موضوعي محرج ترددت وايد قبل لا اكتبه لكم ،، للمتزوجات

[aya faid]

السلام عليكم كل عام وانتم بخير

ترددت قبل لا اكتب مشكلتي بس صج ابي احد يعطيني رايه لان حييييييييييييييل مترددة

مشكلتي احيانا احس انها كبيييرة واحيانا تافهه

قبل لا اكتب موضوعي عندي سؤال لكل متزوجة



اذا زوجج يحبج وحنون وكريم ومو مقصر معاج يطلعج ويسفرج ويشتري لج ما يخلي شي بخاطرج

يحترمج وانتي كبيرة بعينه وفيه كل الصفات الي تتمناها اي زوجة والحمدلله

بس مشكلته بالفراش ،،مثلا مافي معاشرة زوجيه الا بالسنة مرة ؟؟؟


شرايج شالحل؟؟ شتسوين تكلمينه ولا مو ضروري
الموضوع كبير ولا سخيف !! :bbbiu:




ابي اراء عالاقل بنتين ثلاثة يجاوبو عالسؤال


واتوقع فهمتو مشكلتي :eh_s(11):





ناطرتكم على احر من الجمر

 

[ام فواازي]

دام هذه مواصفاته حلو والله يخليه لج
بالنسبه للمعاشره مو تحنين ليش وماليش يعني بتعرفين سبب بعده انتي بادري تحرشي فيه وهو قاعد او نايم عادي تحرشي لين يقعد عرفتي
وكلش كلش قطيها بوجهه قولي ابيك

 

[modern]

اول شي اعرفي السبب....اذا كان لك انتي و بس و ما عنده سوالف برا البيت فتحرشي فيه انتي و زيني غرفتك و خلي الليلة الي تقضوها ما ينساها عشان يحنلها كل مرة و احيانا الزوج تمر عليه مشاكل بالحياة و الشغل يخليه ما يفكر بالجنس و لازم تستوعبي الموضوع و خليكي ثقيلة.

 

[الأميرة جوري]

شوفي شنو السبب يمكن عنده مشاكل بدوام او ظروف ماليه واذا فوق الشهر ماكو عادي كلميه قولي فيك شي مضايقك شي انا موقصدي الجماع بس حبيت اعرف اخاف عندك مشكله ومو عارفتها ومع رده بتعرفين ريلج وطريقه كلامه لو فيه شي بيرتبك واذا لا خلاص شوفي نفسج شنو كان ينتقدج فيه شنو كان يطلب وانتي ماتلبين لازم في سبب اما عضوي او نفسي

 

[فوفو22]

اذا تقصدين السنه 12 شهر

ضروري تصارحينه لمعرفه الاسباب

واذا تقصدين سنه ايحاء بين فتره وفتره طويله

هنا يعتمد على فتره المعاشره ومده الزواج في علاقه نسبه وتناسب

حددي مده الزواج وممكن افيدج بالمعدل الطبيعي بين الزوجين

فوفو

 

[لمى الهاجري]

معاشرة بالسنة مرة ولا بالشهرة مرة وضحي كثري له السمج والربيان باكله ترى زين قوي للرغبة مادري هاي اا مشطلته عضوية

 

[غـلآوي ّ ~]

إيي معروف الربيآن بسسس حرآم ليش مره بالسـنه شلون صابره انتي ههههههههه

شوفيه يمكن عنده مشكله شي الله يوفقِجّ وٍيسخرررهـ لجّ

 

[اميرة زوجي]

اذا كان عنده مشكله مرضيه لا م توقفي جنبه وتتحملي
اما اذا كان له اسباب اخري او علاقات اخري ....
لاز م تعرفي السبب لتحديد كيف تتعاملي مع الموضوع

 

[مــســك]

اممممممممم


جم صار لكم متزوجين ..؟


اممممممم

قطيها بوجهه قولي له شفيك ماتبيني انا ابيك .. وشوفي ردت فعله ..

 

[كويتية بروما]

حددي القتره
وووو مده زواجكم عشان نحكم

 

[الخجل الانثوي]

امممم ماني متزوجه بس بجاوب كرائي

المعاشره مو كل شي ياما بنات متزوجات ياخذون حقهم وزياد بالفراش بس بغيره مالهم اي حق ولا احترام ولا شي حالها حال اي قطعة اثاث
طالعي محاسنه مميزاته فكري فيه بايجابيه لا تحطين نقطة الجنس تكون نقطه سلبيه كل ماطرا عليج زوجج تذكرتي هالنقطه السلبيه فيه
يمكن مريض تعبان والزواج مع المده بيقل هالشي مره بسنه لا ماتوقع اتوقع بين فترات وهذا امر طبيعي
جربي بيوم تحطينه امام الامر الواقع كمثال العيد قرب سوالف هيئت لك نفسي ممكن تضبط
جربيهم باي يوم وصارحيه بشوقج له
ولاتصارحينه بتقصيره لو شنو يصير من هالناحيه لان لو صارحتيه ممكن من غير نفس او تحسينه مجبور خل امورج طبيعيه افضل

الله يوفقج
*

 

[شادن33]

اذا الموضوع مآثر عليج جسميا ونفسيا لازم تتكلمين معاه وتعرفين السبب

هذا اذا مثل ماتقولين العلاقة شبه معدومه

قصد الزواج سكن وموده واعفاااااااف للزوجين مؤ عيب تعرفين سببه هذا حقج
بس باسلوب رااااقي مؤ دفاشه

 

[مـوني آلحلووة]

انزين انتي تسويله اغراءاات تلبسيله ...؟؟
ترى في رياييل مايقربون صوب الحرمة الي لابسه طويل ويصير عندهم شي عادي
يمكن ريلج من هالنوع حاولي تلبسيله اشيااااء قصيره وتغريه وشوفي شصير معاج حبيبتي

 

[كليـ دلعـ]

المفروض تفهمين

انه ماعاملج بكل هالحنان والطيبه والزين

الا لانه بيغطي ع مشكله فيه!!

يعني معاملته لج

يغطي ع هالعيب اللي فيه!!

يمكن مريض

عشان جذي يحااول يغطي عيبه يحاول يسكتج

عشان يحرجج وماتقدرين تتكلمين!!


الله يعينج

هذا شي راجع لج

انتي قادره تعيشين بهالوظع والا!؟!

 

[قَلبڪْ صًخرْ]

اول شي شلون صلاته ؟
مابي اشكك بس يمكن راعي سوالف بره
هذي نقطه
نقطه ثانيه
يمكن في ضعف بالانتصاب ؟*
انصحج بدكتور احمد الكندري*

شغله ثالثه جم عمره ؟ وجم زواجكم ؟

وسؤال لاتجاوبيني عليه اسالي نفسج
نوعج يسوي جو جريئة بالفراش ؟*
تعرفين تسحبين ريال والا بس اذا يبي ياني مايبي انطم !

 

[om-3azo-83z]

الحمدالله مو مقصر يعني ماله داعي مشاكل
بس تامصارحه حلوه لان هذا حق من حقوق الزوجه مل حق المصرف و غيره
انا من رايي تقعدين معاه قعدت صراحه و تسالين مافيها شي هذا ريلج ماتبين تواجهينه الحين جربي سوي ليالي حمرا كشخي و هيك حركات اذا ردج تفاهمي معاه بهدوووووووووووووووووء و بس !

 

[ترف بابا]

يبي له تصارحينه - تقولين له انا اشتاق لك ليش انت لأ ؟
ومن هالكلام ..

 

[بنوته ذربه]

انا لو مكانج ما اصبر صراحه شنو مره بالسنه
لو مره بالشهر هم ما اصبر شسالفه ليش متزوجه عيل

 

[L A T T E]

اذا المشكلة عضوية والريال مايقدر صبري عليه، لكن اذا كان زين وفجأة قلب اهني في مشكلة وحاولي تعرفينها بهدوء ومن غير لاتزعلينه

 

[انسام الكويت]

اخاف عقب ماولدتي تغير عليج وصار هالشي مو مرغوب بحياته!!!!

انتي بنفسج تقدرين تحددين العله وين وشنو السبب اللي خلاه يصير هالشي بالسنه مره على

قولتج والاهم انه مو مقصر معاج هالشي لاتنسينه عشان جنس يعني مساوئه ماتنعد عالاصابع