موضوع فرفوشي ،، عن العناد ويباسة الراس

[( مي )]

قوة بنات


















بنات احيانا يصير زعل بين الزوجين
وكل واحد ايبس راسه وموراضي يعترف بغلطه
ويمر يوم واهم زعلانين
ويومين واهم زعلانين
و3
و4

وكل طرف بداخله رغبة انهم يردون يتصالحون ،، بس كل واحد ميبس راسه وناطر الطرف الثاني

شنو مواقفكم بالعناد وقت الزعل وشلون تبادرون بالصلح على الرغم من العناد ويباسة الراس !!


خل اقولكم موقفي
انا وزوجي امورنا متلخبطة وزعلانين من الويك اند بسبب سوالف البر وربعه استغفر الله ،، يعني اموت واعرف ما يصير يمر ويك اند واحد بس بدون بر @@

انا شايفة نفسي صح
واهو شايف نفسه صح

وكل من مشين نفسه عالثاني
بس كل يوم بالليل نقعد بالصالة مثل العتاوية هههههههههههه واحد يخز الثاني
امس اقوله شكو تخز ؟؟؟ يقولي كيفي
كل يوم من الخميس هذي حالتنا لي أمس اهو يخز وانا فيني ضحكة وقامتتها
بعدين نتكافخ بالكوشيات وننام

وكل ما قلت بطخ ارد اتيبس لاني منغثة من قلب ما صار ربع وبر وربع وبر وربع وبر
وانا ؟؟؟؟؟؟؟؟؟؟



يالله دوركم مع يباسة الراس والعناد في الصلح بينكم

والله لا اييب الزعل ​

 

[ضايعة بدنيتي]

ههههههههههههههههههه ربي يخليكم لبعض ميونه

موضوع رائع

متاااابعه

 

[ماركة انثى]

رد : موضوع فرفوشي ،، عن العناد ويباسة الراس

مي نفس المشكلة

انا مرات اخش السويج السيارة
ويقعد يدور خنت حيلي لين ينبط راسة ,

اخر شي انا استسلم اطلعة يعني توني لقيتة.

بس اطفرة ساعة هههههه...​

 

[ديانا سبنسر]

انا وزوجي اذا تزاعلنا يعني الزعلات الخفيفة يبوس بنتي ويقولها يازين امج اطالعه مستغربة يقول انتي شكو انتي امها اقول شرايكم ويبتدي الضحك ونتصالح

ميرسي على مواضيعج الحلوة

 

[رفرف]

انا ما اعاند بهالاشياء ولا اطول الزعل لأني انا الخسرانة بس صرت ما اكبت بنفسي ابطها واقول اللي بخاطري واطوف كثر ما اقدر اطوف واطلعها من جبدددده تالي ..

واذا عالبر والويكيند حمدي ربج انا كل يوم ومسويتله تعذيب ماقوله لا تروح البر بالعكس ابتسامة عرييييضة واخذ راحتك واستانس بس بعدين اغراض الجمعية وطلبات اليهال والمشورة ما اطلعها الا لي عزم يروح البر فيضطر يرد مبجر حتى ادق اقوله ضرووووري نبي بنادول حق اليهال او قطرة اذن او دوا ترجيع او جذي وايي مخترع واقوله هااا جنه خلاص ماني معطتهم مافيهم صخونه !!

اما لي عاندت والله عندي 4 طوف اطق راسي فيهم وطبعا بيشوف اني الغلطانة الشريرة النسرة اللي واقفة في طريج وناسته وع علي واهوه متحملني يا حرام فيعني ما يهون علي اعطيه هالفرصة ..

 

[! بــدويه وآآيــد !]

،

ههههههههههههآي انا اذا تهآوشت معآه تحلى لي الكشخه والميك اب واللبس المشخلع مع والله وبهالأذآن عمره مآغلط كله انا يآ اسوي الي برآسي يآ ازعل واحنا عندنا كمبل حاطينه بالصآله عشان لما ننسدح ونطآلع التلفزيون يكون الجو ثلــــج ويقول لي دشي لآيدشج البرد وادش اعطيه ظهري احم احم عآد يرآآآضيني غصبن عنه واذا زعلتي جآيده ويكون كل وآحد قآعد بروح نترآضى وقت النوم لأن متعود يلمني وينآم ولمآ انآم اعطيه ظهري وابعد مخدتي لووول عآد يقول لي قربي واقول مآ ابيك غصب عآد يشتغل الفلم انا زوجج ؟ مآلي غيرج ؟ انتي امي زوجتي حيبتي يهون عليج ؟ عآد يبدأ فلمي وانا اذا ابي جذي وجذي اهوون عليك لووول ونترآضى وننآم

 

[~*~الملكة~*~]

انا مازعل لي راح المخيم او الجاخور او الشاليه

بالعكس اودعه بابتسامه عريضه :wqedqw:


علشان اخذ راحتي يا اطلع يا اسوي برنامج عنايتي


اما اذا زعلت ماكو ساعه ولا رضيت ماحب الزعل :friends:

بس ارووح اتحرش ابي الشغله الفلانيه ولا وين حاط الشي الفلاني

وجنه ماصار شي ولا اقوله شوووف شنو طالع لي وكلها سوالف عياره



لا تعودون الرياييل على الزعل والله باجر يصير مايهمه زعلكم

 

[atoootta]

رد : موضوع فرفوشي ،، عن العناد ويباسة الراس

ميوووون شلونج عسل ؟
وحشتيني




وااااااي يا كثر الزعل بينا .. وزوجي من طبعه مايحب التزعل يعني اذا زعلت زعل اهو شكوووووووووووووووو !!

وانا طبعي حساسه واقمت شكثر واذا بتحجى بجيت على طول واهو يكره لابجيت .. ماندري شلون انتصرف خخخخخخخخخخخ

اذا كنت واصله حدي وجيت بتناقش بعصبيه وحده شوي تخيلي شيسوي ؟
يطلع ويخليني
وانقققققققققققققققققققققققققققهر
وتالي يقول احسن لاني لو برد عليج بتكبر السالفه انطرج لين اتطخين واذا طخيت اسكت واقمت !

بس اغلب الاحيان زوجي يقول لي : تعالي ناقشيني بهدوء قوليلي ليش يابو عبدالله جذي ؟

لا والله .. ليش انا اجيك ؟؟
وانت شناقصك عشان تجيني تحاجيني بالاول !!!!!!!!!!!!!!!!!!!









بس اهو يجي ويعتذر بالشغلات اللي فعلا غلطته ماتترقع مثل امس زعلت عليه وجاء يعتذر ويتأسف وتلملم وتبوس والاخت معنده ماتبي ترضى
خخخخخخخخخخخخخخخخخخخخخخخخخخخخخخخخخخخخخخخخخخخ

الدلع حلو بهالحالات عشان يزيد الجيله
خخخخخخخخخخخخخخخخخخخخخخخخخخخخخخخخخخخخخ

 

[سري الدفين]

رد : موضوع فرفوشي ،، عن العناد ويباسة الراس

البر قصة طويله أنتي خلي الوقت هذا له وأستغليه بطلعه مع خواتج ولا رفيجاتج والطلعة مع زوجج خليها بأيام الأسبوع العاديه جذي محد يخسر

 

[ملواكي]

انا مالي قلب كلش عالزعل .. لي تخانقنا كل واحد يطلع الي بخاطره حتي تهلق انهلق ابعض وبنفس الوقت ينتهي النقاش بلي انا ابيه ويادار ما دخلك شر ..
عودته علي هالطبع اريح احنا ابيت واحد اشلون اجابله طول اليوم واحنا متزاعلين ما اعرف

 

[ربيعه]

ميونه نفس حالتي بس انا الحين مع الحمال قرين لايت ههههههههههههه ودي ابوس راس ربعه واحد واحد بس مايقعد عندي مااالي خلق هههههههههههههه


بس لي زعلنا سواء انا غلطانه ولا لا كلها يومين واقعد ابجي كلمني هههههههه

 

[( مي )]

ههههههههه
حلوة حتى تهلق نهلق ابعض لووووول

اهلين اتوت تمام بخير الله يسلمج عسولة

واي بنات تعليقاتكم تشوق ،، بس ما اقدر ارد على وحده وحده خلص دوامي لوووول

 

[غلا رشرشها]

رد : موضوع فرفوشي ،، عن العناد ويباسة الراس

<< مملجة :$

اب اب لعيوونج

 

[FeShinGoOo]

رد : موضوع فرفوشي ،، عن العناد ويباسة الراس

ذكرتيني بايام الصباح اتصدقين الحين لايعه جبدي وماتحمل ايبس راسي حتى لو اهو غلطان اقصر الشر واكلمه لان مردنا بنتكلم شراح استفيد لو يبست راسي وماحاجيته خصوصا انه ماراح ينفع ولا راح يتغير واهو مقتنع انه صح ؟؟ اكبر راسي واصير احسن منه لوول

 

[BiiShOoO]

انا بالنسبة لي ازعل و بسرعة ارضى و اهوا نفس الشي

 

[* بنت المطر *]

اممممممممممممممممممم

اقول اب لعيونج بس

 

[جولينار]

رد : موضوع فرفوشي ،، عن العناد ويباسة الراس

انا اذا كنت غلطانه

اروح اراضيه على طول

واذا غلط هو يراضيني

او الزواج كنت ايبس راسي ولاهمني

لكن الحين بالعكس اذا تزاعلنا اتكدر واتضايق الين مانتصالح

<< حبته بسرعه ههههههههه

 

[الأميرة جوري]

رد : موضوع فرفوشي ،، عن العناد ويباسة الراس

انا حبووووووووووبه وااااااااايد <<<مداح نفسه هههههه ما اطول بالزعل اسوي اي شيء علشان يراضيني اما اقعد اضحك واهو يبتدي يسال وشنو تبين وماتبين او اخر الليل اشغل حركات الاغراء يعني ما دري عنك ههههههههه واهو يصير خارج منطقه التغطيه ..فما نطول مرات اتنازل عن اللي ابي اذا كان مستحيل يلبيه

 

[الأميرة الحزينة]

كااااااااااااااك << عجبتها ليش تخز ,,كيفي :eh_s(15): يبوووووي عالعنااد :s141:.. انا اول كنت اعاند واقعد جم يوم بس عقب قمت اطنش:flower: بسرعه امل ماحب اطنقر واايد لووول ,,,,
تبين الصج ؟؟ الجو الحين اينن وحلاته كله بر وخصوصا مع الربع ضحك ووناسه صراحه ما الومه .. بس عاد مو يمصخها 24 ساااعه لأ:flower: لا تحبكينها ميوون مع الريال خل يروح يستانس :eh_s(9):

 

[sharshora80]

رد : موضوع فرفوشي ،، عن العناد ويباسة الراس

آآآآآآآآآآآآآآآآآآآه يالبر
انا ريلي كان بيتوتي درجه اولى
والله من قمت اسولف حق الناس صار شئ ثاني
امبيه اخوي علمه على المخيم والجنجفه خلاص صار كل يوم بر ومخيم
يطلعنا ويسوي اللي ابيه وكل شئ مجاب بس لازم يختمها ان يقطنا البيت ويروح البر
والله يضيق خلقي