موضوعي هل عندج صوره لزوجج مهم جدا جدا

[tooooma]

يعطيكم العافيه خواتي الكريمات انا حابه اطرح عليكم موضوع يديد واتمنى اني القى تفاعلكم الطيب

معاي في موضوع البسيط

1- هل انتي من الناس اللي اتحطين صورة زوجك في البوك الخاص فيج نحن نعلم انه الزوج

لايمكن ان يضع صورة زوجته ( اشوفها صعبه نوعا ما )

2- لو كنتي انتي مع زوجك في احد الاماكن واضطر زوجك لطلب صوره شخصيه دون قصد

لمعامله او الخ .......منج على اساس انه الزوجه اتحط صور عيالها وممكن انها اتحط صورته

وانتي جاوبتي زوجج وقلتيله ماعندي صوره لك

ياترى شنو ممكن يدور في قلب الزوج او شنو ممكن يفكر في داخله وانتي شنو راح يكون

موفقج لو قالج افا ماعندج صوره لي ؟



يالله يابـــــــــــــــنات خلونا انشوف ردود افعالكم لو واجهتو نفس الموقف

 

[tooooma]

اخيرا نزل الموضوع

خلوووووووووونا نتشارك بالردود وانخلي الكل يستفيد من هالتجربه

 

[tooooma]

38 وحده شافت الموضوع ولاحتى كلمة شكرا

ياســــــــــــــاتر شنو صاير ؟

 

[حبيبي مالكني]

انا صراحة موحاطه صورة ريلي في بوكي
ولا في تلفوني
احس حركااااااااااااااااااااااااااات مالت اول

 

[Pinky -cat]

انا حاطتها وياي احب اخليها وياي ، بس لو قالي ابيها مارح اعطيه هههههههه نحيسة ابيها حقي .

وصج موقف مو حلو لو قالي ما عندج صورة وقتله لا بيحس بشعور مو حلو صج

 

[dana.7]

اب

مو متزوجه

 

[mn143]

اي حاطة صورة زوجي واولادي بعد في جزداني .. احبهم والله لايحرمني منهم

مع العلم اهو كمان كان حاط صورتي في بوكه بس بعدين اخترب وقلتله بعطيك واحد ثاني بعدين
:nbvppw:

 

[tooooma]

انا صراحة موحاطه صورة ريلي في بوكي
ولا في تلفوني
احس حركااااااااااااااااااااااااااات مالت اول

بالعكس حبيبتي ليش حركااااات اول على العموم تسلمين على مشاركتج الحلوه

 

[tooooma]

يعطيكم العافيه على المشاركه بس خلونا نسمع راي الخوات وانعرف شنو ردة فعلهم

 

[(حكاية قلب )]

مشكووورة

 

[شادن33]

انا خاشه احلى صوره له في بوكي وضاااعت اليهال ينبشون في جنطتي وضيوعوها الله يقطع ابليسهم

واهو يحب لمايشوف صوره عندي وكل مايسافر اصوره بفوني عشان اشوفه وابكي على الاطلاااال خخخخخ

ترا يحبون هالشي

 

[M!SS.LOBY]

عادي احس الوحدة تحط صورته ريلها بالبوك

 

[امـ خــزامـى]

مااحطيتها بالبوك بس بالجوال عندي
اصلا هو يصور ويرسلها لي

وانا عكسك شاادن
اذا ساافر ورتبت شنطته احط صوره لي واكتب وراها كلامي

 

[غلايو]

ماعندي ف بوكي

بس لازم تكون خلفيه تلفوني
ولي زعلت منه غيرتها مابي اجوف ويهه و لما يجوف الخلفيه غير يعرف اني زعلانه هههه

 

[barish]

منو يشيل صور الحين

كله بالتلفون

ما اعتقد في ريال يفكر جذي

و لازم يقول لي من اول عشان اجهز له صورة اذا يحتاج

 

[AmoOona_29]

-

قلة المواضيع !

 

[Bloom]

لوووووول انا ما اشيل بووك وايد ولا فيه صور ههههه

 

[orange blossom]

لا انا ما حط صورته في بوكي
ما احب احد يشوف صورته
ولا حاطه صورته في تيلفوني
و اهو عارف هالشي
و اهو نفسه ما يحب جذي

 

[M!$_ $heme]

انا صراحة موحاطه صورة ريلي في بوكي
ولا في تلفوني
احس حركااااااااااااااااااااااااااات مالت اول

هههههههههههههه حلوه هذي ما اول عيل شنو مال الحين؟؟

صورته وياي على طول عشان اشوفه وهو معاي ومومعاي فديته

 

[برنسيسة2007]

عندي60الف بوك وموجوده في بوكي الفندي ههههه اذا سألني بقول في بوك ثاني
وخوش ترقيعه للي تتوهق