من وين اجيب العمال الي يوقفون على كشكات الوجبات الخفيفه

[شغلي غير]

ا

السلام عليكم بنات

حبيباتي انا اليوم يايه ابي تفيدوني ابشغله انا بخاطري ابلش بمشروع صغير مثل الكوشكات الي بالاسواق الي تبيع الخفايف مثل الذره والنفيش والسلاش بس مكاني موثابت يعني ااجر بمعارض الحريم او ارض المعارض وهذا طبعا مع وقف التنفيذ ليما الحين ما بلشت شغل لاني ماني عارفه من وين اييب العمال الي يوقفون على الشغل وما ابي براتب شهري لانه شغلي مو ثابت ياليت الي عندها خبره بهالمواضيع اتفيدني وجزاكم الله الف خير​

 

[مس استي لودر]

اب اب لعيونج

 

[جذابه بنت ذيابه]

الله يوفقج يارب

و اخذي لج خدامه او سايق و سوي لهم رخصه و عطيهم معاش و بس

 

[بنت الاحلام]

شوفي لو تبين انا اعرف ايتام وحالتهم تعبانه يرضون يشتغلون معاج

 

[شغلي غير]

يسلمون لي جذابه بنت ذيابه وبنت الاحلام يعطيكم الف عافيه على ذوقكم وياريت حبيبتي بنت الاحلام تعطيني الرقم على الخاص وبميزان حسناتج انشالله

 

[manoooram]

ما قصروا البنات الله يعطيهم العافيه

 

[صاحبة معرض]

السلام عليكم

والله عن نفسي شاركت كثير بمعارض

وعندي سايق وخادم في البيت

أستفيد منهم يوقفون في بعض مشاركات المعارض وقت اعياد
وغيره
أهم شي ما تجيبين واحد ماتعرفين عنه شئ والله كثير حراميه مواقف كثيره صارت معاي ومع زوجي

كنا نجيب شغلااات كثيره من الصين ونبيع جمله علي الاسواق الشعبيه واللي ماينباع بسرعه

فيه هنود وسوريين وبنغلاديش ياخذونهم ويبيعونهم

وتعالي شوفي البوق أنواع وأشكال تفاصيله كثيره
بس دوري الثقه مع مراقبته في البيع

كان عندي سايق حطيته بمعرض بيع ألعاب
وأنا كنت حيل مشغوله مو قادره أتواجد معاه

معاشه علي ومو مقصره معاه بكل شي

عندي أصناف كثيره وماكوا منها بالسوق
المهم حددت الاسعار له لا زايد ولا ناقص ؟؟؟؟؟

شوفوا طريقة الغش واللعب اللي صارت معاي ؟؟

انا كنت رايحه والمعرض زحمه والمشتريات ممتازه

مريت المعرض متأخرة وعطاني الفلوس
وعدد القطع اللي إنباعو نفس السعر مضبوط

الإ علي جيت بنت خالتي تسلم علي وتبي ترجع خمس قطع

سعرهم ١٢ دينار ؟؟؟

قلت أفا عليج والله إخذيهم وفلوسج مرجوعه

وآخذ من الفلوس اللي عندي ١٢ دينار واعطيها ؟؟

ضحكت وقالت ٢٤ دينار أنا دافعه فيهم

قلتلها زايده عليهم شي سعري ثابت ماتغير سعرهم
١٢ قالت والله لو ب ١٢ ما أردهم وأسأل الهندي إنت
كم بايعهم وأنا حيل معصبه ولا يجحدني يقول ب ١٢ بايعهم

قلت الحين اخلي دوريه تجيلك صبر لو مو انا واثقه من بنت
خالتي ماتصرفت التصرف معاه تصير فيني شكه اظلمه بس

كانت تقول أبيه ينزل دينار فيها مو راضي والله حرت جبدي
الله لايوفقه هذا وأنا مؤمنته علي حلالي ؟؟؟
جيت بدق تلفون ولا يحط ايده في مخباته مالت بنطلون من ورا

ويطلع ٤٥ دك ويعطيها زاده ١٢ دك غير اللي عطيتها
والباقي ماخذ علي الحريم زياده
ترجيعتها للاغراض اكتشفت إحتياله علي
يعني القطعه اللي بسعر 3 دك يخليها ب 6 إنباعة
ولا ما إنباعة بالطقاق أهم شئ إنه يربح ومعاشه جايه جايه

والنهايه إنصدمت بنت خالتي واحلفت ماتردهم مدام سعرهم ١٢ مو ٢٤

وسلامتكم حبيباتي طولت عليكم بس ليما الحين فيني حره لان في باقي
زبونات أخذ عليهم زياده ولا أعرفهن