مشرفة القسم : أمواج البحر
بدش في الموضوع على طوووول
(1) المواضيع
عنوان الموضوع :. أسناني ,,, متضايقة المنتدى :. منتدى المشاكل الإجتماعية
الموضوع :.
بنات أنا أسناني روووووووووووعه رووووعه و تجنن و مرصوصة بطريقة مرتتتبة سبحان الله .... نعمة من ربي .. و الله يا بنات و ما أبالغ ما في أحد شاف أسناني إلا و قال حلووووووة و رووعه و من هالكلام .... اليوم الصبح لما قمت جان أحس بعوااااااااااار و الم فظييييييع في أسناني ,,, كانت تألمني بشكل مو طبيعي ,,, خذيت بندول و سويت كل شي أقدر أعليه بس ماكو فايدة ..... بنات و إلي يعافيكم ساعدوني ,,,, تتوقعون حسد بنات الكلية ,,, أساسا انا متأكدة إن حسد بنات الكلية
** الله يعينج صراحة ,, أنا ما شفت أسنانج و بديت أحسدج على عقلج أأأأأ أقصد أسنانج
--------------------------------------------------------------------------------------------------------------------------.
عنوان الموضوع :. وزني زااااد خلال شهر
المنتدى :. المناقشات الجادةالموضوع :.
بنااااات أنا حدي حدي متضايقة ,,, اتخيلوا يا بنات إن وزني زاد 5 كيلو خلال شهر واحد بس حدي متضايقة =(
الردود :.
وحده من البنات :. انزين يمكن تآكلين وااايد ,,, حاولي تخففي من الأكل و تسوين دايت
صاحبة الموضوع :. أنا حياتي دايت طبيعي يعني و الله ماآكل كلللش ,,, يومي كله أمشيه على صمونه و جبنه و زعتر و إذا حطيت شي ثاني في حلجي يكون ماي أو عصائر =(
وحده ثانية من البنات :. حبوبة يمكن انتي كله جاعده مكانج أو نايمة و هذا له تأثير كبير ع زيادة الوزن
صاحبة الموضوع :. و الله يا وخيتي أنا النوم عدوي ما أدري ليييش أنام ساعة أو ساعتين في اليوم بس
وحده ثالثه من البنات :. انزين يمكن انتي ما تسوين رياضة أبدا
صاحبة الموضوع :. لاااااا لا تقولي جذي أنا من الساعه 6 الصبح غلى الساعه 1 الظهر و أنا أمشي او أركض
** حشا حشا ,,, شنو تبينا نسويلج يعني ..... نشفطج مثلا ؟؟؟؟
--------------------------------------------------------------------------------------------------------------------------.
عنوان الموضوع :. أمي تكرهني
المنتدى :. المشاكل الإجتماعية الموضوع :.
و الله يا بنات عيوني جفت من الدوع خلااااص تعبت تعبت ,,
اتخيلوا يا بنات أمي قالتلي الساعه 12 بالليل أروح أسكر لايتات برا ,,, لايتات حديقة البيت ,,, اتخيلوا يا بنات في أم تأمر بنتها جذي أمر و ما تخاف عليها بالليل ,,, و أنا ما رحت لأني كنت خايفة أرووح و لما جت الساعه 12:30 أنا بعدني ما رحت أطفيهم ,, تتخيلوا يا بنات أمي زفتني زف و قالت إني ما أسمع الكلام ,, و راحت و طفتهم بروحها ,, تعبت بنات تعبت دموعي خلصت
** انزين روحي عبي ,, تحصلينهم في السوبر ماركت ,,,, بالذمة بالذمة هذا عقل ,,,, شنو هالموضوع ,,, شنو هالمشكلة العويصة إلي ما تنحل
--------------------------------------------------------------------------------------------------------------------------.
عنوان الموضوع :. سااعدوني محتارة المنتدى :. المناقشات الجادة
الموضوع :.
بنات من كم يوم في رقم غريب يتصل فيني ,,, تنصحوني أرد و لا ما أرد ؟؟!!
** ما في أجد من هالموضوع فعلا موضوع يبيله نقاش جاااااد من اليوم لسنة قدام
+.+.+.+.+.+.+.+.+.+.+.+.+.+.+.+.+.+.+.+.+.+..+.+.+.+.+.+.+.+.+.+.+.+.+.+.
(2) الردود
عنوان الموضوع :. كلنا نحب (...)>> (اسم رجل أو امرأة من زمن الرسول صلى الله عليه و سلم ,, ما أريد أذكر اي اسم لأن مو جاي على بالي أي اسم و لأني أبي أكتب بشكل عاام ) المنتدى :. الإسلاميات
الموضوع :.
أنا أحب شخصية ( ... ) جدا و أحب الفتوحات و الإنجازات إلي سوتها هالشخصية في عصر الرسول صلى الله عليه و سلم ,,, و كما أحب أيضا أحكامه و أقواله ....
ف أنا هنا في هذا الموضوع قررت إني اكتب كل شي عن هالشخصية ,, من ولادته حتى موته
و قبل لا أكمل أو أكتب شي أبي أشوف كم كلمة تعبر عن حبكم لهالشخصية العظيمة و بعدها رح أكمل بإذن الله
>>>>> ( هذا كل ما في الموضوع اقرئوه عددلل )
الردود :.
وحده من البنات (1) :. لا لا تكملين ما يحتاج أبدا انج تكملين
انتي أساسا تبين تسوين فتنه من هالموضوع ,,, واضح وضوح الشمس شنو هدفج من الموضوع
وحده ثانية من البنات ( 2) :. حبوبة إلي فوقي البنت ما قالت شي غلط ,, إذا مو عاجبج الموضوع ما يحتاج تردين
صاحبة الموضوع حبيبتي كملي
وحده من البنات (1):. اييييييي مو لأنج من نفس مذهبها لااازم تدافعين عنها .... و لما تتكلميني عدلي أسلوبج الزفت لو سمحتي
** لساني ينربط عن وصف أو التعليق على هالناس صراحه ,, لللأسف الشديد =(
--------------------------------------------------------------------------------------------------------------------------.
عنوان الموضوع :. موضة 2010 المنتدى :. الأزياء و الإكسسوارات
الموضوع :.
بنات اليوم جايبتكلم جم فستان موضوة 2010
(و نزلت البنت جم صورة )
من ضمن الردود :.
1) وييييييييييييييييييييع وييييييييييييع عاد هذا ذوووق
** ماكو ألطف من هالأسلوب
2) بصراحه لووووووووعة جبد ,,, ما أتوقع في أحد يلبس جذي
** أسلوبج حددده رااااقي
3) وعععععععع ماكو أقدم من هالموضة
** مو عاجبج عاااااادي قولي إن مو عاجبج بس بطريقة رااااقيه تنم عن رقيج ,,,, و أشكري صاحبة الموضوع على الجهد إلي سوته ,,,, ترا فعلا فعلا في بنات جذي و أنا شااايفة الردود
--------------------------------------------------------------------------------------------------------------------------.
عنوان الموضوع :. تكفووون ساعدوني المنتدى :. المشاكل الإجتماعية
الموضوع :.
(في هالموضوع البنت عارضة مشكلتها مع وااحد كانت تكلمه ,,, و تحبه وااااااااااايد و كل ما تجي سالفة الزواج يجي هو و يتهرب ,,, و طاله فيه البنات يشيروا عليها تكمل معاه و تصبر عليه أو لأ)
من ضمن الردود :.(1)
(1) بصراحه البنات ألحين مدمغات و غبيات و مخلين الشباب يقصوا عليهم ... فتحي عقلج حبوبة شوي
(2) قلة ادب و مصخرة ... انا لو أعرف وحده من خواتي تكلم لأذبحها و أشرشحها
(3) أبي أعرف انتي أهلج ويييييين عنج
{{طبعا مو كل الردود جذي و هاذي و الحمد لله فئة قليلة ,,, بس حيييييييييل منتشرة }}
/*/*/*/*/*/*/*/*//*/*/*/*/*/*/*/*/*/*/*/*/*/*/*/*//*/*/*/*/*/*/*/*/*/*
((3)) عدم وجود حلول
و كل هالسوالف بكووووووووووووم و إلي تعرض مشكلتها و البنات يجاوبونها و تقول ما أبي أسوي جذي بكوووووم ثاني
يعني إذا ما تبين تسوين حلول البنات شحقة منزله موضوع و تطلبين فيه مساعدة البنات
تم الموضوع بحمد الله
ملاااحظة :.
بناااااااات ترا أنا مو ناقلة أي شي من مواضيع البنات كله الهمواضيع من تأليفي يمكن أنا زودتها حبتين شوي ’’’بس لأني أبي أوصل تفاهة المواضيع شلوووون واااصله ,,, و للأسف هذا إلي جاعد يصير
بنااااات الموضوع تعبي و جهدي ف أرجو منكم الكلمة الحلوة إلي تسر الخاطر
