من قالتة الهام الفضالة وانا بس افكر,افكر,افكر !!

[Muslimh]

السلام عليكم
اخباركم بنات
خواتي كويتيات محتاجة فزعتكم

بنات وش هو ال نجلز ,او نكلز ,او نشلز مدري كيف تنطقون الكاف
انا سعودية وشفت مسلسل زوارة الخميس
يوم الهام بالسينما تقول اكلت نجلز لين طلع من حلقي مدري وشهو
بس اشتهيتةالله يعافيكم
وشهو وياليت صورتة
بليز
وابي اعرف وش هو النخي شيقالة بالسعودي ههههههههه لاتلوموني ماعرفة
وياليت صورتة فديتكم
بالانتضار:eh_s(22):

 

[زمردة الكويت]

اييييي الناااشووز ههههههههه قاعده ساااعه افكر يااربي شنو شنو و قاعده اتذكر بالسنما شنو ناكل خخخخخخخخ


اهو عباره عن شرائح ناشوز تلقينه بالسوبر ماركت عندكم او الجمعيه يكون مع البطاط و البفك و هالسوالف

و في جبن خاص بالناشوز تلقينه صوب الاجبان او جبنة الشيدر السائله اللي تنحط مع البطاطه المشويه بعد اذا تعرفينها

و فلفل هلبينو اذا تحبين و بس تغمسين الناشوز بالجبنه و همممممم خخخخخخخ

و هذي صوره بطريقه ثانيه

المقادير:
شرائح ناشوز
جبن موزريلا مبشور

جبن شيدر مبشور
صلصة بيتزا
فلفل حار مخلل، شرائح دائرية

الطريقة:
تصف شرائح الناشوز في طبق التقديم، تمسح بقليل من صلصة البيتزا وتغطى بنوعي الجبنة ثم توضع شريحة فلفل.
تدخل في فرن ساخن حتى تذوب الجبنة ثم تقدم في الحال بالهناء والعافيه


ايي و في سؤال ثاني توني اشوفه ههه

النخي اهو الحمص الحب بعد ما ينطبخ طبعا مع فلفل احمر حار

عاد تدرين و احنا راجعين من الحج مع الحمله الله يااا الحج و احنا رادين الديره و قفنا و شفنا واحد يبيع نخي وحااط فوقه كموون بعد ههههه

و هذي صورته

وان شاء الله اكووون افدتج هههههه

 

[غــ q6r ـلا]

في السينما كانت تاكل ناتشور

والنخي =حمص

 

[vanilla-D]

رد : من قالتة الهام الفضالة وانا بس افكر,افكر,افكر !!

الناتجووز هذا بطاط شيبس مع جبن و فلفل
و النخي حبات الحمص مسلوقه تنوكل مع مايها بالعراقي يسمونه لبلبي بالسعودي مادري شنو

 

[النواره]

عليكم السـلام

اتوقع تقصد الناتشوز .. والا؟؟
اللي هو مثل دوريتوس .. المكسيكي ..

أما النخي فهو الحمص ..

 

[روح مغليهآ]

رد : من قالتة الهام الفضالة وانا بس افكر,افكر,افكر !!

الحين وقتا اتشهوونا بالناتشوووز :$

 

[Muslimh]

بنات للحين مافهمت الله يخليكم حطوا صورتة وشهو الناشلز ابي اعرفة حالي او مالح يارررررررررربي اشتهيتة اكثر

والنخي عرفتة حنا نسمية بليلة

 

[Muslimh]

بنات هذا اللي قالتة الهام قولولي تكفون والا غير هذا من بحث قوقل

 

[Muslimh]

الف شكر للحلوات اللي ردو الله يوفقكم وبنتضاار الباقين

 

[دموع تائهه]

اي هذا الناتشوز وفي بعد نكهات عليج بالعافيه
والله شهيتيني

 

[حبيبته]

يب هذا الناتشووز ..
هههههه من رمضان وانتي تفكرين ياحياتي انتي هههههههههه

 

[Muslimh]

هههههههههههههههه شفتي الغباء خخخخخخخخخخ شدراني طيب تحطون معة جبة سايلة اسها ناتشوز اولا باليسينما

 

[مطيريه ماركه]

رد : من قالتة الهام الفضالة وانا بس افكر,افكر,افكر !!



هههههههههههههههههههههههههههههه

شكلج بطة مآشغلج آلآ آلآكل

فديتج
:krkrkr:

آتوقع آتضحت آلرؤيآآآ

 

[(المباركيه)]

الصورة الي حطيتيها اهو بطاط الناتشوز ويغمسونه بجبنة تشدر سائله تلاقينها بالسوبر ماركت وبعد يظيفوله فلفل حار مخللينه ومقطع شرائح وبعد ينباع بالسوبر ماركت وبالسينما ياقلبي ينباع بعلبه وعلى طرف محطوط فيها الفلفل والجبنه السائله وبس.

 

[๓ίşś зśŏłả..!]

رد : من قالتة الهام الفضالة وانا بس افكر,افكر,افكر !!

البنات ما قصروو
واي كله منج اشتهيت ناتشوز

 

[جارة القمر]

رد : من قالتة الهام الفضالة وانا بس افكر,افكر,افكر !!

تفضلي طلبك

http://www.q8yat.net/showthread.php?t=425902


http://www.q8yat.net/showthread.php?t=248770


http://www.q8yat.net/showthread.php?t=123698




ماشاء الله العضوات ما قصروا






النخي


http://www.q8yat.net/showthread.php?t=562952

 

[jod.q8]

رد : من قالتة الهام الفضالة وانا بس افكر,افكر,افكر !!

ما قصروا بالبنات بس هذا صورته و مال السينما بعد

 

[اسماء العتيبي]

رد : من قالتة الهام الفضالة وانا بس افكر,افكر,افكر !!

ياعمري

كان سآلتيني انا عندتس بالرياض قريب خخخخخخ

ناتشوز .. ممكن تشرينه جاهز بريال او الكيسه الكبيره 7 ريال من هايبر بنده وجيان وتقريبا كل البقالات والسوبر ماركتات

وممكن تشرينه مجمد وتزيننه بالبيت

سواء بالفرن او شوي او مقلي .. ولذييييييييييييذ مع الجبن السايل وانا افضل جبن المراعي الزرقاا اللي بالكاس عجيييييبه ..

 

[اووريو]

رد : من قالتة الهام الفضالة وانا بس افكر,افكر,افكر !!

ما شاء الله ما قصرتوا

 

[Muslimh]

ياعمري كلكم ماقصرتوا كفيتوا ووفيتي

وموب غريب على الكويتيات كلهم ذررررررررابة

اسماء ياقلبي والله مااعرفة والا كان ماسالت هههههههههههههه شعرفني

ومشكووووووووووووورريين