من وين تشترون اكسسوارات بناتكم

[ناتاشا]

اشلونكم بنات بغيت اسال من وين تشترون اكسسوارات بناتكم

انا اشترى من سوف بو امية الى بسيتي سنتر و سوق البلوكات و محل اكسسريس

في اى مكان ثاني عنده شغلات حلوة الى تعرف عفية ادلنا،،

مرة وانا في حديقة الشعب شفت بنات اشحلات اكسسوارات شعرهم مرتبة و كذا شغلة الأم حاطة في شعرهم

ودى اعرف من وين يا يبتهم الى عندها فكرة و تعرف شنو اهي الإكسسوارات اليديدة للبنات و من وين و اشلون ترتبهم بالشعر يا ريت تشرح لنا

 

[بتبوتااا]

في بكليرز وستي سنتر وسنتر بوينت

 

[ombaza]

وو اكسسريز بالكوت والمارينا
والافنيوز مون سون وسوق شرق

 

[عنايد]

انا والله من كل بستان ورده من سنتر بوينت من كليرز من اكسساريز من اوب اميه يعني مو من اي مكان اشوف فيه شي حلو

 

[ملكة بيتها]

مثل ماقالو البنات بس في محل بالكوت فوق يم محل آدم اكسسوارات الشعر عنده عجيبه ومو مكررة يمكن لأن ماله فرع ثاني بس عنده شغلات زوووووغه

 

[pink-rose]

معظم الي عند بنتي من كليرز

 

[TooToo]

كليرز

وهذا سايتهم

http://www.claires.com/

 

[الدانه77]

من كل بستان زهره كل شي اشوفه اشتريه حق دلوعتي الله يخليها لي

ومثل ماقالوا الخوات كليرز حلو وهم سنتر بوينت

 

[مي الحلوة]

كفو ووفوا البنات...:ggdw:
وفعلا انا اخذ لبنتى من كليرز فيع شغلات حلووووه..
واخر مرة اخذت لبنتى من محل في الكوت جنب أدمز..:ada:

 

[ناتاشا]

يعطيكم العافية يا بنات على المشاركة بس شنو الموديلات التى تقدرين تسوينها لبناتج في شعرهم يا ريت الى عندها صور توضح لاني ميح في موديلات شعر البنات بس اسوي عجفة و احط الشبابيص على لون اللبس

 

[بنت الحزن]

بنوتات احلي شي كليرز
مانغو
اوشيو مرات ايب شغلات حلوه

 

[ناتاشا]

بنت الحزن حياتي ليش عاد اسمج بنت الحزن ليش مو بنت الفرح ،،، انشاءالله حياتج كلها فرح حبيبتي شكرا على المشاركة الحلوة اول مرة اعرف ان مانغو اييب اكسسوارات شعر للبنات

بجرب اروح اشوف شنو عندهم

 

[۩۩ الجـــــود ۩۩]

كليرز وسعرها فيها ما تخرب

والمنشر فيه كشك ما عرف اسمه يهبل حق البنوتات الحلوات حلات بنتى

ربى يحفظها ويخليها ويرزقها باخت

 

[أم مشموش]

انا الصراحه اخذلها من كليرز ومن مون سون سوق شرق ومن لي بالمهلب الكشك لي يم الباب الصراحه اسعارها نار بس عندها فناتق عجيبه ميكي ومينيوهالوكيتي واشياء وايد عندها حلوه حق البنوتات

 

[شمايخ]

من كليرز وفي محل بسوق السالميه قبل ماتدشين ستي سنتر على اليمين تلقينه في سوالف حلوه

 

[um wahaby]

والله يابنات انا مايبقى مكان ما اشتري كليرز وسنتربوينت وماكس وبو اميه والاكشاك واذا سافرت اكود خصوصا من تايلند عندهم اشياء تشوق بس والله مادري وين يروحون .....