من كثر ما جابلت الدياي قمت افهم لغتهم !!!!!

[كوكب الدرر]

الكلام اللي مكتوب بالعنوان صحيح ما اقصد فيه شد الانتباه فقط

كل صوت يصدر من الدياي له معنى يختلف عن الثاني

وانا اذا سمعت صوتهم وانا بعيدة عنهم اعرف اشفيهم

يعني مثلا :

إذا صدر منهم صوت هادي ومتقطع يعني شافوا أكل وقاموا ينادون بعض


وإذا صدر منهم صوت صرخات قوية وحدة ورا الثانية معناته إنهم

خايفين من إنسان أو حيوان هاجم عليهم


وإذا الدياية طلعت صوت متواصل وفيه شوية حدة معناته قاعدة تحذر

كتاكيتها من شي خطر مثل اقتراب انسان وفي نفس الوقت تخوف الشخص المقترب منهم


ولما يصرخون كلهم مع بعض والديج معاهم يعني وحدة منهم

باضت وتلقينهم يشيلون الدنيا شيل بصراخهم جنهم قاعدين يعبرون عن فرحهم ويسوون

إعلان علشان الكل يدري


ولما يصدر من الدياية ونين ضعيف مثل الصفير فهذي الدياية مريضة


وإذا طلع منهم أصوات فوضوية مزعجة يعني إنهم قاعدين يتهاوشون وصار

بينهم طق مطاقق


والشي العجيب الصوت اللي يصدر من الديج لما أحد يعطس يمه

أول ما يسمع العطسة يصدر صوت قوي في بدايته وبعدين ينخفض شوي شوي

لحد ما ينقطع كأنه يقول له يرحمك الله

ومرات يصدر منه نفس هالصوت لما يسمع صوت قوي مثل صفعة الباب أو سقوط

شي ثقيل على الأرض


مراقبة الحيوانات فيها متعة ولما يتعودون عليج تستانسين عليهم اكثر وأكثر


ولي معاكم رجعة ثانية علشان اقول لكم شلون الديج يحترم دياياته


&&&&&&&&&&&&&&&&&

 

[موزة ام فارس]

ما شاء الله عليج

وسبحان الله حتى الأصوات لها دلالة عند الحيوانات


مشكووورة حبيبتي

 

[رمانه كويتيه]

واى غرامى الدياى عندى منهم بالحوش احسهم بركه فى البيت

 

[B.AlShakhs]

mashalah 3alaich wayid jabaltay deyay

 

[كوكب الدرر]

موزة ام فارس

تسلمين اختي

طبعا كل الحيوانات لها لغة خاصة فيها

وهذا مذكور بالقرآن

والنبي سليمان عليه السلام كان يسمعهم ويخاطبهم


خوخه كويتيه

فعلا الدياي والحيوانات الأليفة بركة بالبيت

ويقولون إن الحيوان اللي بالبيت إذا مات أو مرض معناته إنه شال بلاء كان بينزل بأصحاب البيت

سبحان الله


B.AlShakhs

وجود الحيوانات بالبيت متعة كل ما ضاق خلقي رحت قعدت قبال الدياي أوكلهم أو أطلعهم

من القفص أخليهم يتمشون بالحوش أو أنظف قفصهم ،،، يعني تسلية

ومشكورين خواتي على المرور

 

[خليج***]

وااااي وناسة انا كانت عندي دياية اول مايناها كانت صغيرة لونها وردي طبعا صبغ,,
مع الايام كبرت جان بالاخير كليناها

 

[M!SS CHARISMA]

وااااي وناسة انا كانت عندي دياية اول مايناها كانت صغيرة لونها وردي طبعا صبغ,,
مع الايام كبرت جان بالاخير كليناها

لووووووووووووووووول متوحشين حدكم والله ضحكتيني:dddds:

سبحان الله صج لكل حيوان لغه وتسبيح بالله خاص:tek:

 

[AmOoNa-]

يحليلهم وصج شي حلوو انج جابلتيهم وفهمتي لغتهم ونفس الشي انا وقطوي لمه يبي اكل يطلع صوت مختلف عن لمه يبي يتدلع وكل الحيوانات جذي لها اصوات معينه تطلعها عشان توصل المعلومه حق اللي حواليها بس مادري ليش نص الناس ماتصدق هالشي

 

[وردة-الكويت]

ذكرتيني بأرانبي كانو مونسيني وفهم لهم عدل مدل


شكلي برد اشتري

 

[digital]

سبحان الله

ذكرتينى بديج عندنا امي كانت تسميه ابو النار ههههه كان كبيييير و يخرررع

 

[lojeeen]

هههههههههههههههه إي والله صاجه مره امي عطتني مثل هل ترجمه و لما جابلتهم و قارنت لقيت صج لكل صوت يطلعونه له معنى

يعطيج العافيه على الموضوع الشيق و الدياي صج يحفظ النعمه

 

[جوجو.]

هههههههههههههههه
مشكوره عالمعلومات الحلوه

 

[Ocean]

سبحان الله
يعطيج العافيه

 

[Stay alive]

سبحان الله

وماشاء الله عليج .. ربي يحفظج من الحسد

ويبارك لج فيهم ..
خوش معلومات وفعلا صحيحه اعرف منهم جم وحده اللي اهي البيض ولما يلاقون اكل خصوصا الديج اهو اللي يطلع الصوت اكثر جنه قاعد ينادي الدياي لهالاكل (يعزمهم يعني .. مو اهو راعي البيت وكلمته المسموعه لووول )

 

[sHa6o0ra]

هههههههههههههههههه احلى شي الولاده (البيض)

ناطرين البارت الثاني

 

[kikoo]

وناسه يا حليلج عاد أنا أكثر شي احبه لمن اوكلهم ايضحكون ولمن وحده اتبوق شي وتنحاش والباجي وراها

 

[Little_Queen]

انزين بما انج خبيرة دياي

انا عندي ديايتين و ديج ... ليلحين الديج ما يأذن .. ولا الدياي يبيضون !!


شساااالفة ؟؟؟؟ الظاهر ديجنا بوذي !!


و دياياتنا ليش ما يبيضون ؟؟؟؟ اخاف الديج بس عادهم حسبة خواته !؟!؟!؟؟!

 

[مس باتشي]

سبحان الله

 

[الأمل الوقاد]

ماشاء الله عليج

 

[ام حسوني@@]

مشكورة حبيبتي عالموضوع