من كوالالمبور الى بينانج الأفضل باص أو طيارة ...خبراتكم حبيباتي

[أم حمني المزيون]

شنو الأفضل منهم ؟؟؟وشنو مزايا وعيوب كل منهم.....؟؟
بانتظاركم خواتي:tek:

 

[miss-pink]

اذا قصدج جزيرة بيينج الافضل الطيارة

 

[May81]

انا رحت بالطياره ... لكن اعتقد سياره احسن عشان تشوفين المناظر وتمشين

وين قررتي تسكنين؟

 

[أم حمني المزيون]

وايد قالولي بالباص أحسن المناظر وااايد حلوة
وقالوا لي ان روحة المطار والنطرة واستلام الجناط تاخذ وقت يمكن نفس وقت الباص
بس والله مترددة ليلحين ومعاي عيالي فما أدري شنو الأحسن؟
ماي 81 ...شوفي أمس رحت السفريات رشحلي فندق البارادايس..بس توني قريت عنه انه بعيد عن السوق الليلي ويقولون مكانه كئيب!!!عندج خبرة شنو الفندق الأفضل ويكون سعره زين؟؟

 

[keeka]

والله افضل الطياره خصوصا الطريج 4 ساعات مو شويه ومادري الشي راجع لج

 

[لبيه]

طياره احسن السياره تتعب وباصاتهم تكسر الضهر انا رحت مع جروبات هديناهم وحجزنا على حسابنا طياره تخيلي اهما طلعوا من الصبح واحنا قعدنا نتمشى والمغرب طرنا وصلنا هناك قبلهم بساعتين احنا رحلتنا نص ساعه واهما تعبوا حيل من السياره حط فلوسك بالشمس واقعد بالضلال

 

[dan]

امممم انا رحت اباص بس عشان تستغليين الوقت يمكن الطياره افضل و اذا اعيالج صغار بتمللون بالباص و بنامون

 

[طم طم]

طياره أفضل لج وأحسن سوى مثلى أحجزى تذاكر الطياره
من مجمع سوريا بـ كوالالمبور ارخص لج من مكتب السفريات بالكويت

 

[ArEEj]

الطياره افضل اكيد
بالنسبة للفنادق
هوليدي ان - بارك رويال - باي فيو بيتش
كلهم على البحر مباااااااشرة

 

[أم صالح]

من رايي الطياره لانه 4 ساعات لو بروحكم بسيارتكم يمكن تستانسون وتاخذون راحتكم واليهال يلهون بس باص معاكم ناس وحنه ويهال ويبون حمام ملل فكي روحج نص ساعه بالطياره وحجزوا من هناك من مكاتب السياحه والرحلات ارخص

 

[ورده فوشيه]

انا خذيت طيران داخلي الطيران الماليزي وتقدرين تاخذين تكسي بينهم جسر

 

[تشتوشا]

حبيبتي بالطيارة وايد اريح بس الي راحو بالباص اقولون ماملينه من الدرب كلش علشان المناظر وايد حلوة .

 

[أم حمني المزيون]

وردة فوشية وتشتوشا وين حجزتوا؟ ..من السفريات اهنيه والا هناك واذا هناك أخاف ما يمدينا نلقى حجز لأن أول شي بنقعد سيلانجور يومين بس وبعدها بينانج يمدي نحجز بهاليومين؟؟ ووين نحجز؟

 

[Samurai]

الطياره افضل.. الطريق متعب خصوصا للأطفال .. حجزي طيران أسيا أو Fireflyz أرخص طيران داخلي ..

وأفضل فندق .. فندق شانقرلا القولدن ساندس .. فندق نظيف وممتع للأطفال ! وعنده كل شي السوق الليلي الالعاب المائيه حمامات السباحه الخاصه للأطفال وفعاليات خاصه للأطفال بعد ..

 

[أم حمني المزيون]

ياحلو ردودكم السريعة خواتي تسلموووووووون...
آنا مقتنعة بالطيارة بس ناس رددوني...
شوركم وهداية الله.....

 

[قهوة عربية]

لا والله حبيبتي ....بالسيارة وااااايد أمتع .....أصلا ماتحسين بالوقت

صج أربع ساعات بس ممتعة ممتعة

والمناظر الخلابة والجو الحلو

انتي لا تروحين بباص ....أجري فان أو سيارة كبيرة وسايق خاص

الفندق اللي تكونين فيه بكوالالمبور يحجز لج السيارة والسايق

وتكونون على راحتكم انتي وعايلتج وماترتبطون بأحد يضايقكم وعلى كيفكم

نصيحة نصيحة روحي بالسيارة

 

[ArEEj]

تقدرين تحجزين طيران داخلى بنفسج
على موقع اسيا اير بالانترنت
انا سويتها السنة اللى فاتت
وارخص بواجد من هناك
هذا موقعهم
http://www.airasia.com/site/my/en/home.jsp

 

[banota]

انا من رايي تروحين بالطيارة اريح من الباص

 

[malekatsabaa]

انا رحت كل المناطق بالطياره وما كان فيه اي تازم..
وحجزت من هناك اول ما وصلنا مطارkl حجزنا كل الطيران الداخلي الي نحتاجه ..
واعتقد الفرق بالسعر مو كبير..
بس بصراحه تر المنطقه ابكبرها ماتسوى ومافيها شي مميز..
الله يسهل ادروبج!!

 

[remoo_007]

انا اشوف طياره احسن