مواد قرطاسيه

[فطومه]

السلام عليكم ورحمة الله وبركاته


حبيبات قلبي.ابى مواقع مكتبات وادوات قرطاسيه ودى اطلب فالله يعافيكم اللى تعرف تعرض لنا المواقع وكان فى بنت حلال عندنا فى المنتدى تحط صور مواقع مختلفه لكل شى اللى تعرف مكان الصفحه تعرضه لوتكرموتو وذلك للضروره
وتسلمون

 

[ريحانة_14]

صبااااااااااااااحج عسل فطومة حياتي

شلونج بعد عمري .. تصدقين قبل جم يوم بالإيميل وصلني موقع مكتبة وقرطاسية يوصل لي البيت أجيك إيميلاتي وأدزه لج

حبيبة قلبي إنتي

ماطلبتي شي

 

[ريحانة_14]

شلونج يا العسل فطيم

يبتلج الرقم وإن شالله ياربي يفيدج حبيبتي

===================

خدمه توصيل اغراض الجمعيه وحتى اغراض المكتبه والقرطاسية وعندهم

k-net

1821010


عاد بشريني فطومه إذا كان خوش شي ويستاهل نسويله دعايه والا بيطلع أي شي

ناطره الأخبار

 

[فطومه]

بعد قلبى تسلمين ماقصرتى.انا ابى من بره الكويت اهنى ماعندنا شى مكتباتنا مافيها ربع اللى بره شوفى بعد روحى
المقهوى...جرير...مكتبة ستى سنتر........حتى دسمان مافيهم ربع اللى شفته واللى ابيه

تدرين ان فى بعض المكتبات اللى رحتها اسال اللى يشتغلون مايعرفون حق المواد واللا يعطونج معلومات غلط مافيهم الا المقهوى ناس فاهمه شوى بس هم اغراضهم جار عليها الزمن الله يهديهم كلش مافى تطور مكانك سر

شاكره لج بعد روحى ماقصرتى

 

[أم ضارى]

فطومه سى سيرج ودخلى على المواقع اللى فيها هاندكرافت .... اغلب المواقع تبيع الاغراض المستخدمة فى مواقعهم
بس عاد يوصلون الكويت والا لا هذا اللى المفروض اتجيكين عليه

 

[ريحانة_14]

أهاااااااااااا جذي قصدج فطوم

قولي من زمان

إي أدري كلامج عدل والله

عاد قبل جم شهر أختي كانت بأمريكا وعطتني موقع من هناك رهيب رهيب مو طبيعي
مكتبة بس أكبر من مركز سلطان السالمية .. تقول فيها العجب وطلبت منها شوية أغراض

خل أشوف أدورلج هالموقع عساني أحصله بكمبيوترها لأن كمبيوتري بححححححح

الحين مسافره بس ترجع أسألها لج

 

[princesse X]

http://www.michaels.com/art/online/home

http://www.joann.com/joann/

http://www.allcraftsupplies.com/


مايكلز وجوآن اشهر اثنين انا ماطلبت منهم اون لاين بس دايما اوصي اللي يسافرون يجيبون لي منهم ارخص من الشحن

 

[فطومه]

بعد قلبىتسلمون

ام ضارى شاكره مرورج الطيب والله يوفقكم فى دوراتكم الحلوه

ريحانه الرياحين تسلمين يروحى وبالنسبه لامريكا اتذكر لما كنت هناك مره دخلت مركز متخصص حق هالسوالف ماقول لج شلون صاير صج صج يخرع من الدبوس الى اكبر شى ممكن تتخيلينه خاص حق هالسوالف واسعارهم صج حلوه


برنسيس مشكوره يحياتى ماتقصرين

 

[ريحانة_14]

يعطيج العافيه برينسس دخلت المواقع ودخت من كثر الأغراض إللي فيها ماشالله .. تسلم إيدياتج

================

فطيم .. إنتي حتأوليلي
على قولتج والله أغراضهم موبس تشوق ياربي تخلي الواحد غصب يبدع
أنا كل سفرة لااااااااااازم أييب كود كود كلينكسات حق الديكوباج

وإذا ماسافرت أهلي وطالباتي بروحهم إييبونلي .. عارفينلي لووووووول

ماقاموا إييبونلي صوايغ مابيها كله كلينكس وأختي يحليلها تييبيلي كل شي يدوي وممكن تتسوى منه أعمال يدوية

مرة يابتلي من تايلند قطع بلاستيك تقريبا 100 قطعه كلهم نفس الشكل ومعاها ورقه فيها أكثر من رسمة
والا هالبلاستيكات تصير أبجورة وليتات معلقة

وتصير لعبه حق اليهال ومادري شنو تصير بعد يمكن نفنوف موذاكره لووووووول

 

[فطومه]

واى شوقتينى ياريحانه عاد تصدقين انا ماعرف اطلب اخذ العنوان ورفيج ريلى اهو اللى يطلب لنا نكود بهالسايتات ويطلب لنا

تصدقين حتى الامارات فيها سوالف حلوه طبعا انا مارحت لها كلش خبرى فيها من الغزو بس اختى تقول شى موطبيعى سوالفهم وايد حلوه

 

[ريحانة_14]

لوووووووووووووووووووووووول فطومه جنج أنا .. مادري عن الإمارات من الغزو حسافه .. والا حدنا ترانزيت بدبي وأبو ظبي

وصج الكل يقول أغرااضهم خيااااااااال .. ضربت دبي تصدقين .. من عقب ماكانت مستعمرة للهنود .. عمروها والله هالهنود

أذكر بعد الغزو رحنا الشارقه حق عمي واي واي واي مانشوف الإماراتيين بس هنود وبان عالأرض قطيعه

جنج قاعده في بومباي سيتي

وعلى طاري الطلب حتى إحنا هم ماعندنا صندوق حق الطلبات بالنت .. رفيج ريلي يكود طلباتنا وطلبات ربعه خخخخخخخخخخخخخخخ

بس تصدقين كنت أدور دواااااااره عطر إيدن الأخضر الشفاف .. قتله يبلي منهم يابلي أثنين بعد إسبوع وصلوا ماتوقعت أبد يوصلون بهالسرعه

حدي استانست

 

[فطومه]

عليج بالعافيه حبيبة قلبى..........تعالى قولى لى شسالفة هالعطر حلو لهالدرجه؟

 

[عهد الامل]

وعليكم السلاام ورحمة الله وبركاته
حبيبتي
أسفة جدا لااأنه توقعت الموضوع علي مواقع قرطاسية في الكويت
المهم تفضلي هداالموضوع

http://q8yat.net/showthread.php?t=241013

وبالنسبة للموقع الاول والتاني
مواقع ثقة وعن نفسي لاازم أزورهم علي الأقل مرتين في الاسبوع
وكل مشترياتي منهم
وعندي موقع نطلب منه أون لااين روعة ودقة في المواعيدوالأسعارممتاز
شوفي الخاص واي طلب اوسوال من عيوني

 

[ريحانة_14]

عليج بالعافيه حبيبة قلبى..........تعالى قولى لى شسالفة هالعطر حلو لهالدرجه؟

يعافيج حياتي فطيم .. والله تبين الصراحه كل عطر أحبه وله ذكريات عندي ينقطع من السوق

هذا واحد منهم إيدن الشفاف من كاشاريل
وواحد روكوباروكو السيلفر
وفينيسيا .. طبعا فينيسيا غرامي غرامي غرامي لأنه صج حلو وموطبيعي تذكرين دعايته قديمه هذا إللي كان يصرخ فينيسياااااااااااااا

دورته بكل مكان بالعالم فرنسا / لندن / النمسا / إيطاليا / وحتى بالنت قالولي مقطوع
=========

المهم .. إذا لقيتي مواقع أدوات الـ Art $ crafts نطلب منهم بلغيني عفيه
==========

عهد الأمل حياتي ياريت ترسلينلي المواقع أنا بعد
أكون شاكرتلج :tek:

 

[عهد الامل]

يعافيج حياتي فطيم .. والله تبين الصراحه كل عطر أحبه وله ذكريات عندي ينقطع من السوق

هذا واحد منهم إيدن الشفاف من كاشاريل
وواحد روكوباروكو السيلفر
وفينيسيا .. طبعا فينيسيا غرامي غرامي غرامي لأنه صج حلو وموطبيعي تذكرين دعايته قديمه هذا إللي كان يصرخ فينيسياااااااااااااا

دورته بكل مكان بالعالم فرنسا / لندن / النمسا / إيطاليا / وحتى بالنت قالولي مقطوع
=========

المهم .. إذا لقيتي مواقع أدوات الـ art $ crafts نطلب منهم بلغيني عفيه
==========

عهد الأمل حياتي ياريت ترسلينلي المواقع أنا بعد
أكون شاكرتلج :tek:

من عيوني حبيبتي

 

[ريحانة_14]

وصلت الرساله .. وميرسووووووووو خالس

 

[ريحانة_14]

فطيم عسى لقيتي طلبج ياقلبي ؟؟؟

 

[فطومه]

لقيت بعد قلبى تسلمين حبيبة قلبى .ياريحانه الرياحين