من وين تشترون متلزمات المدرسه؟؟

[miamy]

مرحباااا وامهات والله يعينا على التجهيزات

للمدارس والعيد ورمضان

عشان جذي مفكره قبل رمضان اشتري كل شي

وابي اعرف مؤيد المير نزل ملابس المدرسه واللا بعد؟؟؟

والنصر بعد نزل ملابس رياضه واللا لأ؟؟

وبالنسبه لصف 11 شنو يلبسون البنات للرياضه؟ شورت واللا ليقن ؟؟؟

والجواتي احسن مكان تشتروون منه وييين؟؟؟

مشكووورين

 

[نون 123]

يمدحون مجمع الايوب

 

[قمر ضاوي33]

مؤيد المير والنصر الرياضي نزلوا حق المدارس

تقدرين بعد تروحين مجمع الأيوب وحق الأحذية سنتر بوينت

 

[LiLis]

أحسن مكان يبيع ملابس المدرسة هو مجمع الأيوب اللي بحولي نوعية الملابس حلوة والأسعار معقولة وعندج مجمع الأوقاف بس مافي وايد محلات أما بالنسبة للنصر فمسوي تنزيلات لحقي قبل مايخلص....​

 

[جكورة]

أنا شريت لعيالي ملابس المدرسة من الأيوب
الملابس الرياضية و الجواتي وإنتم بكرامة من النصر الرياضي
جناط المدرسة من سنتر بوينــــــــت
والحمدلله خلصت من الزحمـــــــــة ..:ggdw:..

 

[سفرجل]

زين اتسوين
انا قلت ان شاءالله بس ينزل معاشي اطيييييير واروح اشتري حق الروضه
ابي افتك علشان اتفرق للتجهيزات العيد

 

[فراشة لكويت]

انا بعد افتكيت
الملابس من مجمع الايوب ..
الجواتي من سنتر بوينت ..
الدلاغات والشباصات من الايوب تحت ..
الجناط من فاشن مل والدفاتر والاقلام بعد ..
بقى الملابس الرياضيه والاشياء البسيطه مع طلبات المدارس مرة وحده ...
وتسلمون

 

[الأماكن]

انا ماعندي بنات ... لاحقة بنوتي واااايد صغيرة عالمدرسة

عندي صبيان الله يخليهم و يهديهم و يوفقهم و يوفقكم أجمعين

ملابس الصبيان أحس أريح من البنات .... لإن خوووواتي معاناة مع البنات

ملابس ولدي العام ... خلطة .... مرة من أولادنا .... و مرة من سنتر بوينت ... و شوية من فاميلي كير

القمصان من bhs قمصانهم رووووعة كد و مد

خرابيط المدرسة العام شريت من مستورة و مركز سلطان الجنطة

الجواتي عزكم الله .... من فاميلي كير ... ماركة بابلو سكاي

هالسنة ناوية ... أشتري من جرير ,,, فاصلة عليها

و كل عام و إنتم بخير