مهم حق اللي تبي تسوي تجميل للخشم

[~ كرز ~]

سلام بنات شلونكم
انا ان شا الله بسوي تجميل حق خشمي بايران السنة الياية عشان ايمع لي فلوس العملية لاني للحين طالبة؛)
و هالايام قاعدة اسوي سيرج عن دكاترة ايران لانهم شطار بالتجميل
و كنت ناوية اسوي عند بور صادق

بس اليوم رحت عرس و شفت وحدة مسوية تجميل و تجرأت سألتها قالت لي عند دكتور شلوان بطهران

و ما شاء الله خشمها وايد حلو و مرتب و مو مرفوع بس مرسوم رسم و هذا اللي احبه

فقررت اسوي عند شلوان و سويت عنه سيرج بالنت ماحصلت شي

بس في شغلة سعره غالي

1750 دينار كويتي بس يسوى


ياليت اللي تحصل موقعه تحطه هني

 

[Beautiful soul]

ان شاء الله البنات يفيدونج وان شاء الله اذا سويتيها تقومين بالسلامه وتطلع النتيجه بيرفكت مثل ماتتمنين
وعسى الله يوفقج باختيار الدكتور الافضل

 

[$نرجس$]

اتعرفين ايميله يااااريت اتحطينه عشان انشوووف شغله

 

[~ كرز ~]

بيوتيفل سول
مشكورة عالدعوة الحلوة

نرجس
لا ما اعرفه انا عطيت البنت رقمي و بس تدق علي و تعطيني معلومات عنه اكتبهم هني

 

[ام شريفه]

يمكن اهيا خشمها سهل و اصلا كان صغير مو شرط الدكتور نفسه شاطر ترى

 

[~ كرز ~]

امممم يمكن بس انا سألت عن شكل خشمها قبل التجميل و قالت يشابه خشمي ( انا عندي عظمة و الارنبة صايرة جنها كرة )

 

[انوثتي غير وياك]

انزين ولطفي زاده ماسألتني عنه
اذا عندج اي شي عنا فيدنا بالسعر
بليييييييييييييييييييييييييييييز

 

[~ كرز ~]

سألتها عنه مدحته و تقول احسن واحد بمشهد بس انا اعرف وحدة مسوية عنده و ماعجبني شغله وايد مرفوع

 

[~ كرز ~]

تصدقون دورت بكل مكان ماحصلت دكتور اسمه شلوان بس حصلت شيرواني
تهقون اهو نفسه بس البنية متخربطة بالاسم


و الله احترت المشكلة بس عطيتها رقمي و ماخذيت رقمها مو عارفة شلون احصلها

 

[AFRoDiT]

الي اعرفهم مسوينها
احلى خشوم الي عند بور صادق
شكلهم طبيعي ماتحسينه جنه صناعي وجامد

 

[~ كرز ~]

ناس تعرفينهم و لا من المنتدى ؟؟؟
لان الصراحة ما قمت اثق لان مايبين الدعاية من الصج فقررت اسوي عند دكتور شايفة شغله بالطبيعة

 

[شنشووونه]

Up

 

[الله كرريم]

،، في دكاترة هناك يسوون عمليات تجميل اصعب من جذي وسعر اقل تقريبا ٥٠٠

 

[~ كرز ~]

اي انا اللي مخليني اتردد سعره الغالي بس اللي يبي الدح مايقول اح

 

[انوثتي غير وياك]

سألتها عنه مدحته و تقول احسن واحد بمشهد بس انا اعرف وحدة مسوية عنده و ماعجبني شغله وايد مرفوع

مشكوره على ردج ماقصرتي
بس ماعندج فكره على سعره دكتور زاده

 

[~ كرز ~]

لا ماادري

 

[~ كرز ~]

سلاام بنات اليوم البنت دقت علي و قالت ان اهو شيرواني

 

[~ كرز ~]

هذا موقع الدكتور
http://www.dr-rshirvani.com/

 

[~ كرز ~]

انوثني و ياك غير

ديري بالج في ناس تذم لطفي زادة ووحدة بالمنتدى تقول خرب خشمها

 

[mareea]

ترى سعره مو غالي

انا مسويه بطهران بـ 1350