من ولدت وانا ماااااااااا عرف انظم وقتي

[طيبة83]

هلا كويتيات

اول مرة اشارك في هل قسم

ونزلت موضوعي وانا متاكدة اني بستفيد منكم

سلمكم الله انا من ولدت وانا ما عرف انظم وقتي

يعني ما عندي وقت حق روحي كلش

ولا صرت وايد اعتني في روحي وفي بيتي

شوفوا انا الصبح في الشغل ارجع من الشغل ع طول انتغدا واخذ بنتي اخلي الخدامه ترتاح للمغرب

وبنتي يا اما تنام شوي او نقعد نلعب

المغرب اذا زوجي موجود اقعد معاه او نطلع لنا مكان ع السريع

العشا اتسبح سريع سريع وتالي اتعشا وانوم بنتي (وهي الله يحفظها نومتها عسره لازم اتنام ع حظني او ع سريري ونومها خفيف ع اقل صوت تقعد) يعني مستحيل اقدر اسوي شي واهيا نايمه

وفي الويكند الصبح بس ابي انااام لان بنتي للحين ما اعتدلت نومتها

وبعدين اطلع مع زوجي زوارة ولا مجمعات

ما عندي وقت فاضي مثل قبل حق صالون ولا عناية ولا مكياج كل شي ملخبط

ثاني شي بالنسبة لشقتي

اهي صغيره لاني عند حمولتي

وغرفة نومي مفتوحه على الصاله بينهم مثل القوس

ما اقدر احط بخور - عطور- شموع اخاف ع بنتي

الخدامه ما تنظف كل يوم لان مرات بنتي تنام الضحا ويخافون يدخلون يقعدونها


المهم

انا خاطري اصير جذي مثل الحريم بيتي نظيف ومرتب وانا كاشخه ومتعدله
خاطري اقعد جذي قعده حلوة مع ريلي :eh_s(2):

وع فكره بنتي ترضع فما اقدر اخليها ونسافر او نروح فندق



ابي جدول امشي عليه واقسم فيه وقتي بين روحي وزوجي وبنتي وبيتي

 

[هيللو كيتي]

والله حبيبتي هذي مشكلة كل ام مع اول بيبي ..

بس لانزلتيها تحت عند حمولتج مع الخدامه شوي عند خالتج بخري شقتج

او عالاقل بخري كبتج وكبت ريلج عشان شي يغطي علي شي

واهم شي انا بعد من يبت بيبي قطعت الشموع الفواحه لان اهي اللي تلعب بصدر البيبي

ولا وديها بيوم عند امج وسوي لج جو مع ريلج او اطلعي معاه

وبس التنظيف والترتيب شغله سهله لازم خدامتج نسويه
ووقت راحتها خليه ساعه بدال ٣ ساعات مثلا

وبس يعدي البيبي ٦ شهور بينتظم نومه ويتعدل وبتتعدل حياتج معاه ان شالله

ان شالله فدتج بشووي

 

[كلنا عشاق لكن]

الأشيا اللي ودج فيها ضيفيها ليومياتج المعتادة لين اتصير عادة من ضمنهم
مثلا وإنتي رايحة اتسبحين قدمي هالوقت ساعة / نص ساعة وإستغلية ببخار تشقير خلطة كل يوم شي
وقبلة بدقايق اترتبين الغرفة وتمسحينها بمعطرات أرضية بعضها امبخر منه وفية
وإذا مركزة اتخففينها بماي تطلع أحلى
يمكن صعبة أول يومين بس مع التعود ماتاخذ حتى ثواني
بما فيها تبديل الكفر -ومسح الكبت من داخل بس هذا مويوميا أكيد - كل إسبوع / إسبوعين معقولة
أوعودي الخدامة على هالشي الساعة كذا مساءا و صباحا لازم تكون امنظفة الشقة وامسحتها بثواني
الصالون كل إسبوعين وأنسب وقت لما تكونين عند أهلج اتدقين أو تروحين له وهالشي حلو بعد لو حابة تشترين شي يكون مفاجأة
وفالج طيب
​

 

[طيبة83]

هلو كيتي

صاجة والله بنزلها تحت وبنبخر على خفيف

كلنا عشاق

والله مرات اشد على روحي واصير نشيطه ومرات يذبحني الكسل


يعطيكم العافية بنات

 

[Kawaii GiяL]

نفس الحاله معاي خلي احد يمسكها عنج خالتج او امج و سوي اللي تبين
لين البيبي يكبر شوي امرنا لله هذي ضريبة الامومة هههه انتي عالاقل دوام انا ادرس
​