موضوع اربيعتي ,, محتاجه ارائكم

[uae_2009]

مساكم الله بالخير يا حلوات ,,

شحالكم ؟؟ ان شاءالله مرتاحين


الصراحه انا اول مره اكتب ف هالقسم واتمنى اسمع ارائكم ادري انكم ماتقصرون :eh_s(17):


الموضوع يخص اربيعتي


فالبدايه بتكلم عنها ,, عمرها ف بدايه العشرينات

حبها انسان متزوج وحبته طبعا ماكنت اتعرف انه متزوج وعمره تقريبا 30 ومن عرفت حاولت تبتعد عنه وتخفف العلاقه الي امبينهم وكانت اتفكر ف حرمته واتقوله انت انسان معرس وعندك عيال وخاف الله عندك الحلال ليش ادور ع غيرها بس مافاد

استمرووا مع بعض ويت فتره استوت مشاكل وخلوا بعض سنه وعقب السنه الحبيب حن قلبه
واتصل وقالها شفت الحزن بغيابج ومن هالكلام انه ماكان مرتاح ورجعت المياه لمجاريها وعلى كلامها ان الريال ميت عليها وردت اتكلمه ف نفس الموضوع وقالتله خل العلاقه سطحيه وانا مابا مشاكل

قالها لاتخافين انا مب مقصره وياها

بس ماباج اتخليني ,,, تقدرون اتقولون الريال عشقها

عقبها بفتره الريال كلم البنت وقالها انا اباج زوجه لي

طبعا البنت رفضت وقالت لا وكيف وانت معرس واهلي مابيوافقون بس ف داخلها تباه بس ماليد حيله ومابترضى تي ع وحده غيرها

للعلم: الزوجه هامله عمرها ولامهتمه وهو يحاول يغيرها ويسوي بس ماشي فايده ويقولها بعرس عليج اتقوله بسوي الي تباه وماتسوي

بنات

اربيعتي انخطبت من شهور ولين الحين ماملجت واتحس انها مب مرتاحه له وهو من درى بالموضوع يقولها انهي السالفه وهو بيخطبها

والريال مقتدر وقادر يفتح بيتين وماعليه قاصر
وهي محتاره وقالت له شرط اهلك والحرمه يكونون موافقين

اتخاف ترفض خطيبها والمتزوج اهلها مايوافقون عليه وقالها لو رفضوني برد وبخطب مره ثانيه


الريال جاد ف كلامه

وهي البنت لاليلها ليل ولانهارها نهار


مب قادره اتسوي شي


انتو شو رايكم
​

 

[Dancing^Queen]

السلام عليكم

برايي اختي خلي صديقتج تصلي استخاره وتستشير احد كبير بالسن بالموضوع
اذا عذره ان زوجته مهملته ومو مهتمه لما يتزوج عليها بتهتم وتجابل وبيرد يحن لها لان اكيد بتتفننن عشان تجذبه ولاتنسين ان عندها الكرت الرابح اللي اهو اليهال
خل تفكر عدل عدل عدل قبل لاتقدم علي هالخطوه

 

[Perfume]

حبيبتي هذا يحط بزوجته عذاريب عشان يبرر تصرفه
شدراكم انها هاملة عمرها ولا تدري عنه ؟؟ يمكن العكس اهو الصج
رفيجتج غلطااانة المفروض من درت انه متزوج تقطع علاقتها فيه
شذنب زوجته المسكينة وعياله !!
واذا مو مرتاحة للي خاطبها خل تفل الخطبة اهم شي تكون مرتاحة او يمكن سبب عدم راحتها تفكيرها بالمتزوج
بالنهاية اهيا صاحبة القرار اذا متأكدة اهلها بوافقون عليه واهيا مستعدة تعيش مع شريجة خل تستخير

 

[شادن33]

الاستخاره اول شي لا خاب من استشار
ولاتصدقون ريال عذره ان مرته هاملته أكيد بيقول جذي يعني شنو بقول مرتي سنعه وتهبل وماعليها قصور بس أنا بتزوج عليها جذي !!!!!
وهي بعدها صغيره تفكر بخطيبها افضل

 

[فوفو22]

اتوقع لما يتزوجها

تروح السكره وتجي الفكره

هو متعلق فيها لانه مو طايلها

بس يطولها

العشق ينتهي

وتاكدي انه زوجته ما فيها شي

كل متزوج يكلم بنت لازم يقول انه زوجته هاملته

وتلاقينها بعد قلبي مريقته ومغديته ومعشيته ويطلع يغازل غيرها

فوفو

 

[صاعقة بيوتي]

خلها على خطيبها احسن شتبي بريال متزوج اخرته بيحن لزوجته وبيرد لها اكيد مليون بالمية ولاتصدق كلامها اشتبيه يقولها انه زوجته اسنع مرة وانا ابي اتزوج منج بس عبط لا ياحبيبتي خلها تصحى من الحلم اللي فيه الريال يبي يلعب بذيله جم شهر وبعدين بيعقل وبيرد لبيته وعياله

 

[تمنيـتگ]

شتبي بريال متزووج ليش تضيع عمرها مع واحد متزوج وعنده عيال

ليش تهدم وتبني سعادتها فوق هلبيت

انا اقول لو اهي مب مرتاحه لا توافق حتى على خطيبها لانه وضعها لنفسي مايساعدها تاخذ قرار

 

[Gifts&Occaions]

الله يعينها