من وين الاكسسوارات

[شاذن!]

كيكات شلونكم
من وين تنصحوني اشتري اكسسوارات ناعمه
البسها بالشقه مع الفساتين وجذيه
بأي ماركات القاهم أحلى شي
؟
ابي اشتري سلاسل واساور وحلق:eh_s(1):
ساعدوني:eh_s(2):

 

[عشق حائل]

اوووب بالكوويت انا خيتووو
ماحبيت ادش واطلع بدون مارررد عليج
اتمنى الصبايا يفيدونك

 

[^لغموضي معاني^]

بكل مكااان اعتقد مو بمكان معيين

 

[دلوعة مبارك]

انا ساعات كل ما ادخل محل بالافنيو افر واشوف الخواتم والتراجي والاسوار


وساعات احب امر ع الدو لأن ساعات عندة تراجي حلوة وتهبل


بالعربي ياحياتي مري على كل محل وشوفي الاساور والتراجي و الخواتم ..... والله يوفقج

 

[miss king]

حلو اكسسوارات المعرض إلا أرض المعارض صناعه لبنانيه بس خلص المعرض اعتقد الحين إذا حابه عندي رقمهم

 

[beren saat]

سنتربوينت حلوين معارض

المحلات عموما يبيعون اكسسوارات ناعمه

ماكس حلوووه اكسسوارتهم مرات

يعني بكل مكان متوفرين واسعارهم زينه مو شرط ماركه معينه

 

[معلمة شيسمونه]

الاكسسوارات
انا ادليج كل الاماكن
- المهلب تحت نزلي وطبي وتخيري
- لوذان هم تحت بالمهلب عجيبين
- ساره / نوران في شغلات حلوه وشغلات لا على حسب
- ارض المعارض بس يبطلون روحي ونقي

انا نوعت واخذت من هالاماكن وايد حلوين خاصه المهلب تحت شبعت فيهم

 

[أم*سلمان]

آب

آب


لعيوونج

 

[منال $]

عندك اكسوزاريز
عندك سنتر بوين
الدو
كليرز

 

[هنـــد]

بصراحه بكل مكان

سنتربوينت

محل فوشيا الافنيوز

محل فوق بجمعية الخالديه

الاكسسوارات الي بالمعارض ومجمع المهلب

في شكثر محلات مو بالي الحين

 

[الحياة فرص]

اكسسوارات ساره ونوران غااالي ونصب
والله نصيحه تبين اكسسوارات حلوه روحي المعلم اللي عند البيرق المحلات اللي تبيع الاكسسوارات ع نص
والله شريت منهم سواره ع نص دينار ولقيتها بساره كوليكشن بـ٧ دنانير
وشريت خاتم من نوران اللي يجيلج ثلاث مع بعض بـ٤ دنانير والله العظيم لقيت نسخته ولا احلا بعد بنص دينار
نصيحه روحي المعلم اللي عند البيرق وقشي منهم لين تقولين بس
وكل ماقشيتي منهم ادعيلي هههههههه

 

[cuteya1986]

من كليرزز + سنتربوينت+ماكس+ ردتاغ+اي محل يبيع اكسسوارات
بس عني انا خذيت من الي ذكرتهم حتى بو 100 مريته خذيت سيوور حق الشعر وجم شغله للشعر

 

[&موناليزا&]

عزيزتي رفع لعيووووووونج

 

[غزوى]

في كل مكان

 

[آنثى خورآفيه !]

آذآ حق الششقه مـآ تسسوى مـآركـآت

شوفي آرض المعآرض اللحين بيسكر يوم الآربعآء

h&m فورايفر نيو لوك شكثر مححلآت ححلوة اكسسوآرآتهم

 

[سمـو آلشيخــہ]

البنات ماقصروا اذكروا كل الاماكن
راح اتحصلين بكل مكان