موضوعه ،، مايهمني

[( مي )]

مساكم - صبحكم
الله بالخير بنات
:eh_s(17):









لو نفرض انج قاعده مع زوجج ،، وزوجج قاعد يسولف
بسالفة
غير مهمة لج او بمعنى ثاني صارفيج النوم وانتي تسمعين السالفة
اما يسولف عن الكرة والنوادي
او عن ربعه بالدوام وسوالف الدوام
او عن الدوانية
او اي شي ما يمثل لج اهمية ، حتى ما تعرفين بشنو تردين عليه او شلون تناقشينه

شنو تصرفج ابهالحالة ؟
تدقرينه ؟ تسمعينه وانتي ساكته بس بالج مو معاه ؟ تبينين اهمية الموضوع بالنسبة لج ؟ ولا شنو تصرفج ؟ وشلون تجارينه بالنقاش !!

والعكس بعد
في مرة سولفتي سالفة اعتبرتيها مهمة لج وزوجج ادقرج وحسسج انه ماله شغل بالموضوع اللي تكلمينه فيه ؟


انا نوعي اسكت واسمع بس ادوووووووووووخ حده يصير فيني النوم ههههههه
رفيجتي تقولي اول ما يفتح سالفة مالي شغل فيها اقوله اسكت الله يخليك ماعندك سالفة وسالفتك سخيفة !! عيزت وانا انبهها من هالأسلوب ،، تقولي ما اتحمل تفور اعصابي


وانتوا ؟

:eh_s(10):​

 

[الأميرة الحزينة]

لووووول قوية رفيجتج يحليلها تقطها بالويه.:eh_s(15):.. وااايد تصير فيني عادي اسمع وما اعلق لين يخلللص ارد بكلمه او كلمتين واسكر الموضوع :eh_s(8)::eh_s(8):

 

[أتراب]

هذا حالنا على طول
اني اسمع واذا حسيت ان السالفه
مهمه بالنسبه له اخد واعطي معاه بالحجي
حتي لو كنت اعتبرها موشي:eh_s(22):
بس هو الله يسامحه على
طول يدقرني ماعنده اسلوب:eh_s(11):
​

 

[كويتية زقرتيه]

لا مايدقرني اسمله عليه يستمع ويناقش و لو فتح موضوع ما يناسبني أحاول أخذ واعطي لأني مو بس مجرد زوجه لا أنا أصير له زوجه وام واخت وصديق واللي يبيه لأني ما ابي اتحسف بعدين وأقول بقلبي ليش يدور غيري

​

 

[تعبت اداري...~]

هوبآآ
الله يغنيني بحلاله عن حرامه وبفضله عمن سواه

 

[(*ام عهــــد *)]

لاانا قشه وأسولف معاه وأخذ واعطي
لازم يحس اني مهتمه بسوالفه ضروري
ودايما تمتعينا في أفكارج الحلوه يسلموووووو​

 

[الفدنه]

الاغلب اناقشه واسولف معاه حتى لو مالي خلق
بس نادرا ما اتبوسم واهز راسي واعلق تعليقات مقتضبه
وهو نوعه موقرقي نادرا ماينطلق​

 

[حلوه ولمآحه]

انا اتحمل وانطم ،،وانا حيل مسويه نفسي مهتمه ومتحمسه ،،
بس اهو ع سوالفي الي ماله شغل فيهم عادي يدقر ولا مايرد من الاساس

 

[DaSh^_^teYa]

لوووول لم اكون معصبه عليه وزعلانه اسوي روحي مو مهتمه
بس لم يكون الوضع عادي اسمعه للاخر واذا يازلي الموضوع علقت واذا ما يازلي اسكت لووول

ساعات تصير لم اتحجى واتحجى القاه مو منتبه بعدين يقولي ها حبيبتي ما انتبهت !! @@
واعصب واقوله ولا شي خلاص

 

[سوسن1980]

انا احاول اهتم غصب بسوالفه واتحمس بس هو اذا ماعجبته سوالفي يدقر لدرجة احيانا ازعل عليه من الدقرة

 

[نور وشموع]

اسمعة ويسمعني احيانا وليس دائما

 

[الوردة المكنونة]

اخذ واعطي وخاصه اذا مالي شغل بالسالفه ألوع جبده بالأسئله لاني مافهم فيها عشان ما يناقشني بشئ ماعرفه ههههههههه

 

[ورده الكرستال]

حبيبتي انا احب السالفه تنقال بختصاااااااااااار وزوجي يعطيج السالفه بتفصيل الممل عاد انا طول السالفه


جوابي اهمممم اها اممممممممم


واسرح على بال ماتخلص السالفه



ولو سئلني عن رايي اتوهق وقوله انت شنو رايك


اما انا اذا قلت له سالفه وهو مش معي قالي بصريح العباره اسكتي

 

[blue bunneh!!]

اسمعله بضمير

 

[A.E]

طموشه <<هههههه

بس انا احب اسولف ممكن اسمع له واقلبها نقاشات هههههههههههه

والله جد احب احد يسولف ههههههههه

اخوي مرات اسأله اييش مسوي في المدرسه يقول لي بالتفصيل الممل وعااادي اسمع له رغم عمره 10 سنوات<<ههههههههههههههههههههههههههههههههههه فاضيه حيييييييييييييييييييل هههههههه

 

[شقرديه كيوت]

زوجي طبعه مايسولف واجد-الحمدلله-فلما يسولف غالبا اني انتبه له واناقشه الا اذا كنت نعسانه او زعلانه - - - وعنه اذا سولفت يهتم وينتبه لي بس مرااات يعر بس الحمدلله اهو مستمع جيد

 

[Habibat Abooha]

اسمعله بانصات شنو وراي لوووووول

واذا سوولف تعرفون سوالفهم عن شنو @ @ عن الحياة الزوجيه وجذي ف اكتفي بابتسامه او بايه او لا

لأنه مو وايد يتكلم يعني يقعد يسمعني اكثر من مايتحجى يقولي احب اكتفي بالنظر لج امبيه يفشلني

يمكن بعدين اذا خذيته امل من سوالفه مادري لوووووول

اهو نوعه يحب الاستماع اكثر من الكلام والقرقه

 

[elzain^kella]

mo men zoad sowalfah .. fa asma3lah etha solaf ..

 

[أحبك أمي]

انا زوجي دايما يسولف لي عن ربعه
وش قالوا وتعليقاتهم ومغامرته اللي ماتخلص
وانا اسمع مره اضحك ومره اجامل وانصت يعني حسب مزاجي
الله يعينا

 

[Malak_galbi]

لووووووول رفيجتج قوويه والله

لا يبا سولفي معاااه وعادي سوي نفسج فاهمه
وخليه يشرح لج
ترى الريال يفرح اذا كان مهتم في موضوع وانتى بعد سويتي نفسج معااه انج مهتمه لووول

هذا بنظري اناااا