مواقف اول ايام السواقه @@

[الأمل لحظه]

صباح الخير حبايبي .. شلونكم ان شاء بخير ..

موضوعي من العنوان المواقف الي مريتوا فيها اول مابديتوا تعتمدون على نفسكم بالسواقه وشنو المواقف الي تعلمتي منها اغلاطج وماكررتيها خلونا نستفيد وبالاخص انا لان اليوم اول يوم سواقه لي وصج صج كان حافل بالانجازات !!

تخيلوا رحت بودي ولدي المدرسه وامشي على ركاده واطق اشارات شحليلي يايمين يايسار والعالم مو عاجبهم كل واحد يطق هرن خلصينا حتى الهنود بعد
شدعوه يعني يبوني اطير مثلهم والدوار موقفه اطالع يساري اتاكد والي وراي ماعندهم وقت كلش هرنات وااااي الهرنات توترني اكثر احس اتدوده ماادري شنو ادوس البنزين ولا البريك

والمصيبه ان لي الحين شهر وانا اتدرب تدريب مكثف من قبل زوجي ولو يصير شي او ادعم الله لايقول بينتحر زوجي

والله مو مني من الناس الي دايسه ولاهامها وترتنا معاها


يالله بنات ارفعوا معنوياتي خل اتشجع منكم @@







ومشكورين مقدماً

 

[الأمل لحظه]

معقوله مامريتوا بمواقف !!!!!!

 

[مربى و قيمر]

مساء النور
وبشجعج لى اسنتين من سقت للحيين امر بالمواقف وشكثرهم بس ابذكرلج منهم اول ماسقت كنت طلعه بليل ولا واحد يطق هرن وياشر لى طلعت مسكره اليتات ومره عند الجمعيه وكنا بالصيف وشغل السياره ولا مساحات تشتغل ماعرفت اسكرهم ومدربه الله يهداها ماعلمتنى على المساحات ولاليتات حتى البنزين ماكنت ادل مكانها ومره كنت سايقه وناس طق هرن طلعت مبطله الدبه .
وان شاء الله اكون شجعتج

 

[لولوة الكويتية]

انا ما بقى رصيف ما صعدت عليه عادي حبيبتي محد طلع من بطن امه يعرف كل شي

 

[M!Ss Smart]

انا موقفي تحفه طلعت من بيت رفيجتي وبوجهي دوار طبعا ماعرف شسالفه اخذت الدوار ولا السيارات بوجهي استغربت شفيهم!!! ومو عاجبهم الوضع طلعت عكس السير الله ستر مادعموني
وطبعا لما ابي الف فوق تحت لازم اصعد الرصيف ولا اللفه ماتكفيني وتشوفيني الناس وراي ناطره وانا ارجع قري ولف من جديد

ولما اسفط بالمجمعات اخذ مسفطين ماعرف اسفط عدل مالي خلق اعدل السفطه

بس الحين فنااانه قياده ماشاءالله خبره 5 سنوات

 

[الأمل لحظه]

اما انتم صج شجعتوني وممشكورين على الردود بس والله السواقه طلعت صج صج صعبه بالاخص زحمه المدارس الله بس يستر

 

[الأمل لحظه]

بنات قولوا مواقفكم خل نطلع من الجو

 

[ريماس21]

ههههههههههههههههههههه عاااااااااااد انا فيلم فيلم فيلم



عاااد تعرفين بدايه السواق تتمنين اي سيااارة بس تنقط جدامج ههههههههه عاد انا كنت حرامية سيارات


المهم في بداياتي شغلت السيارة ومستانسه محد قدي واطلع اشغلهااا والحبيبه بداااااااااال لاااااا ادوس بريك مع شويه بانزين على بونه ارجع لي ورا واعدل السيارة واروح خخخخخخخخخخخ ادعس بانزين ما اشوف نفسي الا عند صوب جيراااااااانا ياااااااااقرد حظي ولا بعد دعمة شوي من سياارتهم هههههههههههههههههههه والله عبالي بحلم في شباب اصغار يطالعون عرفتي اللي مادري وين الله قاطني يعني اطالعهم مادري بيساعدووني هههههههه وبعدين طقيت بريك <<< تو الناس ولاا ما اشوف الا جيرانا واعياله ططالعين خخخخخخخخخخخخ عااد انا دورني يقول سلاماات وجيك علي سيارته اهني تمنيت الارض تنشق وتبلعني امبيه عبالج ركدت وخفت كملت مشاوري للجمعيه هههههههههههههه وقلت بستر على نفسي وماراح اعلم احد مادريت الا تلفون من ابوي يزفني هههههههههه يقولي مره ثانية سووقي داخل الحووش :_(



واجد والله موااقفي بس مو ذاكره الا هذااا

 

[Beauty is Me]

لوووووووووووول اذكر مره المدربه ودتني اعبي بانزين وكان راعي الكاشير كويتي انا وقفت عساس بحاسب مسكين طلع جسمه بكبره عشان يوصلني ((الاخت واقفه بعيييد وايد عن الدريشه)) جان المدربه تقولي قربي من الدريشه ما يصير جذي
عاد تخيلي صعدت رصيييف لوووووووووول ولزقت حييييييييييييييل الكويتي بطها ضحك ويقولي عادي عادي

وانا تدربت مدرسه خاصه للسواقه فخذيت الليسن وبعدين كملت حطيتلي مدربه فكان اساسا عندي ليسن اتذكر كنت واقفه عند اشارا بسياره التدريب واللي يمنا كانو شبااااب تخيلو قامو يضحكون ويكعكعون وكل واحد مطلع ليسنه برا الدريشه يعني شوفي لووووووووووووووووووووووووووووووووووول والمدربه لبنانيه كانت نزلت الجامه جان تقولهم ((عندها ليسسسسسسسسسسسسسسسسسن عندهاااااااااااااااااااااااا)) بطت جبدي لوووول

 

[جـروح]

هههههههههههههههههههه
والله ودي اتعلم بس اخااااف وبعد هالمواقف لا خلاص شلت الفكره من راسي انا خوافه

 

[أحبك أمي]

الله يعينكم

 

[الأمل لحظه]

انا امس حكيت سياره صافطه غلط بمسافط الجمعيه
السياره مابين عليها شي ولا حتا صبغ
بس انا انعدمت سيارتي صبغ تقشر والحاله حاله كرهت الكامري حشا قوطي موسياره
لا تشوفوني الليل كله افكر بالسياره مانمت عدل والسبه هالحكه