موافقين علي هالحمله ... ؟؟خلونا نجرب واحنا الكسبانين

[fsamn]

السلام عليكم ورحمه الله وبركاته ,,,


اخواتي العزيزات ..

كلنا سمعنا وعايشنا المصايب الي جروها لنا الخدم في بيوتنا من سحر وخطف

للازواج وتعذيب الاطفال والتسميم في احيان كثيرة .. واخيرا (القتل ) المتعمد

الي كثرت بالاونه الاخيرة وبشكل مقزز .. مع برود حكومي بالتعامل مع هالحاله

الخطيرة الي وصلوا لها الخدم ..!!

طبعا غير الاستفزاز المتعمد من القائمين علي مكاتب الخدم ورفعهم للاسعار

وباستهتار واضح ليما وصل سعر

(الخادمه السيلانيه واكرر السيلانيه الي 700 دينار) والراتب 60 دينار

ولاحظوا ان الاسعار هذي مع " مبيتهم واكلهم ومع بعض النفقات الكماليه "

مع الي ذكرته فوق .. واضافه الي الاسعار مالتهم .. بصراحه احنا الخسرانين

والموضوع يبيله رؤيه من ناحيه ثانيه وتصميم واراده علي التغيير

اغلب الحريم اذا مو كلهم ما تتخيل نفسها بدون خادمه ..وانا اقول نعم ممكن ما نستغني

عنهم كليا .. لكن ممكن نستغني عنهم جزئيا ...والتجربه اهي الي تخليج تقررين هالشي

بمعني نأجر وحده من هالي يشتغلون بالمدارس او باي مكان ثاني وحابه تعيش

لمده 4 ساعات مرتين بالاسبوع...

و4 ساعات تري مو شوي تقدر فيهم الخادمه تشيل البيت كله .. بتقولون راح تكن

غاليه علينا

بقولكم حسبوا تكلفه اكلها ومبيتها ومشترواتج لها مع معاشها .. وردوا علي

طبعا شوي شوي بتلقون ان وجودها ما عاد ضروري بالبيت والمفروض ان هالمؤقته

ما تقعد بروحها بالبيت لازم ايدج بيدها .. لان فيهم الي يبوقون من اغراض البيت

لكن فيه ملاحظه مهمه .. لازم الحرمه تتكيف مع الوضع الجديد بخصوص العزايم

اغراض الجمعيه العيال وين تحطهم لازم تحسب حساب هذا كله وتشوفله حل ..

صدقوني حبيباتي ...

الخطوة هذي بتكون ضربه لمكاتب الخدم الي يعتاشون علي مآسينا

وخلهم يدورون علي الي بتدفعلهم 900 او 1000 دينار ثمن قنبله موقوته

محنا مستفيدين منها بشي ..

من اليوم .............. فكروا بهالامر ..... مقاطعه مقاطعه مقاطعه

للخدم الدائمين ... ومكاتبهم الي تذلنا .... وسفاراتهم الي تبهذلنا

اتمني اشوف ردودكم .. وموافقين علي هالحمله ولا لا .. مع تبيان السبب

وذلك لدراسه الموضوع من جميع النواحي ..

تحياااتي للجميع ..

 

[نوسه الشطي]

ههه والله صعبه احنا عندنا 4 خدامات اذا راحوا احنا نضيع بس صج يبيله
ومشكوره

 

[PuPa^^SWeeT]

والله اب صجججججج


بس محد يشجعج


وشوفي موضوعج اغلبهم بيردون مانقدر



انا نزلت موضوع اسال فييه عن البنات اللي ماعندهم خداامة


وماكو الا 3 بنات اللي قاالو احنا مستغنيين


بس الاغلب مو موظفات


ابي وحدة موظفة اتعلمني شلوون


انا بناتي وياااي وين ما ارووح فا يعني مشكلة اني اهدهم مو موجودة اللهم بس حق طبيب


بس باقي الاماكن اخذهم


الحيين نبي وحدة اتقولنا موظفة و ماعندها خدامة و عندها عيال صغاااااااااااااااااااااااااااااااااااااااااار


اتقولنا شلون اتنظم

 

[نوسه الشطي]

امممم اذا اليهال ما عندهم دوامات تقدرين تودينهم حضانه او عند احد من اهلج
الغدا تسوينه الفير او بالليل وتخلينه بالسخان او تزهبين كل شي قبل لا تروحين ولما تردين تخلصين عالسريع
غسيل الهدوم كل يومين مره وبالليل او المغرب و التظيف بعد الغدا او اذا عندج عيال يساعدونج بالتظيف وطبعا اول باول غسلي عشان ما يكثر الشغل
اتوقع جذي تمام هههه مع اني ما جربت بس بنت عمي جذي تسوي
ومن ناحيه ثانيه ترا اصح يعني اهي كانت متينه الحين جسمها صاير روعه ونشيطه اسمالله عليها مو نفسنا 24 ساعه خمول ومالنا خلق
الموضوع يتعب شوي بالبدايه بعدين خلاص تتعودين

ووو بس

 

[عادت ذكرياتي]

يا ليت لو يثبتون موضوعج وتصير ضربة قوية على راس التجار((( مكاتب الخدم)))

 

[ام زهقانه]

صراحه أنا مو معاج. الخدم ضروه بس ما اخليها لا أنا معاه بكل شي بالبيت

 

[أغداً القاك]

والله احنا مقاطعين من زمان اللهم لك الحمد
ووايد بيوت اعرفهم في الكويت ماعندهم خدم
بس بالنسبة للموظفات انا مااقولكم شوفو الاوروبيات لان الاوربيين عندهم وقت للراحة والحياة الاجتماعية
لكن بقولكم شوفو الامريكيات الي حياتهم كراف بكراف وعندهم عيال ومايحطون خدم الا الاغنياء حيل
وهم بعد خواتنا في الدول العربية موظفات وماعندهم خدم بس ماشية امورهم
شمعنى احنا مستحيل ولا يمكن ومادري شنو

في النهاية .. الي تقدر تستغني عن الخدم زين تسوي
والي ماتقدر .. كيفها

ومشكورة حبيبتي على هالحملة الي انا معاج فيها قلباً وقالبا​

 

[ياغفور اغفر لي]

اغدا القاك تدرين ليش

لان ريايليهم مساعدينهم ع الحياة شوفي المصري يرضا باي شي تحطه له زوجته شوفي اكلهم

احنا ياويلج اذا الغدا مو زاهب ولا شي دسم بعد


يعني احنا بالمختصر محد يساعدنا وشعب كسوووووول

 

[AL-DMERA]

واللي ماعندها أحد تحط عيالها عنده !!؟
ومنو هالانسان اللي بيتحمل عيال غيره ,,,!
ترى شوي صعبه للموظفه ,,
آنا اقولج التنظيف والترتيب لو ماعندي عيال عاادي ماجيب خدامه ,,
بس الجاهل مصيبه وين تودينه ,,
الحضانه ماتاخذ تحت ال3 سنين واذا فيه اقل مو بكل منطقه احنا بمنطقتنا مااكو ,,
الله يعيناا ان شاء الله وماكو الا ندعي قبل لانطلع ان الله يحفظهم ,,
الخدم شر لابد منه شنسوي ,,

 

[حجيه هيونه]

صعب

بصراحه حيل صعب يعني الصبح وين اخلى بنتي

 

[fsamn]

ههه والله صعبه احنا عندنا 4 خدامات اذا راحوا احنا نضيع بس صج يبيله
ومشكوره

هلا نوسه

ال 4 خدامات حاولوا تقللون منهم يعني اذا سافرت وحده لا تجيبون مكانها خادمه

وهكذا ليما تقدرون تتكيفون مع الوضع الجديد

صدقيني تحسون بفرق ..

تحياااتي لج ..

 

[PuPa^^SWeeT]

واللي ماعندها أحد تحط عيالها عنده !!؟
ومنو هالانسان اللي بيتحمل عيال غيره ,,,!
ترى شوي صعبه للموظفه ,,
آنا اقولج التنظيف والترتيب لو ماعندي عيال عاادي ماجيب خدامه ,,
بس الجاهل مصيبه وين تودينه ,,
الحضانه ماتاخذ تحت ال3 سنين واذا فيه اقل مو بكل منطقه احنا بمنطقتنا مااكو ,,
الله يعيناا ان شاء الله وماكو الا ندعي قبل لانطلع ان الله يحفظهم ,,
الخدم شر لابد منه شنسوي ,,

غلطاانة ياقلبي


انا بناتي مدخلة وحدة من عمرها سنتين

والثانية دخلتها من عمرها سنة



حبيبتي و الحضانة اللي مدخلة بنتي لها

فيها مكان للاطفال الصغار 6 اشهر و فووق

 

[PuPa^^SWeeT]

انا موااااافقة وودي احد يايد بعد



واهم ترااا مو ضروورة قصوى الا للتنظيف

 

[fsamn]

يا ليت لو يثبتون موضوعج وتصير ضربة قوية على راس التجار((( مكاتب الخدم)))

هلا وغلا حبيبيتي

اشكرج علي التفاعل ..
الموضوع يبيله تظافر للجهود ... وحكمه .. وصبر

اسعدني مرورج الطيب

 

[fsamn]

والله اب صجججججج


بس محد يشجعج


وشوفي موضوعج اغلبهم بيردون مانقدر



انا نزلت موضوع اسال فييه عن البنات اللي ماعندهم خداامة


وماكو الا 3 بنات اللي قاالو احنا مستغنيين


بس الاغلب مو موظفات


ابي وحدة موظفة اتعلمني شلوون


انا بناتي وياااي وين ما ارووح فا يعني مشكلة اني اهدهم مو موجودة اللهم بس حق طبيب


بس باقي الاماكن اخذهم


الحيين نبي وحدة اتقولنا موظفة و ماعندها خدامة و عندها عيال صغاااااااااااااااااااااااااااااااااااااااااار


اتقولنا شلون اتنظم

حبيبتي الموضوع يبيله دراسه من الحرمه نفسها

يعني تخيلي ان مستحيل يكون عندج خدامه .. شبتسوين ؟؟

اكيد بتفكرين بحل او بآخر .. تري الحاجه ام الاختراع .. والمساله كلها تنسيق

تحياااتي لج .

 

[fsamn]

صراحه أنا مو معاج. الخدم ضروه بس ما اخليها لا أنا معاه بكل شي بالبيت

صدقيني حبيبتي

ماكو شي مستحيل وبتقدرين تستغنين عنهم وانت تضحكين بعد

ومن الاخر ..... لو شغلتي تفكيرج وقدرتي تتركين الخدم اكيد بيتغر النك نيم مالج

وتلقين الي يشغلج ويبعد عند الزهق ..

تحيااتي لج ..

 

[fsamn]

والله احنا مقاطعين من زمان اللهم لك الحمد

ووايد بيوت اعرفهم في الكويت ماعندهم خدم
بس بالنسبة للموظفات انا مااقولكم شوفو الاوروبيات لان الاوربيين عندهم وقت للراحة والحياة الاجتماعية
لكن بقولكم شوفو الامريكيات الي حياتهم كراف بكراف وعندهم عيال ومايحطون خدم الا الاغنياء حيل
وهم بعد خواتنا في الدول العربية موظفات وماعندهم خدم بس ماشية امورهم
شمعنى احنا مستحيل ولا يمكن ومادري شنو​

في النهاية .. الي تقدر تستغني عن الخدم زين تسوي
والي ماتقدر .. كيفها​

ومشكورة حبيبتي على هالحملة الي انا معاج فيها قلباً وقالبا​

اهنيج علي مقاطعه الخدم
اهنيج علي الهدوء وراحه البال

انتي تطرقتي لموضوع الاوروبيات والعربيات بعد خارج الخليج
واهي نقطه كنت حابه اتكلم فيها
قدروا يكيفون الظروف لصالحهم ..
صدقوني ماكو مشكله الا ولها حل ..

تحياااتي لج ..

 

[fsamn]

اغدا القاك تدرين ليش

لان ريايليهم مساعدينهم ع الحياة شوفي المصري يرضا باي شي تحطه له زوجته شوفي اكلهم

احنا ياويلج اذا الغدا مو زاهب ولا شي دسم بعد


يعني احنا بالمختصر محد يساعدنا وشعب كسوووووول

كلاام سليم ..

وهذي نقطه مهمه .. واهي " ترويض " الزوج والعيال علي نمط معين للحياه بالبيت

مثلا عيالي عودتهم ان مو كل يوم طبخ .. يعني ممكن يردون من المدرسه

ويمشون حالهم بقوطي فول احمسه مع شوي بصل وطماط وصحن سلطه مثلا

او ساندويش همبورجر اسويه لهم مثل مطاعم الفاست فود

او عيش ابيض مع روب .. والحمد لله نعمه

صحيح في البدايه حسيت انهم مو مرتاحين لكن مع الايام تعودوا .. والحين مرتاحه

تحيااتي لج ..

 

[fsamn]

واللي ماعندها أحد تحط عيالها عنده !!؟
ومنو هالانسان اللي بيتحمل عيال غيره ,,,!
ترى شوي صعبه للموظفه ,,
آنا اقولج التنظيف والترتيب لو ماعندي عيال عاادي ماجيب خدامه ,,
بس الجاهل مصيبه وين تودينه ,,
الحضانه ماتاخذ تحت ال3 سنين واذا فيه اقل مو بكل منطقه احنا بمنطقتنا مااكو ,,
الله يعيناا ان شاء الله وماكو الا ندعي قبل لانطلع ان الله يحفظهم ,,
الخدم شر لابد منه شنسوي ,,

فيه حضانات تستقبل اطفال بالاشهر

وبعدين حتي لو ما فيه اذا طفل بهالسن شلون تخلينه مع خادمه

تقدرين تاخذين اجازة بدون مرتب .. وتجابلين طفلج احسلج

تري ما راح يصير شي لو استغنيتي عن المرتب لفترة بسيطه

طفلج اهم من كل شي ..

تحيااتي لج ..

 

[fsamn]

صعب

بصراحه حيل صعب يعني الصبح وين اخلى بنتي

مو صعب

اخذي اجازة من غير مرتب .. اختي سوت جذي وزوجها يصرف من مرتبه

والحمد لله امورهم ماشيه .. اهم اشي اهم مرتاحين ..

تحيااتي لج ..