من ينقذني من هالموظفة ؟؟؟؟

[fsamn]

مرحبا خواتي :eh_s(17):

صارلي موقف اول مره يصيرلي بحياتي ومن يومها وانا أكل بنفسي من قهري

وعلشان الناس يدرون بوقاحة بعض الموظفين الي مستغلين القانون الي ساندهم

السالفه سلمكم الله رحت لخدمه المواطن بسوي فيزا لخدامه مقدمة عليها ..
اخذت رقم وقعدت انطر دوري .. ولما وصل دوري رحت وقدمت اوراقي للموظفه ويخب عليها هالاسم
لكن مالتفتت علي لانها قاعده تخلص معامله لرفيجتها الي واقفه يمها
والمعامله باختصار هي عمل 3 اقامات لوافد ( تركي او ايراني ) ما ادري قاعد مع المراجعين واهي ورفيجتها يركضون له ..
طبعا انا عيوني عليها واهي تخلص المعامله مالت الوافد وهذا الي قهرها واربكها
وللاسف طلعت اوراقي ناقصه وقالت روحي طبعي ورقه فيزا
طبعا انا رحت واهي قعدت الوافد مكاني وخلصتله المعامله وهات يا ابتسامات وتشكرات متبادله

ولما كملت اوراقي وسوتها بقي اوقعها من المدير رحت ووقعتها عنده ورجعت لها علشان تكملها لقيتها استلمت مراجعه ثانيه طبعا انا قلت لها :
( يا ليت تخلصين لي المعامله انا مستعجله ) ..

وكأني شاتمتها ما عجبها وقالت لي اذا مستعجله روحي لاي احد يخلص لج المعامله ..
قلت لا انت الي تخلصينها ,, انتي عطلتيني بسبب الوافد الي ما اخذ رقم من الاساس ..
طبعا حذفت الاوراق علي ( وحلفت ) ما تخلصها لي وقالت لي روحي للمدير اشتكي
ولا خايفه من احد...
ما ابي اطول عليكم المدير خلص معاملتي ولا ادري شنو سوا معاها بعدين
لكن ما اعتقد ان فوقها مسؤول خايف ربه ...

من شفتها حسيت انها راعيه مشاكل غير هلاقتها بالكلام وتعليقها البايخ علي صورة الخدامه وكان الميانه طايحه بينا

الي ابي اقوله :
من ينصفنا من هالاشكال الي محسوبين علينا موظفين ؟؟؟
لو كانوا المدراء والمسؤولين شايفين شغلهم بامانه كنا بنشوف هالنوع من الناس في مؤسساتنا ووزراتنا ؟؟؟؟؟؟؟؟؟؟؟؟؟

 

[الجادل الخشف]

اختي ماشوفها سوت شي غلط اهي تشتغل وراح عليج الدور كنتي المفروض تنطرين المراجع الثاني يخلص بعدين تروحيلها ماله داعي تقولين انا مستعجله ومادري شنو انا اذا مراجعه قالتلي خلصيني بسرعه اتنرفز ماحب هالكلام خلو الموظف يشتغل على راحته كافي ضغوطات العمل وثانيا تقوليلها لا انتي تخلصينها جنه السالفه عناد وبعدين شدراج ان الوافد ما اخذ رقم مراقبه الارقام كلها !!!! انا لو مكانها بسوي سواتهالانج تنرفزين بكلامج انا باليوم اتعامل مع خمسين شخص تقريبا في منهم المحترم وفي منهم غير محترم والكويتيين متعودين عالرفاهيه والدلع يبون يمشون الموظفين على كيفهم جنهم خدم عندهم في ناس اعاملها بكل احترام وفي ناس تنرفز وما اخلص شغلها اخليها تروح لزميلتي وحتى لو اشتكو المدير ماراح يسوي شي لان يعرف الناس شنو واهو بعد يمر عليه اشكال والوان

 

[مـوج]

حبيبتي خليج انسانه سموحه ، مستحيل الناس يكونوا زي ماتبغين أنتي..


اذا هي انسانه وقحه وقليلة ذوق وبرستيج ، خليج أحسن منهآ ,,


بعدين كلها مراجعآت واورااق وهالسوالف بعدين ماراح تجوفينهآ بحياتج..


اللي يقهر ان رفيجتج او اختج تعاملج جذي، اما موظفه طزز شعلي فيهآ ..


خلي معاملتهاا لهآ ,, وهي لمآ حذفت الاوراق عليج المفروض ماتسكتين..


أقلها تردين لها رد يقصف جبهتهآ موو تسكتين لهآ ..


وأنتي برضوآ المفروض ماقلتيلهاا لا انتي اللي تخلصينهآ ..


ممكن أنقهرت وحست انهاا اهانه وإحتقاار لها..


ماتدرين عن هالانسانه انتي ماعاشرتيهاا مجرد مكاان عمل..


ممكن انهاا طيبه بس تتنرفز بسرعه،بعدين ترا اغلب الموظفين مضغوط الشغل عندهم ف يجونج عصبيين ومتنرفزين دائما ..


ادري طولت اقرقر بس خليج طييييييييييييبه وسمووووووحه..


اشرف الخلق كان كذا وتحمل اساءت الناس عليه وهو رســــــــــــــووول


ولو دعى عليهم كان الله استجاب دعوته بس هذا من سماحته وطيبة قلبه ..



​

 

[sakura-san]

انا العكس المراجعين اللي يراجعونا كلش ما يحترمونا لدرجة انهم يصارخون علينا ويهددونا

 

[Japanese]

ويي انا مره ريال قعد يصارخ علي بس عشان قلتله خلص شغلي وبعدين خلص شغلك انت

مايستحي قاعده قدامه انطره يخلص شغلي وقاعد يخلص شغله لنفسه :/ ايييه خلصني وبعدين التفت لنفسك ومشاكلك

المهم ان السالفه صج صج كبرت لدرجه اني طلعت من عندهم رايحه مركز الشرطه لآنه تهجم علي كلاميا

ويا مديره يبي يهديه " المدير كان كبير بالسن شيبته براسه " وقاعد يهدي بالموظف بس الموظف راكب راسه

اخر شي انا طلعت وشوي الا يتصلي المدير ويخلي الموظف يتآسف مني

احتراما لشيبته ماسويت شي بس صج فيه ناس اعوذ بالله احس لو يقعدون ف بيوتهم وايد ابرك من انه لا يشتغلون عدل

فلوسهم حرام ف بطونهم ع معاملتهم الوقحه واسلوبهم الدنيء

 

[fsamn]

اختي ماشوفها سوت شي غلط اهي تشتغل وراح عليج الدور كنتي المفروض تنطرين المراجع الثاني يخلص بعدين تروحيلها ماله داعي تقولين انا مستعجله ومادري شنو انا اذا مراجعه قالتلي خلصيني بسرعه اتنرفز ماحب هالكلام خلو الموظف يشتغل على راحته كافي ضغوطات العمل وثانيا تقوليلها لا انتي تخلصينها جنه السالفه عناد وبعدين شدراج ان الوافد ما اخذ رقم مراقبه الارقام كلها !!!! انا لو مكانها بسوي سواتهالانج تنرفزين بكلامج انا باليوم اتعامل مع خمسين شخص تقريبا في منهم المحترم وفي منهم غير محترم والكويتيين متعودين عالرفاهيه والدلع يبون يمشون الموظفين على كيفهم جنهم خدم عندهم في ناس اعاملها بكل احترام وفي ناس تنرفز وما اخلص شغلها اخليها تروح لزميلتي وحتى لو اشتكو المدير ماراح يسوي شي لان يعرف الناس شنو واهو بعد يمر عليه اشكال والوان

شلون ما سوت شي غلط واهي مخالفه قانون وظيفتها ...!!!
تقدم مراجع علي مراجع بدون استاذان .. وتخلص معاملات بالواسطه وجدام المراجعين عيني عينك
وفوق هذا تتصرف باستهانه وترفض تكمل شغلها ..
اذا عندها مشاكل وضغوط فكلنا بالهوا سوا .. حتي احنا لنا حياتنا ومشاكلنا وهذا مو مبرر تتصرف بهالتصرف الاحمق ..
أي موظف يتعامل مع مراجع كان ذوق معاه من البدايه وما تعدي عليه بطريقه هالموظفه خل يعرف ان معاشه حرام ومنزوع البركه .. ويكفي كلمه حسبي الله ونعم الوكيل علي هالنوع من الموظفين هذي كافيه تخسف فيهم الارض ..

 

[fsamn]

حبيبتي خليج انسانه سموحه ، مستحيل الناس يكونوا زي ماتبغين أنتي..


اذا هي انسانه وقحه وقليلة ذوق وبرستيج ، خليج أحسن منهآ ,,


بعدين كلها مراجعآت واورااق وهالسوالف بعدين ماراح تجوفينهآ بحياتج..


اللي يقهر ان رفيجتج او اختج تعاملج جذي، اما موظفه طزز شعلي فيهآ ..


خلي معاملتهاا لهآ ,, وهي لمآ حذفت الاوراق عليج المفروض ماتسكتين..


أقلها تردين لها رد يقصف جبهتهآ موو تسكتين لهآ ..


وأنتي برضوآ المفروض ماقلتيلهاا لا انتي اللي تخلصينهآ ..


ممكن أنقهرت وحست انهاا اهانه وإحتقاار لها..


ماتدرين عن هالانسانه انتي ماعاشرتيهاا مجرد مكاان عمل..


ممكن انهاا طيبه بس تتنرفز بسرعه،بعدين ترا اغلب الموظفين مضغوط الشغل عندهم ف يجونج عصبيين ومتنرفزين دائما ..


ادري طولت اقرقر بس خليج طييييييييييييبه وسمووووووحه..


اشرف الخلق كان كذا وتحمل اساءت الناس عليه وهو رســــــــــــــووول


ولو دعى عليهم كان الله استجاب دعوته بس هذا من سماحته وطيبة قلبه

​

مشكورة عزيزتي علي مرورج اللطيف
حبيبتي هذي وامثالها ما تمادوا الا من سكوت المراجعين عن حقوقهم ولو كانت متأكدة من المساءله القانونيه عليها كان فكرت الف مرة قبل لا تحذف الاوراق
مشاكلي بالبيت مالها حد والله يعلم .. لكن عمري ما ظلمت الناس او كشرت بوجه احد منهم
طلبي انها اهي الي تخلص معاملتي هذا حقي .. وغصبا عليها مو طيب منها تخلصني الاول اهي الي عطلتني من البدايه .. ولو كانت مراجعه غيري كان شرشحتها جدام العالم علي تكبرها علي المراجع

 

[fsamn]

انا العكس المراجعين اللي يراجعونا كلش ما يحترمونا لدرجة انهم يصارخون علينا ويهددونا

أي مراجع يقل ادبه لج الحق تشاكينه وتاخذين رد اعتبار

لكن الشهاده لله لي 10 سنوات اراجع بمعاملاتي باكثر من مؤسسه ما شفت مراجع او مراجعه صارخ او تخانق مع موظف .. ما انكر ان تصير هالحالات لكن جدامي ما شفت .. والي شفته من هالموظفه صدمني .. خصوصا لما قالت ( روحي للمدير ) .. شنو هالوقاحه ؟؟
فوق غلطها تجاكر .. حسبي الله ونعم الوكيل ..

 

[fsamn]

ويي انا مره ريال قعد يصارخ علي بس عشان قلتله خلص شغلي وبعدين خلص شغلك انت

مايستحي قاعده قدامه انطره يخلص شغلي وقاعد يخلص شغله لنفسه :/ ايييه خلصني وبعدين التفت لنفسك ومشاكلك

المهم ان السالفه صج صج كبرت لدرجه اني طلعت من عندهم رايحه مركز الشرطه لآنه تهجم علي كلاميا

ويا مديره يبي يهديه " المدير كان كبير بالسن شيبته براسه " وقاعد يهدي بالموظف بس الموظف راكب راسه

اخر شي انا طلعت وشوي الا يتصلي المدير ويخلي الموظف يتآسف مني

احتراما لشيبته ماسويت شي بس صج فيه ناس اعوذ بالله احس لو يقعدون ف بيوتهم وايد ابرك من انه لا يشتغلون عدل

فلوسهم حرام ف بطونهم ع معاملتهم الوقحه واسلوبهم الدنيء

اشكرلج مرورج الكريم
الموظفين استفادوا من قانون ( اهانه موظف اثناء تاديه عمله )
والحين صار لزاما سن قانون جديد للراجعين ( اهانه مراجع اثناء تخليص معاملته )

 

[قلب طفـــله]

قليلة ادب جان صطرتيها رايحه تراكض ورى معاملة الوافد ومخليتج انتي يابنت بلادها

بعض الحريم جذي من الدوده تلقينها ترحب بالريياييل وتخلص معاملاتهم واذا جافت وحده جوفي المعامله شلون

يالله تحسبي الأجر

الله يصبرنا على هالأشكال

 

[fsamn]

قليلة ادب جان صطرتيها رايحه تراكض ورى معاملة الوافد ومخليتج انتي يابنت بلادها

بعض الحريم جذي من الدوده تلقينها ترحب بالريياييل وتخلص معاملاتهم واذا جافت وحده جوفي المعامله شلون

يالله تحسبي الأجر

الله يصبرنا على هالأشكال

اذا صطرتها لبستني قضيه .. فوق غلطها علي

لما كلمت اخوي علي الي صار مع الموظفه قالي الله يعينه الي تصير معاملته عند بنت
يقول انا اتمني موظف يخلص معاملتي ولا تكون موظفه يقول كلهم ضاربين بوز ويتأففون