من مدونتي .. من بيصدقني باللوك الطبيعي ؟؟

[fsamn]

صباحكم ورد ..

وعيدكم مبارك ..

هذا موضوع كتبته من سنوات في احد المنتديات ... وبعدين نقلته لمدونتي ..
بعد صدمتي من تصاعد عمليات التجميل وهوس الحريم فيها ..
وما له داعي احرق عليكم السطور الجايه .. اتركم مع الموضوع :

تخيلوا معاي ...
خلال 24 ساعه .... البوصه تصير عروسه
هذا ايميل وصلني بس للاسف لغيته بدون ما ادري
فيه صور 8 حريم باشكالهم العاديه .. بدون مكياج ...


وخلال 24 ساعه .. لبسوهم ومكيجوهم " وشدوهم " وصاروا في الاتجاه الاخر
الي يشوفهم يقول في مسابقات الجمال
وكل وحده حطوا صورتها الجديده تحت صورتها القديمه !!
والله ما عرفتهم .. باللوك الجديد .. غيروهم 360 درجه .. وصرت ادقق بالصور
اني القي ملمح يثبت انها صاحبه الصوره الي فوق .. ما في الا النظره او الابتسامه


بصراحه اصبح شي مقرف يدعو ويبعث علي " ... " ما ادري شقول الكلمه
مو لاقيتها ..............

خبرتي بآخر ما توصل اليه خبراء الشد والنحت بالتجميل بالكاد معدومه
لاني لي الحين استخدم " ادوات النصب " القديمه ..
كحل وحمره وماسكرا .. اضمن من وراها لقب " متبرجه " باعتدال
لكن في تجوالي بالاسواق كنت اشوف اشياء في محلات ملابس السهره النسائيه
وهي قطع تخيط مع فستان السهره .. لتكبير الصدر والارداف ..
وكروسيه قوي لشد الخصر ... !!!!


ولما قلت لاختي عن هالاشياء .. ضحكت علي وقالتلي عن قصه وحده صديقتها
واسمحولي ادخلكم شويه في منظومه " كيدهن عظيم "
صديقه اختي هذي جسمها رشيق نعم بس يميل للنحف يعني كانها " مسطره "
لا قدامها ولا وراها ..
وزوجها دايما يعايرها بزوجه اخوه الي معاهم في البيت والمليانه حبتين
والي " البلكونات " في جسمها ممتده .. مع خصر نحيف .. ويقولها شوفي جسمها متناسق
هي طبعا ما عجبها الكلام والتكرار فيه ..
افحتالت عليه مره وانتظرته قبل لا يجي من دوامه ..
وطلعت ملابس السهره مالتها وبعثرتها شي علي السرير وشي علي الارض
مع قطع الاسفنج الي تنحط تحت الفستان طبعا !!!
والي تعمدت تبرزها قدامه عي الارض ..


ولما وصل زوجها لقي الملابس مبعثره .. وهي مسويه نفسها نايمه .. فقالها فلانه
قومي شنو هالفوضي .. ؟؟؟؟؟
قالتله ان فلانه " زوجه اخوه " عندها عرس الليله واخذت مني فستان
والله يهديها بعثرة الفساتين في الغرفه .. الزوج طبعا شاف الاسفنج علي الارض فقالها هذا شنو ؟؟؟
قالت بخبث :
يووووووووه .. الله يخزي ابليسها خلته وراحت ..
فقالها اقولج شنو هذا ؟؟
قالتله .. هذا تحطه فلانه تحت هدومها علشان يبرز جسمها .. وكل الحريم يستخدمونه
الرجال قرب يلطم ..
قالها يعني جسمها هذا كله " حشوات " قالت ايه شنو علي بالك
ومن يومها سكت الرجال ولا عاد جاب سيرتها ..
مع ان جسمها حلو ومخصر بس من بيصدقها ؟؟؟؟


المشكله الي تارقني ان كل الحريم تساوت في الاشكال ..
عمليات التجميل وصلت الي العظم وصاروا ينحتونه علشان يصغرون الهيكل العريض
الشعر موصل ومثبت بعنايه ولا يمكن يطيح لو يشدونه بحبال ...


عمل حشوات تنحط تحت الفستان مع شد للخصر .. يخليه مثل الكمنجه ..


المشكله هنيه .. منو بيصدقني اذا طلعت في الحفلات بجسمي الرشيق
وشعري الطبيعي .. وطولي الحقيقي ..!! :eh_s(10):​

كنت دائما اتباهي برشاقتي .. وبشكلي الطبيعي وانه كل " جمال رباني "
خالي من عمليات النصب ...

لدرجه ان في بنت " صايعه " من بنات افكاري .........
سولت لي فكره وهي اني البس " شفتشي " ..لو لزم الامر
والله قهر .. ناس هايصه وناس لايصه ؟؟
زمان كنا نقول " الزين عندنا والشين حوالينا "
لكن الي اشوفه اليوم ان هالجمله بتنحط في الارشيف .. وبتصير من عبق الماضي

تعتقدون :​

لو زوجه اخو صاحبنا هذاك اكتشفت حيله حماتها
شنو باعتقادكم بتسوي علشان تثبت ان هذا " لحمها مو حشوه "
وكم غالون من القهر والاحباط .. بتشيله المسكينه ساعتها ..


اتمني اشوف حلولكم لهالموضوع علي وعسي نلقي شي يخفف علينا القهر ..
تقبلوا تحياتي
​

 

[Ray.Bana =$]

يعطيج العافيه

 

[المرتاحة]

ليش القهر و ليش الحره ؟!!

والله انا بالنسبه لي ما علي من الناس اهم شي اكون مقتنعه بجسمي وعاجبني ما همني رايهم ولا يهمني اني اثبت لهم ان هذا جسمي خلقة

واذاالبنت جسمها منحوت من الله ويمكن تلعب رياضه خل الناس يقولون اللي يقولونه اهي اشعليها من الناس اهم من عمرهم يتحجون هذي مسويه عمليه و هذيج مو مسويه مردهم ينجعمون

الحل انها اطنش و تحمد الله و تشكره على نعمة العقل


مشكوره اختي

 

[حكاية شهرزاد]

هل موضوعج ,, استنكار لما يحدث ؟؟ من تجميل ؟؟

او مع التجميل ورقي الفتيات في الساحة \؟؟


مافهمت نقطه هدفج بالموضوع ..

بس ياعمري ,, البنات خلقت الله ,, والله خلق وفرق ,, واحنا بصفتنا بنات عقل ,, ازدهار غيرنا من البنات ماراح يخرب علينا ولا راح يضايقنا ,, مو علشانا احنا طيبين ,, لا ,, علشان اهما البنات شنو ذنبهم اذا حلوات ,, او اذا عاديات وصاروا احلى ..

سواء تجميل ولا رياضة ولا اهتمام ولا كشخه ولا وراثة جمال ..

خل البنات يستانسون .

 

[dantella]

دع الخلق للخالق

 

[fsamn]

يعطيج العافيه

شاكره مرورج اللطيف

 

[fsamn]

ليش القهر و ليش الحره ؟!!

والله انا بالنسبه لي ما علي من الناس اهم شي اكون مقتنعه بجسمي وعاجبني ما همني رايهم ولا يهمني اني اثبت لهم ان هذا جسمي خلقة

واذاالبنت جسمها منحوت من الله ويمكن تلعب رياضه خل الناس يقولون اللي يقولونه اهي اشعليها من الناس اهم من عمرهم يتحجون هذي مسويه عمليه و هذيج مو مسويه مردهم ينجعمون

الحل انها اطنش و تحمد الله و تشكره على نعمة العقل


مشكوره اختي

كلامج صحيح

انا احمد ربي واشكر اني ما تعبت بشكلي .. ولا خالفت الواقع .

تحياااتي لج

 

[fsamn]

هل موضوعج ,, استنكار لما يحدث ؟؟ من تجميل ؟؟

او مع التجميل ورقي الفتيات في الساحة \؟؟


مافهمت نقطه هدفج بالموضوع ..

بس ياعمري ,, البنات خلقت الله ,, والله خلق وفرق ,, واحنا بصفتنا بنات عقل ,, ازدهار غيرنا من البنات ماراح يخرب علينا ولا راح يضايقنا ,, مو علشانا احنا طيبين ,, لا ,, علشان اهما البنات شنو ذنبهم اذا حلوات ,, او اذا عاديات وصاروا احلى ..

سواء تجميل ولا رياضة ولا اهتمام ولا كشخه ولا وراثة جمال ..

خل البنات يستانسون .

طبعا انا ضد التجميل بكل اشكاله
هذي العمليات قلبت الدنيا علينا ..اي وحده تبي تتزوج مثلا ما راح احد يصدق جمالها
الطبيعي ..قبل كانوا يخطبون من الاعراس والحفلات ..اليوم ما تلقين وحده تخطب لولدها
من هالاماكن :eh_s(2):
بسبت هالبلاوي الي يسوونها البنات بانفسهم .. والي للاسف خربت علي البنت الحلوة

تحيااااتي لج ..

 

[fsamn]

دع الخلق للخالق

ونعم بالله

تحياااااااااتي لج ..

 

[حكاية شهرزاد]

fsamn

كويتيات رد: من مدونتي .. من بيصدقني باللوك الطبيعي ؟؟​

اقتباس:
المشاركة الأصلية كتبت بواسطة حكاية شهرزاد
هل موضوعج ,, استنكار لما يحدث ؟؟ من تجميل ؟؟​

او مع التجميل ورقي الفتيات في الساحة \؟؟​

مافهمت نقطه هدفج بالموضوع ..​

بس ياعمري ,, البنات خلقت الله ,, والله خلق وفرق ,, واحنا بصفتنا بنات عقل ,, ازدهار غيرنا من البنات ماراح يخرب علينا ولا راح يضايقنا ,, مو علشانا احنا طيبين ,, لا ,, علشان اهما البنات شنو ذنبهم اذا حلوات ,, او اذا عاديات وصاروا احلى ..​

سواء تجميل ولا رياضة ولا اهتمام ولا كشخه ولا وراثة جمال ..​

خل البنات يستانسون .

fsamnرد :​

طبعا انا ضد التجميل بكل اشكاله
هذي العمليات قلبت الدنيا علينا ..اي وحده تبي تتزوج مثلا ما راح احد يصدق جمالها
الطبيعي ..قبل كانوا يخطبون من الاعراس والحفلات ..اليوم ما تلقين وحده تخطب لولدها
من هالاماكن :eh_s(2):
بسبت هالبلاوي الي يسوونها البنات بانفسهم .. والي للاسف خربت علي البنت الحلوة​

تحيااااتي لج ..​

......................................................................................................................................................................

شسالفة يعني ؟؟
اذا البنات اللي مثلج يغارون على جمالهم من الجمال الصناعي
يعني لازم نحترم الجمال الاصلي ؟​

الشيخه بطلي غيرة ,, انتو اللي مثل شخصيتكم هذول موجودين بكثرة ,, اللي كله مايرضون احد يصبغ شعره اشقر لانه هو اشقر ,, مايبون احد خشمه صغير بالتجميل لانه اهما خشموهم صغيرة \..​

ليش الحرة ,,​

ليش ماتطالبين بمووضوع فيه انه شلون البنت الحلوة ماتغار من البنت العادية اللي لين صارت احلى ..​

شكلي انا اللي بنزله علاج نفسي لج ..​

مشكلة غيرة الجميلة لنفسها على عمرها ,, مو مشكلة البنت العادية يا عيوني ,,هذي ارزاق واذواق ونعمة وخير ,, ​

وبعدين الافكار القديمة والترتيبات الاولية اذا اختفت شوي او قله ,, ذنب هالجيل وتغيره ,, ​

وسؤال , شنو ذنب البنت لما تصير حلوة وايد ..؟​

هل لازم تحترم مواصفاتها العاديه علشان ماتخرب على الاصل ..​

هههههه​

والله لو هالافكار تطلع منكم جان نص قلوب البنات على بعض ​

 

[fsamn]

[quote

شسالفة يعني ؟؟
اذا البنات اللي مثلج يغارون على جمالهم من الجمال الصناعي
يعني لازم نحترم الجمال الاصلي ؟​

الشيخه بطلي غيرة ,, انتو اللي مثل شخصيتكم هذول موجودين بكثرة ,, اللي كله مايرضون احد يصبغ شعره اشقر لانه هو اشقر ,, مايبون احد خشمه صغير بالتجميل لانه اهما خشموهم صغيرة \..​

ليش الحرة ,,​

ليش ماتطالبين بمووضوع فيه انه شلون البنت الحلوة ماتغار من البنت العادية اللي لين صارت احلى ..​

شكلي انا اللي بنزله علاج نفسي لج ..​

مشكلة غيرة الجميلة لنفسها على عمرها ,, مو مشكلة البنت العادية يا عيوني ,,هذي ارزاق واذواق ونعمة وخير ,, ​

وبعدين الافكار القديمة والترتيبات الاولية اذا اختفت شوي او قله ,, ذنب هالجيل وتغيره ,, ​

وسؤال , شنو ذنب البنت لما تصير حلوة وايد ..؟​

هل لازم تحترم مواصفاتها العاديه علشان ماتخرب على الاصل ..​

هههههه​

والله لو هالافكار تطلع منكم جان نص قلوب البنات على بعض ​

[/quote]

وين الحرة في كلامي مثل ما تقولين ؟؟

واضح انج جيكرة .. علشان جذي اختلطت عليج المفاهيم

الرزق حق الي تبي تصبغ شعرها خل تصبغه عليها بالعافيه ..

والي بتسوي ريجيم وتشد الترهلات بعده هم عليها بالف عافيه .. هذا رزقهم ..

اما تغيير خلق الله وتكسير خشوم وتفخ ونفخ ونحت هذا معصية واعتراض لامر الله

ولو كان الغش بالاشكال علينا احنا كان فوتناها

لكن خداع هالبنات وصل لازواجهم ..الواحد ما يعرف لون زوجته الاصلي

ولا طول شعرها ..ولا حجم خشمها ولا خدودها ..

 

[حكاية شهرزاد]

اذا انا جيكرة , شدخل جكري بالموضوع .. انا ماجيت اشتكي من جكري ؟

ابوي ,, العمليات والتاتو والوصلات بالشعر والرموش حرررررام ..

بس من الناس اللي يسوون خلهم يسوون ,, ليش مو عاجبج انهم يسكرون عليج ..؟


تفضلي كلامج .. قبل تغير رايج السابق ..

fsamnرد :

طبعا انا ضد التجميل بكل اشكاله
هذي العمليات قلبت الدنيا علينا ..اي وحده تبي تتزوج مثلا ما راح احد يصدق جمالها
الطبيعي ..قبل كانوا يخطبون من الاعراس والحفلات ..اليوم ما تلقين وحده تخطب لولدها
من هالاماكن :eh_s(2):
بسبت هالبلاوي الي يسوونها البنات بانفسهم .. والي للاسف خربت علي البنت الحلوة​

تحيااااتي لج ..​

 

[بقــآيآ جـروح]

الحمدالله والشكر شحآآرج كيفهم كل وآحد بيشيل ذنبه
ومحد ياخذ نصيبج لاتخافين بتنخطبين

 

[fsamn]

اذا انا جيكرة , شدخل جكري بالموضوع .. انا ماجيت اشتكي من جكري ؟

ابوي ,, العمليات والتاتو والوصلات بالشعر والرموش حرررررام ..

بس من الناس اللي يسوون خلهم يسوون ,, ليش مو عاجبج انهم يسكرون عليج ..؟


تفضلي كلامج .. قبل تغير رايج السابق ..

التاتو وتوصيل الشعر والرموش طبعا كله حرام ...

والي يسوونه حراام .. لان في النهايه .. غش ..

انت ما عجبج اني اعترض علي شي غلط ..لانج والله اعلم طايحه فيه

وبعدين انا عند كلامي .. ما لحست منه شي ..تجمل الي تصبغ او تنزل وزنها

مثل تجمل الي تغير بنيتها التحتيه ؟؟ وتجي جدامي بعين قوية تستعرض

واحنا عارفين انه مو شكلها .. والمصيبة انها عارفه بمعرفتنا ..

 

[fsamn]

الحمدالله والشكر شحآآرج كيفهم كل وآحد بيشيل ذنبه
ومحد ياخذ نصيبج لاتخافين بتنخطبين

ماني محتره .. ولاني خايفه علي نصيبي ..انا متزوجه وام عيال ..

لكن مهزلة الاشكال البلاستيكيه لازم تنتهي وراح نكشفها ونفضح صاحباتها ..

هذا اذا كان في هالبنات ذرة من حياء ..

 

[Tom ♥ Jerry]

,



مآ آعتقد في مسلمه مآ تدري آنه عمليات التجميل حرآم > الا اذا في تشويه
و باجي الاشياء هم حرآم ( مثل الحف و الوصل و الرموش )
هاذي أمور كلها حرآم .، و الي يسوونهآ و يدرون آنهآ حرآم هذووول
للآسف بايعين الأخره و يبون الحياه الدنيا فقط .,،

دآم الأمر ( حرآم شرعا ) مآ آعتقد في مجآل للـ نقاش ؛×!

 

[fsamn]

,



مآ آعتقد في مسلمه مآ تدري آنه عمليات التجميل حرآم > الا اذا في تشويه
و باجي الاشياء هم حرآم ( مثل الحف و الوصل و الرموش )
هاذي أمور كلها حرآم .، و الي يسوونهآ و يدرون آنهآ حرآم هذووول
للآسف بايعين الأخره و يبون الحياه الدنيا فقط .,،

دآم الأمر ( حرآم شرعا ) مآ آعتقد في مجآل للـ نقاش ؛×!

المسائل عندهم تعدت حاجز الحلال والحرام

صاروا يتباهون بغشهم .. وكانه رباني .. وبكل ثقه ..

تحياااااااااااتي لج ..

 

[فـــخـــر]

دام حرام ليش حاسدتهم كلها ذنوب ع ظهورهم

 

[ام سعود ديكسون]

أهلين غلاتي مريت مدونتج بعد اذنج و قريت اللي باح فيه عقلج و قلبج
و أسعدتني الأفكار ولو ان البعض يمكن ما يعرف مكنون التدوين blogging
و قد يسي فهمج اذا كنتي صريحة بزيادة

تصدقين قبل فترة هبيت بالعدسات لول و كنت ادور شي يبين طبيعي علي عيوني و لون بشرتي
والحمدلله لاقيت استحسان صديقاتي المقربات لدرجة كانوا يقولون مغيرج جنهم عيونج صج

بس افكار كانت تمر علي بالي عقب هالمديح ما كنت اقدر اقاومها >>> كنت اقول بقلبي الحين اللي عيونها خضر والا زرق كانت تنعرف بس عقب هبة العدسات ما قمنا نعرف ام عيون ملونة من ام عيون عدسات

بس تبين الصج أنا اعتقد ماكو وحدة جيكرة>>> اكو بنت ما تعرف تبرز جمالها
مو عيب ولا حرام لي لبست كورسيه او اسفنج عشان تنخطب بعرس
اعتبره ذكاء اجتماعي منها لان الرجل مخلوق بصري
اول ما يمدحون الحريم جمالها بالعرس بيفز قلبه و بيروح يخطب

و بعدين كيفه اهو يقرر>>> اكو رؤية شرعية ف بعض العوايل
تقبلي مروري خيتو

 

[هيبهہ بدويهہ ••]

*

بالعكس اللي سوت سالفة النفنوف و هالقصه عادي
مالومهااا يمكن عشان رجلها ما تزيغ عينه منيه ولا منيه
ما سوت سالفه ولا حارشت المرا خافت
وكلن عقله براسه
والاصلي عمره ما شابه التقليد

مشكوره

​