السلام عليكم
حبيت اسوي موضوع كامل عن الحواجب وكل شي عنهم
لسببين
1- كثير بنات يشتكون من حواجبهم من ناحية الشكل او الرسمة او غيره..
2- ابيكم تستغنون عن شي اسمه صالونات او مشاغل لان بصراحة كثير يلعبون ومايسوون اللي يناسب كل وجه ونادر تلقين واحدة عارفة ايش اللي يناسب وايش اللي ما يناسب وايش اللي موضة قديمة
انا احب اوضح ان كل المعلومات هنا معلوماتي الشخصية
ومن تجاربي الشخصية يعني مو كلام جايبته من براا فـ اختلاف وجهات النظر لايفسد للود قضية
وغير كذا اتمنى تقرون الموضوع كاااامل وبشكل واضح وتركزون بالمعاني حرفيا علشان تفهمون قصدي
حتى لو انك تعرفين تضبطين حواجبك بنفسك مايمنع تقرينه للاطلاع
خخخخخخ
الزبدة اول شي بتكلم عن اهمية الحواجب الصحيحة او المثالية
كثير بنات "مستهترات" بهالموضوع وبالنسبة لها اخر اهتماماتها
بس احب اقولها ترا الحواجب الغلط ممكن تخليك ..
زعلانه - حزينة -عيونك متباعدة-خشمك كبير
يعني ممكن تغير حتى بالملامح..
و هي "ايطآر الوجه" حتى قصة عينك تتغير 100% لما تعرفين
رسمة حواجبك المثالية..
اول شي ../
- لازم تقررين ايش يناسب شكل عيونك وبنتكلم عن هالشي بعدين بالتفصيل..
-بعدين قرري كيف بتضبطين حواجبك .. نمص(وهو مايجوز شرعا) - تشقير-قص.-بغض النظر عن الاحكام الشرعية لان احنا هنا مانفتي الموضوع عام واعتبري المعلومات اللي ماتبينها للاطلاع -
القص والنمص مافيهم شرح صراحة يعني ما يبيلهم شي
بس في نقاط لاحظتها بالتشقير الحواجب:
-كثير بنات سمر يشقرون حواجبهم ..طيب انتي سمرا لما تشقرينها بتطلع حواجب شقرا بس!!!
يعني ما استفدتي شي.. لازم تشقرينه لما يتوحد مع لون بشرتك مو لازم يكون فاتح..
-بنات حنطيات تقلب حواجبهم برتقالي!! نفس الشي انتبهوا لمدة التشقير ونوعيته..
-بنات حواجبهم كثيفة مررا لدرجة التشقير يقلبها اخضر.. انتبهي لمدة التشقير ونوعية وحاولي تمشطينهم بجل الحواجب علشان يطلع شكلهم انعم ..
-كثير ينسون شعر مابين الحاجبين اللي هو بالنص ويطلع حاجبها متصل!! مظهر قبيح جداً ..
ملاحظة احب اقولها /
يا بنات يا عالم لا تسوون حواجبكم تاتوو
موضة الحواجب التاتوو اول شي انتهت لان الحين موضة الحواجب الطبيعية اكثر
- شرعا ما تجوز
- هي مضرة لك ..لازم كل فترة وفترة تضبطينه وتعيدين رسمه عند المتخصصة
- يلزمك برسمة واحدة مدى الحياة .
- بعض الناس ما ناسبهم او طلعت الرسمة غير متساوية حاجب غير والثاني مختلف تماما وتوهقوا
-كثرة التاتو على البشرة وكثرة تصحيحه بين فترة وفترة تخررب الحواجب والبشرة
- واللي يصبغون شعرهم مرة اشقر مرة اسود مرة بني..لازم كل فترة وفترة تغيرين لونه!!
- اغلبية التاتو يكون حواجب غااامقة بزيادة حتى لو الوان غير الاسود وتطلع تلمع So fake كانها رقاصة!
- الحين طايحين باللي تسوي الحواجب ترسمها شعرة شعرة يطلع كانه طبيعي مثل ديانا كرزون..بس الشكل النهائي يطلع كان شعر حواجبك اجعد كيرلي كانه اجعد اجعد..
-غير كذا ترا التاتو يحررق شعر حواجبك الاصلي وانا اعرف شخصيا بنات صارت حواجبهم مافيها شعر
تلمعع!! وشكل ابدا مو حلوو وصارو مجبرين يجددون هالتاتو لان لو شالته مافي بحواجبها شعر
-ترا تصحيح التاتو انها توشم بنفس لون الجلد وتصحح شكل الحواجب يعني مو تحسبينه شي ولا بينشال تماما!
وجبتلكم اضراره الصحية./
فإن عمليات وشم التجميل الدائم أو وشم المكياج، تتضمن حقن صبغات في الطبقات العميقة من الجلد تحت البشرة، التي تُسمى بطبقة الأدمة. والمعلوم أن طبقة البشرة هي طبقة الجلد التي نراها عادة. وهي طبقة خارجية يتم سلخها باستمرار كي يتم تجديدها. أما طبقة الأدمة فهي أعمق وتبقى ثابتة، ولذا فإن أي صبغ لها لا يزول. وعمليات الوشم المكياجي تطال إيصال الصبغات إلى هذه الأعماق في الجلد حتى لا تزول مطلقاً. والسبب في زوال صبغات الحناء مقارنة بالصبغ بالوشم، هو أن الحناء لا تصل مطلقاً، في حال سلامة الجلد، إلي طبقة الأدمة، بل تظل في طبقات خلايا البشرة الخارجية. ولذا تزول الحناء مع مرور الوقت.
ويقول الباحثون من مايو كلينك إن الوشم، أو التاتو، هو شكل أو علامة ثابتة تُصنع في الجلد عبر إدخال صبغات من خلال وخز عميق فوق الجلد. وخلال العملية يتم تكرار وخز الجلد بإبرة أنبوبية تحتوي بداخلها مادة الحبر الملونة، كي تُدخل قطراتها عميقاً في طبقات الجلد. وتتسبب هذه العملية، التي قد تستغرق دقائق أو ساعات حسب مساحة النقش، بقليل من نزف الدم وبدرجات متفاوتة من الإحساس بالألم الموضعي
اتوقع غيرتو رايكم صح؟؟
هذي الـثلاث نقآط بتساعدك كثير لما ترسمين حواجبك ولما تحددين شكلها
من خلالها بتعرفين تساوين بين الحاجبين
رآس الحاجب لازم يكون على نفس استقامة مدمع العين ..هذا الشكل الصحيح وهو المقياس الثابت
نهاية الحاجب مع خط مستقيم مائل مع زاوية الانف مثل الصورة
ومنتصف الحاجب اختياري حسب شكل عينك واللي يناسب واللي تبينه
رآس الحاجب لازم يكون على نفس استقامة مدمع العين ..هذا الشكل الصحيح وهو المقياس الثابت
نهاية الحاجب مع خط مستقيم مائل مع زاوية الانف مثل الصورة
ومنتصف الحاجب اختياري حسب شكل عينك واللي يناسب واللي تبينه
من النآس اللي انشهرو بحوآجب بيرفكت .. ديآنآ كرزون لان ملامحها ناعمة
ومدى عينها واسع يسمحلها تسوي حواجب عريضة وثقيلة تناسب لون شعرها الاسود الحالك
طبعا حواجبها تاتوو وانا ما انصح ابدا فيه .. وباين بفيديوكليب لها مدري ايش اسمه ان حواجبها كانها حواجب شعر اجعد بس هي مسوية التاتو اللي يكون شعرة شعرة على اساس انه طبيعي بس بالعكس يبين كانه حواجب لواحدة شعرها اجعد..
طبعا حواجبها تاتوو وانا ما انصح ابدا فيه .. وباين بفيديوكليب لها مدري ايش اسمه ان حواجبها كانها حواجب شعر اجعد بس هي مسوية التاتو اللي يكون شعرة شعرة على اساس انه طبيعي بس بالعكس يبين كانه حواجب لواحدة شعرها اجعد..
منى امرشا من الناس النادرين اللي من جد الرسمة الحواجب ضبطت معهم لان مدى عينها واسع بعد
وعلى فكرة ما اتوقع منى امرشا مسوية حواجبها تاتوو لان كل مرة رسمة ولون حواجبها مختلفة تماما
يعني رسم مو تاتوو..حتى اخر لقاء لها بعيد الاضحى بكلام نواعم كانت حواجبها مثل الصورة اللي على اليمين بس راسمة عليهم و باين انه في شعر
يعني رسم مو تاتوو..حتى اخر لقاء لها بعيد الاضحى بكلام نواعم كانت حواجبها مثل الصورة اللي على اليمين بس راسمة عليهم و باين انه في شعر
هالانسانه سيرين عبدالنور حواجبها بيرفكت وانا مقلدتها برسمة الحواجب
خخخخ لان مراا عاجبتني الصور تتكلم
هيا عبدالسلام حواجبها طبيعية وحتى مو راسمتها ثقيل مرااا
بس مناسبة ملامح وجهها وحسيتها تنفع كمثال للحواجب المثالية
طبعا ترسمين حواجبك في اكثر من طريقة
1- القلم السائل.. يكون مثل الاالوان السحرية لكنه قلم مخصص للحواجب وفيه راسين راس عريض حاد وراس مدبب صغير..يعطي شكل مثل الحواجب التاتو فيه لمعه..بعض البنات يحبون هذا اللوك ويبون اللمعة ننصحكم فيه..
2- الفرشاة المشطوفة او الحادة..تستخدم لرسم الحاجب طبعا بشكل حااد وبتشوفون بعدين شرح موضح لاستخدامها..
3-بودرة الحواجب..هي تكون للي ما يبون حواجبهم تكون غاامقة او مطموسة ..يصير بس يثقل شوي من لونها لكن يحافظ على شكلها الطبيعي وهو اللي يستخدمونه مثل كيم كرداشيان وخواتها..
4- القلم العادي..وهو اسهل وافضل الطرق لانه بس يحتاج تبرينه ويكون راسه حاد وسهل الاستخدام
وما يتاثر بعوامل الطقس من حر وغيره مستحيل ينمسح او يسيح ..
*لاحظوو كثرة المسافة بين الحاجبين تكبر الخشم وغير كذا تعطي شكل ان
العيون متباعدين و يطلع الشكل غلط!
اوكي الحين قررتي ايش بتستخدمين وعرفتي الادوات اللي تحتاجينها
جآآ الدور الاهم وزبدة الكلام... شكل رسمة الحاجب ...اللي هي اهم شي بموضوعنا كله
كل عين لها رسمة حواجب تناسبها..انا جبت اكثر الامثلة اللي دارجة وبشرحلكم كل واحد
الحين الصور اللي بتشوفونها مرقمة كلهههههههههههم حواجبهم غلط!! وبنتكلم بالتفصيل!!
1- لاحظوا ان حواجبها مرتفعة بزيادة عن عينها..يعني بعض البنات يسوون هالحركة تحسب ان بيعطي عينها مدى اوسع
بس هي غلطانه بيطلع الشكل ان حواجبها طايرة وما يطلع مريح للعين لانه مو طبيعي..خليك على نفس شكل ومكان حواجبك الاصلي
لا تحاولين تعللينه او تنزلينه علشان ما يطلع شكل حواجبك غلط.
2-الحواجب المتباعدة اللي يخلون المسافة بين الحاجبين كبيرة مثل ماذكرت تكبر الانف وتعطي مظهر Nerd لوجهك دايم احس
اللي تسوي هالحواجب يصير وجهها كانها تعطيك نظرة غبية ..مثل اللي ترفع نهاية حواجبها بزيادة تعطيك نظرة شيطان او زعلانه نفس الشي هنا
تعطي نظرة "غباء" مدري كيف و تحسين عيونها متباعدة يعني واحدة يمين وواحدة يساار.
3-اللي فاهمين الحواجب الطبيعية غلط..اوكي قلنا حلوو الطبيعي ومدحنا بس مو لهالدرجة ضبطيهم مشطيهم شوفيلهم حل
بعض البنات الله يصلحهم حواجبهم كثيفة وماتصلحها وما تهتم فيها..انا ماا اقولك احلقيها بس عالاقل ضبطي شووي حاولي تجمللينها.
4- اللي عيونهم مبطنة او يابانية..عادة تكون صغيرة وشبه دائرية ..اكبر خطأ تسوي رسمة حواجبك نفس شكل عيونك
بمعنى: عيونك دائرية حاولي تخلين حواجبك مثل منى امرشا فيها طوول يعني خط مستقيم اكثر .. وعيونك مسحوبة بزيادة
حاولي تخلين حواجبك فيه دائري شوي مثل ميريام فارس..فهمتو قصدي؟ سوي العكس مو نفسه!
5- حواجب الثمانينات الدائرية ..اغلبية اللي يسوونها عجايز..اللي تكون كانها حاطة صحن على عينها وراسمه حواجبها مراا تعطي شكل بشع
للعين و يخلي جفن عينها غليظ..غير كذا موضة قديييمة
6- الحواجب المطموسة بزيادة..بعض البنات يطمسوون حواجبهم وتررررص عالقلم وهي ترسم!! المفروض تبدا شوي شوي
ويدها خفيفة عالقلم او اللون او البودرة اللي تستخدمها للحواجب.. وشوي شوي تزيد منه بس ترررص يطلع كانه مختوم على وجهها
7-راس الحاجب اصغر من منتصف الحاجب وهذا نااادر ناس يناسبهم انا شخصيا للحين ماشفت احد يناسبه..راس الحاجب او بدايته
لازم تكون = او اعرض من منتصف الحاجب هذي قاعدة لاتنسينها ابدا..
8-عكس رقم 2 ..الحواجب المتلاصقة بزيادة..هنا تجي فايدة الثلاث نقاط اللي ذكرتها ببدايةالموضوع اللي هي راس الحاجب و منتصفه
ونهايته لان لو عرفتيهم بتعرفين وين ترسمين راس الحاجب..اللي يلصقون حواجبهم او يخلون المسافة مراا شبه معدومة يعطي شكل خطأ
للعين ويقبحها بدل ما يجملها
9-اتوقع الكل اتفقوا ان موضتها انتهت اللي هي الحواجب الشيطان او التشاينيز ..مراا مو حلوة وتعطي شكل انك زعلانه
اساسا من زمان رايحة موضتها بس بعضهم معللقين عليها ..
10-الحواجب اللي يكون منتصفها عاااااالي مقارنه مع راسها.. يعطي شكل لعينك انك زعلانه او معصبة..مراا مو حلوو يعطي
شكل قااسي للعين ويظلمها
11-اللي يكون راس دائري للحواجب بعدين خط!! ..يعني مو تدريجي كانه دائرة وبعدها يطلع خط مافي تدرج مافي موازنة
المفروض يتدرج رسمة راس الحاجب لنهايته تدريجي مو دائرة وفجاة خط فهمتو قصدي؟
12- يعني خخخخخ الصورة تتكلم الحواجب المتلاصقة موضة خايسة وشعبية و محد يسويها..
