من وين اشتري سرير للخدامه

[سعادتي برضى ربي]

السلام عليكم

بنات ابي اشتري سرير حق خدامتي وماني عارفه من وين
واذا في سرير اللي يتسفط

احترت من وين قلت كويتيات مايقصرون ​

ومنكم نستفيد

 

[خزااامى]

في بسوق الجمعه واجد

 

[سعادتي برضى ربي]

رد : من وين اشتري سرير للخدامه

صج حبيبتي مشكوووورااا

انزين سوق الجمعه بس الجمعه فاتح

 

[habeeba]

سوق الجمعه فاتح مسا الخميس و الجمعه والسبت
وفي بعد عند دوار صادق اب حولي محل مال اغراض البيت انا شاريته من هناك اب 17 د

 

[أم هـجـرس]

ورا لاند مارك في محلات يبيعون مو المستعملين لا شغل مرتب

واسعارهم حلوه


واذا كان قصدج السفنج الي يتصفط سمعت يبيعونه بسوق اليمعه

انا عجبوني بماكس السفنج الي يتسفط والوانهم حلوه وايد حلوين للبر

 

[الجعده]

عندج الضجيج وبعد المحلات اللى يم السوق الايرانى بس مو المستعل وعندج صادق واللى يمه

 

[<<لمار>>]

سوق الجمعة

 

[شيخة الحلوة]

شوفي اللي بالري ورا سنتر بوينت اتوقع تلقين هناك
انا كنت باشتريلها سرير قالت لا مدام انا بس يبي اسفنج وكمبل وشرشف ما يبي سرير

 

[حبيبي سهلي]

حبيبتي تلقينة بكارفور صوب الملابس ب11 دينار والله يهديها ويسخرها لج اللي تدورين لها على سرير بدل خسارتج