس يقولون التسجيل خلص

انا والله محتاره من هالشغله ،

يصير اذا توظفت ادرس مسائي ولا لا ؟؟؟