موضوع جرئ عن سمعة البنت السيئه ..

[أميره بحزني]

مسسسسسسسسسسساء الخير




قوه خواتي شلونكم شخباركم شعلومكم شخبار الدنيا فيكم <<<<< فاضيه :lololoe:


عندي موضوع وودي أتناقش فيه معاكم هالموضوع يمكن مر علي وحده أعرفها كانت الله يستر عليها دنيا وأخره بنيه شويه رقله
وماكنت تفكر بسمعة أهلها وتحاجي شباب وتطلع معاهم عسي الله يغفرلها والبنيه مرت بضروف عكسيه غيرت مجرأ حياتها تعرفت علي بنات يخافون الله وخلوها تنشغل بأمور تنفعها وتصلي وتذكر الله وتترك الحرام وتحب الحياه وتعيشها بما يرضي الله سبحانه وتعالي ..................... هذا المختصر للقصه ....................


سؤالي هل الناس راح تنسي لها ذكرياتها القديمه والسوده وتتقاضي عن أللي كانت تسويه أو راح تذكره وماراح تنسي سمعتها السيئه........؟؟



نبي رايــــــــــــــــــــــكم يالله .. نبدأ الجلســــــــــه :eh_s(4):​

​

 

[ام مصعب السلفي]

جزيتي الجنه لمشاطرتك همها

وهذي كلماتي لها وفيها جوابي لك




بداية غاليتي اهنيك لانك اختار الله لك الخير وانقذك من الظلمات

واسال الله ان تكوني ممن يحبهم الله فعصمهم عن معصيته



يالغاليه ,,,,



مو عيب ان الانسان يخطي فكل ابن ادم خطاء العيب انه يستمر على الخطأ

ويكابر بحق نفسه وحق ربه قبل كل شي





غاليتي ,,,


انا باقولك شي واحد ... صلحي نفسك مع الخالق يصلحها الله مع المخلوق

وارضي رب العباد يرضي عليك العباد ... يمكن تكون مرارة ان الناس تقول تحرق

لكن ثقي تمام الثقه انك اذا مشيتي صح راح تتغير نظرتهم وراح تكبرين بعينهم

بس المساله وقت بس ...






غاليتي ....


دعي الله امامك يكفيك ماسواه ... وربي اذا استمريتي ستجدين لذه تنسيك الناس كلهم










اسال الله ان يثبتك ويعلي شانك ويرفع قدرك

ويجعلك من اهله وخاصته واحبابه








غاليتي ....



المساله يبيلها عزيمه ونصيحه الرفقه الصالحه عظي باسنانك تمسكا بها

لانها كنز من كنوز الدنيا ... وسلم يوصلك لله








غاليتي ,,,,



من كان الله همه كفاه مااهمه

صلحي علاقتك مع الله يصلح الله علاقتك مع الناس


وابعدي الافكار عنك التي تحزنك وثقي ان الله مايضيعك

وراح يصلح نظرتهم لك خلي يقينك بالله كبير










اما الناس انا واجهت ناس كثير بالحلقه كانوا بواد من المعاصي والضياع

والحين دعاة لله الحمد والناس صارت تحبهم وتثني عليهم فلا تحاتين









الله يسعدك بقربه يارب ويشرح صدرك لذكره

 

[ام الدرر]

اتصور حسب الخطأ او المعصية فيه ناس تغفر وتنسى وفيه ناس لا
ومن رايي ان الله سبحانه يغفر ويتجاوز عن السيئات
واحنا البشر لازم نساعد التائب على توبته
وفي النهاية
قول من لاينطق عن الهوى صلى الله عليه وسلم{ كل ابن آدم خطاء وخير الخطائين التوابون }رواه الترمذي​

 

[كلي ثقه و سنع]

رد : موضوع جرئ عن سمعة البنت السيئه ..

يمكن ناس تنسي و ناس لا

والمهم ان الله يكون غفر وعفى

والحمدلله علي الهدايه

 

[aṕriliå]

رد : موضوع جرئ عن سمعة البنت السيئه ..

هالشي راجع لحجم فعايلها وراجع للناس انفسهم


يعني اذا اشياء تقريبا نقدر نقول اقل من بلاوي وفضايح الناس بتنسى

اما اذا بلاوي وانتشرت فالناس الفاهمة بتنسها لها هالشي لان الكل يخطأ ..

 

[لؤلؤية]

رد : موضوع جرئ عن سمعة البنت السيئه ..

حسب غلطها
اما اذا كان جايد ما ينسووون
وحتى لو طلع احد من عيالها سيء
على طوول يقولون البذر على بذره

 

[Tulips]

رد : موضوع جرئ عن سمعة البنت السيئه ..

لا طبعا الناس ما تتذكر الا الشي السيء للانسان للاسف .. الله يغفر بس الناس ماتغفر

 

[Miss Cherry]

الله يغفر لها اذا صج تابت ..

بس لا الناس ماتنسى وكل شي ولا سمعة البنت واخلاقها

انا وحده من الناس مانسى كان وياي بنات ايام الكلية والثانوية اخلاقهم بالحضيض والحين تزوجوا وصاروا امهات بعضهم تاب واعرف وحده ليما بعد ماتزوجت وهي على حركاتها .. صدقيني الناس ماتنسى يبقى ماضي البنت نقطة سوده

امي الله يرحمها كانت قايليه كلمة قبل ومو ناسيتها تقول سمعة البنت مثل الكلينكس الابيض اي شي يبين عليه ولايمكن يروح لوتابت هي بينها وبين نفسها .. الناس ماتنسى ولا بينسون تصرفاتها وصعب تغير نظرة الناس

 

[جــوريــه]

رد : موضوع جرئ عن سمعة البنت السيئه ..

بصراااحه السمعه اعتبرهاا اهي تااج البنت واذا انعدمت السمعه خلااص بتخسر كل شي بس اذا تابت توبه نصوحه
ربي راح يعوضهاا ويستر علييهاا عسى ربي يستر عليناا ان شاء الله

 

[برينسيسا]

رد : موضوع جرئ عن سمعة البنت السيئه ..

في ناس تنسى وفي ناس ماتنسى

 

[a7laSaudiah]

رد : موضوع جرئ عن سمعة البنت السيئه ..

اكييييد فيه ناس ماتنسى الي كانت تسوويه

بس بيشوفون الفرق بين اول والحين وشلون الله يغفرر لعبااده ويهديهم على صراطه المستقيم

والله يثبة قلوبناا على طاعته وعبادته

يعطيج العافيه ع الطرح

 

[كويتية و لكن]

اذا تلبت توبة نصوحة وكفرت عن افعالها بالتوبة والطاعات ربي يغفر سبحانه وتعالي كما لا ذنب لها

والناس مالهم اهمية مقابل غفران ربي والزمن كفيل ينسي الناس

قل يا عبادي اللذين اسرفوا علي انفسهم لا تقنتوا من رحمة الله

لا اله الا هو الغفار الوهاب الرزاق الفتاح العليم سبحااااااااااااااااااااااااااااانه وتعالي

 

[ĎєνiL.ĞιRL]

الريال لو مهما غلط ومهما كبر غلطه ..

وحتى لو ما تاب محد قاعد يحاسبه ولا يحسسه بغلطه ..

ويدوروله العذر ..!

لكن البنيه تندفن واهيه حيه على غلط ممكن يكون نفس الغلط الي سواه الريال حتى وان تابت ..

وربج غفرلها ..!

انا اشوف هالشي فيه جهل وتخلف بالمجتمع الي احنا عايشين فيه ..

لانه ربنا الي احسن مني ومن كل واحد موجود بهالدنيا ..

سامح وغفر , احنا ما نسامح ليش ؟!

لو مهما كان الغلط الي سوته البنت من انها كلمت وحتى لو زنت واهي مو متزوجه ..

وبعدها تابت توبه نصوحه ..

المفروض احنا ما نتركها ونحبطها ونرفضها..!

بالعكس جذي ممكن ترد تعيد الغلط لانه ما شافت من يمسك بإيدها وينسيها الي سوته ..

لكن الي يشجعون الواحد ويسامحونه وينسون ..

هذيله بيكونون خير عون لها على ثباتها في الطريق الصحيح ..

لكن لا حياة لمن تنادي ..

الجهل بهالموضوع راكب الناس من راسهم لي ريلهم ..

و مشكوره عالموضوع ..

 

[عــاشــقــه]

إبن آدم خطآء ومو معصوم عن آلخطأ

آهم شي إنهآ تآبت وعرفت إنه إللي تسسويه كله غلط وهآذي آلبدآيــه

بسس لآ تنسون إنه إحنآ عآيشين بمجتمع شرقي مهمآ تطور يبقى آلبعض نظرته مثل مآ إهي مآ تتغير

ممكن تضحك وتسسولف معآج بس لي صآرت آلصجيه مآرآح تعرفج آو تآمنج على شي يخصهآ

وكل مآ يتكلمون بموضوع إهيآ كآنت مسسويته آول مآ بيذكرون إهي حتى لو بعد 10 سنين

 

[جوك احلى جو]

المجمتع مايرحم ربج يغفر لكن الناس لا

 

[شطانه طفله]

رد : موضوع جرئ عن سمعة البنت السيئه ..

ودي اسوي فورمات حق حياتي وانسى

 

[ShY iS]

Alnas t'3yrt mo mthl 2wl tnbsh bl ma'9ii w 7ta alshbab nfshom 9ar 3adi 3ndhom hal shai
w 3shan nkon wa83yeen al7en albnt al9ay3a ehi eli mashi so8ha

 

[المكسيكيه]

في ناس تنسى وفي ناس بالمقابل ماتنسى
الله يثبتها على هي اللي فيه

 

[&& دعاء &&]

رد : موضوع جرئ عن سمعة البنت السيئه ..

الناس ما ترحم
ومستحيل تنسى خلاصة الكلام هالزمن ما يرحم .........

 

[داريني]

اذا الله سبحان وتعالى يسامح ويغفر ويقبل توبه
احنا منو الي ما نتسامح
انا شخصيا ما اطالع سوابقها وحمدالله كلنا جذي حتى اهلي علموني لازم نستر ونغفر
بس هم في ناس تحب الزلات ولا تنسى و تتشمت و تتكلم وللاسف هذوله اول ناس يدشون النار