من وين احصل على الكرة الرياضية

[ورد الصبا]

السلام عليكم
اشلونكم ياخواتي عساكم بخير
حبيت اسألكم اذا في وحده تعرف من وين احصل على الكرة اللي يسوون عليها التمارين الرياضية
لاني دورت عليها في النصر وماحصلتها ورحت لكارفور همن ما حصلت عليها
ودي اشتريها وجم سعرها اذا تعرفون
وماقصرتوا:tek:

 

[يابختي]

اكو باثليتيز فووت..انا اول ما انزلت هناك شريتها ب 8...الحين اكيد سعرها نزل
اكو بالرياضي اللي جبال مجمع زهرة..كان عليها خصم،،، يمكن باربع دنانير..بس ترى في منها احجام

 

[^^ROSE^^]

روحي الأفينيوز محل Go Sport قريب من محل New Look
فوق فيه كل الادوات والاجهزة الرياضية وانا شريتها ب 6 دنانير وربع حجم 55سم مناسبه لطولي 164
فيي حجم 65سم للي طولهم أكثر وحجم 75سم للي تصير طنطل لوووووووول
طبعا عندهم حجم 65سم ب 9 دنانير معاها دي في دي رياضه
انا اول شي شريتها بس لما تفختها طلعت كبيره وايد علي فرجعتها وخذيت ام 55سم
واذا تبين يتفخونها لج بالمحل بس عاد تمشي فيها بالمجمع وهي متفوخة فشله هههههههه
بس اذا بتتفخينها بالبيت good luck
انا يمكن حرقت 1000000 سعرخ حرارية من التفخ طلعولي عضلات هههههه
هي معاها بمب عنونو فالاحسن ياتتفخينها عندهم او بمحطة البانزين في صوب يتفخون التواير خلي احد من اهلج يتفخها بس عاد مو يبطونها

وترى الكرة ماركة ريبوك احسن ماركة وانصحج فيها

 

[ورد الصبا]

ماقصرتوا يابعد قلبي
ان شاءالله اروح اشتريها
يعني اخذ مثلج 55 سم بس معاه ال دي في دي لان ودي اعرف اشلون يلعبون عليها وايد متشجعه العب عليها بس عاد اشلون تفختيها تروالي اللوز وصلوا لين الركب
وتسلمون لي يارب على ردكم علي

 

[& شهد &]

شنو فايده الكرة الرياضيه

ومشكورين على المعلومات الشرائيه لها

 

[ورد الصبا]

اهلين اختي شهد بالنسبة لفائدتها بالضبط ما ادري بس وايد اشوف هالايام التمارين تكون عليها وشكلها وايد مريحه للظهر يعني يكفي تمرين البطن لانها تسند الظهر وشفت لها كذا تمرين ووايد متشجعه العب عليها رياضة
ودمتم

 

[^SwEeTa^]

حبوبة انا ماخذتها من الرياضي اللي جبال مجمع زهرة مثل ما قالوا الخوات

 

[ورد الصبا]

تسلمين يا حبيبة قلبي ان شاءالله اشتريها واقولكم على النتايج بعدين

 

[^^ROSE^^]

هلا حبيبتي
انا ماتفختها ببلاعيمي عفية بلاعيم بتتفخها لوووووووول
لا انا تفختها بالبمب مالهم
تعرفين قوطي الكتشب مال المطاعم اللي مبوز من جدام؟ جذي البمب يتعب الايد
بس عموما الكرة حلوة