مهم بخصوص السياره

[losee]

السلام عليكم
جربت شي وحبيت افيدكم بنشره
قبل كنت احاتي روحتي الوكاله عشان السيرفس او تبديل الدهن وبالصدفه عطتني وحده من رفيجاتي رقم تلفون ودقيت عليه وياني البيت واخذ السياره ووداها الوكاله وبدل دهن وقلت له ابي اغسل السياره من الداخل ووداها المغسله وقالي اذا تبين تلميع هم عندنا واذا تبين تصليح للسياره هم موجود وهذا رقم تلفونه للي تبي ولا تنسوني من دعواتكم
99150292 مصطفى

 

[موريا آدم]

• الرفع للافادة

 

[lovely life]

شنو تعمليلو دعاية مجانية

 

[الأمل لحظه]

بنات نصيحه لاتعطون احد ماتعرفونه السياره يسوي لها سيرفس وتصليحات اول شي ممكن انه يبدل شغله من سيارتج بشغله ثانيه مو وكاله
والاهم من هذا في ناس تعطينها السياره لغرض معين او تكونين مضطره فيستغل هالشغله ويستعمل سيارتج لشغلات ممنوعه مثل تهريب مخدرات والله يابنات ياماو ياما سمعنا بلاوي من هالشغلات

غسيل السياره اذا مضطره تجيج شركه لي باب البيت وتغسل سيارتج وهي واقفه ماتحركت
والسيرفس الدوري احد من اهلكم او اضعف الايمان سايقكم

 

[losee]

اللي تسالني اعملوا دعايه مجانيه ,,,, نعم وشنو فيها اذا شفت شي مفيد ونشرته وانا واثقه من الشخص انه زين وتمام ,,, بس ممكن افهم شنو اسلوبج هذا او بالاصح هل اسلوبج هذا اوكي وهذي شخصيتج والا بس بالنت من خلف الشاشه تصيرين مو .... ؟؟؟
lovely life فيه شي اسمه ذوق عام وفيه شي اسمه احترام الذات مطلوب لكي يحترمك الاخرون وشكرااا

 

[ام غازي 2012]

مشكوره

 

[دانة بعين بحاري]

صح مو اي احد نعطيه السياره الواحد يخاف بهالزمن

 

[M!SS.LOBY]

الله يوفقه ان شاءالله
بس اذا كان تبع مركز معروف وموجوده رخصه لها وعند بطاقه او عنده كارنيه وظيفي موجوده صورته الشخصيه ورقم البطاقة المدنيه وصورته الشخصيه معتمد ومختوم من قبل ادارة المركز ما في مانع وفي فاتوره فيها عنوان المركز ورقم المركز لا سمح الله صار اي شئ الواحد يضمن حقه .
بس اذا يشتغل بروحه وما في مكان يضمن او يكفل حقوق الناس هذا غلط وما يجوز حتى خطر عالنفسه لان هذا حلال الناس ومسوؤليه.