من قضت اذن بنتها وهيا ام سنة وزود؟؟

[طيبة83]

هلا بنات اشلونكم

ان سلمكم الله للحين ما قضيت اذن بنتي :eh_s(11): مع انها كملت السنه

لانها وايد مدلله وانا كنت وايد اخاااف عليها

والحين كبرت وصارت تفطن

واهيا شوي عسره

اذا انلبسها جوتي اتسحبه واذا نلبسها باند تشيلها ونفس الشي الذهب ما تحب كله تسحبه

بس مرات نغفلها وتنسى

اخاف اقض اذونها الحين

يمكن تسحب التراجي وتصيح عليي

ويمكن تغفل وما تلعب فيهم

من منكم قضت اذن بنتها وهي فوق السنة ؟؟؟؟؟؟؟؟؟

وهل عادي يتعودون على التراجي ولا يقعدون يسحبونها؟؟؟؟؟؟؟

 

[شادن33]

فديتها
بناتي على ست اشهووور من الوناسه اركض فيهم اقض اذنهم بسرعه
ولاتحاتين طيبه اشوي وتنسي بس لاتنسين اتحطين لها زيت زيتون عقب مايقضون اذنها
عشان لايلتهب ويصك الجرح بسرعه

 

[om_3azoz]

انا بنتي قضيت اذنها 39 يوم ههه قبل لا اطلع من النفاس بيوم بس بجت وقت اللي قضو اذونها بعجين عادي

انتي لاتحاتين وديها في مخدر قوليلهم يحطونه لها وبس شوي بتبجي بعدين عادي

 

[طيبة83]

هلا والله شادن الله يحفظ البنات

والله مادري ابها اخاف تستعسر

ام عزوز والله زين سويتي الصغير ما يحس فيها

والله شجعتوني شكلي بتوكل على الله وبقضها

بس يخوفي تسحبها

 

[c a t w o m a n]

انا بنتي بالنفاس قظيت أذنها عشان لا تأذيني


تأقلمت عليهم الحين راح تأذيج تسحبهم وبالنومة تحس فيهم

بس حاولي تلهينها انشالله ما تأذيج


لكن توقعي بالبداية تشلعهم ما تبيهم

 

[ذروة حلا]

انا بالنفاس وعاااااااااااااادي ههههههههههههههه

 

[طيبة83]

مشكورين بنات

شكلي هونت خلاص بروحها ماا تنام عدل في الليل مب ناقصه سهر

 

[ايمانو حلوة]

4 شهور قضيت اذنها

ليش ماقضيتيهم وهي صغيييرة احسن الحين كبرت وتفهم للالم مو بيبي ماكو حل الا لمن تكبر تصير بالابتدائي او الروضة

 

[طيبة83]

بناااااات

ابي اقض اذونها وخايفه

الحين عمرها سنتين

اشرايكم

 

[ناتشوو]

الله يحفظها
انا بنتي٣ مرات
اقضهم
تضيع التراجي
وانسى
وبعدين لي قرب العيد او مناسبة اروح
واقض
ومرة ثانية
تنقط
بس ترى صعبة طلعتهم
مالوت الصيدلية
بس مايعور لدرجة تبچي بالليل
ربع ساعه وتنسى
انشاءالله

 

[PuPa^^SWeeT]

انا للحين اقض باذونهم




بس عادي تبجي شوي و تنسي



وعادي الاذن سحبتها اتعور


ما اعتقد بتحمل تسحبها

 

[طيبة83]

طمنتوني الله يطمن قلبكم

انا خايفه اكثر منها

 

[تمني]

انا كمان خرمت لبناتي بعد اسبوعين من الولاده عادي

بس اهم شي تعصري المسحه الطبيه على الخرم كل يوم وتحركه الحلق