موبايل الخدامة

[ReD&FoSHia]

مرحبتين للحلوين شلونكم .. قلت انزل هالموضوع لانه محيطي بعد نفس السؤال اللي انا اساله
الحين احنا ب2013 زمن التكنولوجيا و الايفون و الموبايلات الذكية
يتني خدامتي نيبالية و للامانة انها زينة انا احب هالجنسية تقعد وياي و اتطول و تفهمني و ماتجادلني وايد
المهم يتني قبل شهر قالت ابي موبايل بكلم اهلي قلتلها كلميهم من موبايلي قالت لا ابي موبايل
صراحة ابتلشت قلتلها عطيني وقت شوي .. و يوم نمت بالليل قعدت افكر الحين ولدي بو 9 سنين عنده ايفون و ايباد .. ما اقدر اقولها ماراح اعطيج موبايل
قمت شريت لها و للعلم معظم اهلنا نفس التفكير و محيطنا و حمولتي و جذي موبايلات وياهم
بس انا شريت لها بو ليت لا يصور ولا شي قالت مو مشكلة اهم شي اتواصل ويا اهلي
بس انا افرر بمواضيع الخدم استغربت انه الاغلب يقول ما نعطي موبايلات
والخدم اللي اشوفهم بالجمعيات و الاسوقة و المولات و المطاعم معاهم موبايلات و موبايلات تعتبر زينة كاميرا و فيها بلوتوث
قلت يمكن بعض المعزبات يدرون بالموبايل و قابلين و شارين لهم
او مو عارفين انهم شارين الموبايلات من وراهم و هذي مشكلة كبيرة ثانية
انها لو ما عطيتها ممكن اتطلع موبايل من وراي من مطعم ولا من سايق ولا من عامل نظافة



سؤالي و نقاشي

تايدين الموبايل ولا لا ؟؟؟
ولو ما اتايدين الموبايل هل شريتي لها على مضض و مغصوبة ؟؟
واذا ما شريتيلها هل جكيتي وحدة من خدمج لها موبايل من دون علمج ؟؟
وكيف تصرفتي ؟؟؟
:ch12::ch12:

 

[شيوومه]

انا ما اايد عندها تلفون البيت واشتري لها كروت على حسابي واهلها يدقون على البيت بعد اشحقه موبايل

اول كنت نفسج اقول عادي وماعليه ولاحظت انهم اهمال بالشغل ويقعدوون متااخر لانهم طوول الليل سهر عالموبايل
وغير جذي مايقعدون ينحاشوون


اما الحين عندي ثنتينهم بدون موبايل يحنون ساعات بس اقولهم كل صاله ودار فيها تلفون وكروت اعطيكم بالشهر مرتين بس موبايب خاص فيج لاااا
والحمد لله كل شغلهم تمام الله يتمم عليهم

ورفيجتي جكت خدامتها عندها موبايل خاشته تقول والله سكت ولا عاتبتها لانها محتاجتها بس ماتدري الخدامه ان المعزبه تدري تقول جذي احسن
عشان ماتتجرا وتكلم جدامي

والله يكفينا شر هالخدم ويعطينا خيرهم صاروا شغلنا الشاغل لاحول ولاقوة الا بالله

 

[ReD&FoSHia]

شيومة معاج حق انهم ممكن بالموبايل يسهرون و يغازلون وجذي
بس همن شفتي رفيجتج يوم ماعطتها الموبايل يابته من وراها و همن ماحسستها انها تدري
يعني ان ماعطتها راح اتدبر روحها .. عالاقل انا اييبلها ولا سايق ولا مال مطعم اييب لها من وراي و اتهرب شغلها من وراي
وانا قبل مثلج ما اعطي بس كل خدامة اقولها لا ماكو اتييبه من وراي .. و همن سالفة سهر و مغازل و الشغل يتراكم سواء دريت ولا مادريت .. فا عالاقل جدامي ولا من وراي جني مقصوص علي
مشكورة على رايج ياحبيبتي و ننطر راي المقبلين الباجي

 

[الأميرة جوري]

انا كنت نفسج ماكو تلفون كلش مع هالوقت صارت مووضه عند الخدم كل وحده عندهم ويغارون بعد فاللاسف عطيتها

 

[جذابه بنت ذيابه]

تبين الصراحه

انا خدامتي كانو معاهم تلفونات وخررربوووو حيل و يتشرطون ويتدلعون

رحت قدمت علي جديده ماتفهم ششي وريحت راسي ..! بس كل اسبوعين اعطيها فوني تدق

 

[لمساتـي]

اب اب

 

[@أم يوســـف@]

انا خدمي عندهم تيلفونات لانه اذا ماعطيتها حطته من وراي

 

[بنت شرق]

انا خدامتي اتفقت معاها ان ما راح اعطيها موبايل وهذا شرط ورضت ومع الوقت اكتشفت عندها تلفون وخذيته منها وشرت تلفون ثاني وهم طحت عليها ولقيت فيه بلاوي بس ساكته عنها وبالعه الموس لان رمضان بس ان شاء الله ورا رمضان راح اذلفها

 

[attoosh]

اشدعوه موبايل لا تعقدون السالفه خلاص عطيها وحطي ضوابطج ان ما تتكلم فيه الا بغرفتها وما تستخدمه اثناء عملها بس نصيحتي لكم لا تتحكمون فيهم لهل درجه تره يبون اكلمون اهلهم يبون ادزدزون مسجات بشوفون صور عيالهم يا جماعه حسو فيهم

 

[نور دنياه]

اهلي كانو مايرضون فالاخير اكتشفنا كل وحده مطلعه بدال الواحد 2 وساكتين عنهم لانه اكتشفنا مايكلمون من الارضي مال البيت وطحنا على وحده فيهم ناسيه جهازها على الشحن وسكتنا.. وصرنا نخلي الخدم يطلعون كروت ولا البطاقه علينا بعد خخخ وحسيناها ايجابيه من ناحيه اذا نبي يجهزون شي نتصل لهم لانهم يناحسون تلفون البيت مايردون عليه كله يقولون ماسمعنا ولا كل وحده تتعازم انها ترد..
وانا بالنسبه لبيتي عادي عندي يكون عندها لانه اكتشفت الكل عنده واذا مارضيتي بيطلعون من وراج، وخدامتي غبيه ماتفهم بالجوال واكون محتاجه اتصل فيها اسىل عن بنتي وعلى البيت مو دايما ترد وقلبي يحترق

خليها اطلع بس قوليلها برا الغرفه مايطلع ولا اشوفج مقصره بشغلج

 

[زبــــــــدة]

انا عادي

لان مرات احتاج اكلمها وانا بالدوام ...

 

[ReD&FoSHia]

انا كنت نفسج ماكو تلفون كلش مع هالوقت صارت مووضه عند الخدم كل وحده عندهم ويغارون بعد فاللاسف عطيتها

اييي بعد هذا الشي اللي بيخليني اقول لازم اعطيها .. ان الاغلب عندهم موبايلات و مثل ماقلتلج حتى الفلبن بلاك بيري و ايفونات
هذي الفقيرة اللي رضت بتلفون بو ليت لا يصور ولا شي بس علشان ترسل مسجات و اتدق براحتها و يدقون براحتهم اهلها و عيالها

 

[ReD&FoSHia]

تبين الصراحه

انا خدامتي كانو معاهم تلفونات وخررربوووو حيل و يتشرطون ويتدلعون

رحت قدمت علي جديده ماتفهم ششي وريحت راسي ..! بس كل اسبوعين اعطيها فوني تدق

انا خدامتي جديدة بعد لا خبرة ولا شي و همن طلبت .. ماله شغل الالجديدة ولا القديمة وبتلاقينها بعدين مطلعة من وراج همن بتطردينها مثل ما سويت ؟؟ لين بالاخير اكتشفت انه اقصاه موبايل بتطلعه من وراي خل اعطيها جدامي .. من وراي بتسوي كل شي بس من وراي ماراح اتسوي شي
وملاحظتها فقيرة اتدق لما بس تشرب جاي وقت محدد ولا طول الوقت ما تستعمله

 

[ReD&FoSHia]

اب اب

تسلمين عال اب

 

[ReD&FoSHia]

انا خدمي عندهم تيلفونات لانه اذا ماعطيتها حطته من وراي

زين نفس فكرتي و وجهة نظري

 

[ReD&FoSHia]

انا خدامتي اتفقت معاها ان ما راح اعطيها موبايل وهذا شرط ورضت ومع الوقت اكتشفت عندها تلفون وخذيته منها وشرت تلفون ثاني وهم طحت عليها ولقيت فيه بلاوي بس ساكته عنها وبالعه الموس لان رمضان بس ان شاء الله ورا رمضان راح اذلفها

كنت اسوي جذي بالاخير ماصفيت على خدامة

 

[ReD&FoSHia]

اشدعوه موبايل لا تعقدون السالفه خلاص عطيها وحطي ضوابطج ان ما تتكلم فيه الا بغرفتها وما تستخدمه اثناء عملها بس نصيحتي لكم لا تتحكمون فيهم لهل درجه تره يبون اكلمون اهلهم يبون ادزدزون مسجات بشوفون صور عيالهم يا جماعه حسو فيهم

ايي قمت اشوف الموضوع من نف ناحيتج انه ما ااقدر امنعهم و مايصير امنعهم و انا معطية ولدي ايفون وعمره 9 سنين يعني ولدي اعقل منها .. جذي بتفكر

 

[ReD&FoSHia]

اهلي كانو مايرضون فالاخير اكتشفنا كل وحده مطلعه بدال الواحد 2 وساكتين عنهم لانه اكتشفنا مايكلمون من الارضي مال البيت وطحنا على وحده فيهم ناسيه جهازها على الشحن وسكتنا.. وصرنا نخلي الخدم يطلعون كروت ولا البطاقه علينا بعد خخخ وحسيناها ايجابيه من ناحيه اذا نبي يجهزون شي نتصل لهم لانهم يناحسون تلفون البيت مايردون عليه كله يقولون ماسمعنا ولا كل وحده تتعازم انها ترد..
وانا بالنسبه لبيتي عادي عندي يكون عندها لانه اكتشفت الكل عنده واذا مارضيتي بيطلعون من وراج، وخدامتي غبيه ماتفهم بالجوال واكون محتاجه اتصل فيها اسىل عن بنتي وعلى البيت مو دايما ترد وقلبي يحترق

خليها اطلع بس قوليلها برا الغرفه مايطلع ولا اشوفج مقصره بشغلج

ايي نفس تعليماتي بالضبط و فعلا اتنفذها و احسها استانست حيل

 

[ReD&FoSHia]

انا عادي

لان مرات احتاج اكلمها وانا بالدوام ...

تسلمين يالغالية عالمشاركة الحلوة

 

[ملح الكون]

التليفون صار موضه معارضه وبشده شيلي يضمن لي انها تكلم اهلها !!
تكللم اهلها من تليفوني مره بالشهر لا بوليت ولا بو كاميرا (؛