من فيكم زار ( جنيف ) أو أحد ضواحيها

[نـــدى]

أهلين بنات


عندي استفسار


ماأدري محتارة أول مره أسافر دولة أوربية

بنروح سويسرا جنيف من فيكم تعطيني معلومات من كل النواحي
جوهم شهر 3 و 4 وطبيعتهم وشعبهم وأسواقهم يعني أي معلومة تعرفونها لاتبخلون علي فيها


مو شرط جنيف اللي يعرف عن جنيف أو انتر لاكن أو مجيف أو مونترو أو بيرن أو غيرهم من مدن سويسرا


بنتظاركم ​

 

[omjasim]

شهر 3 او 4 يمكن برد ومطر وباقى المناطق اتوقع مغطيه بالثلوج وجنيف مدينه عاديه مو وااو يعنى بس سوق وبحيره وحلوه المغربيه عقب التجوال في المناطق السياحيه الجبليه بقربهن لزان وفيفى و ومونترو ووايد اماكن لما تروحي الفندق يعطيك بروشور للاماكن السياحيه
اما الشعب فهو ودود ولطيف جدا والاسواق نار والبنزين نار اذا بتأجرون سياره خاصه
دمتم سالمين

 

[ظلال القرآن]

موعدج مو شي اكيد برد حيل
بس جنيف مو ونيسه عندج مونترو ونيسه وانتر لكن عجيبه اغلب الرحلات تنطلق منها

 

[مبدعة]

جنيف لا تضيعين وقتج فيها لانها كلش ما تسوى

انترلاكن حلوة

و لوزان و لوزيرن و مونترو

طبعا الديره غاليه حيل و تقدرين تستفيدين من الفندق بخصوص الرحلات

 

[مضيعة برقعها]

حبوبة تروحين وترجعين بسلامة ان شاء الله عفيا ادعيلنا نلحقج

 

[بنفسجية]

الجو بهالفترة راح يكون بارد اكيد
بس الشوارع ماتكون مغطية ثلوج لا
تيي على فترات مقطعه نفس عواصف ..
و جنيف صراحة انا اعشها
حلوة و هادية و الساعه 7 كل شي يسكر
تكلمين باجي يومج بالقهاوي عالبحيرة ،
و السوق فيها شارع طويل بعد البحيرة
في كل المحلات و البوتيكات
اما لوزان ، هم منطقة حلوة
جبل و فيه بحيرة و سوق
وسوقها صاير طلعات و نزلات
و دواعيس و سكيك ما يخلص ..
اغلب المدن السويسرية جذي ..
انترلاكن ، منطقة سياحية من الدرجة الاولى
ما يعتبر فيها سوق كثر مافيها نشاطات
تركبين باراشوت ، قوارب سريعة بالبحيرة
بنجي جامب و جذي اكشنات .
مجيف ، فرنسية! بس رووووووووووووعة
نصيحة روحيلها يوم الاحد
لان بهاليوم كل شي يكون مسكر
بس هالمنطقة تفتح
اهيا عالجبل و فيها قهاوي وااايد
بس قبل ماتروحين تاكدي ان مافيها ثلج ..
وبعد شنو ؟؟ هممممم
المناطق السويسرية الحلوة
لوزيرن و مونترو و لوجانوا كلهم حلوين ..
عموما ، اغلب المناطق بحيرة وقهاوي و سوق ..
وكلهم حلوين ..

 

[فرنسا]

شوفي جنيف تونس بس مو مال تطولين فيها ,,فيها السوق كلة يم بعض يعني سالي عن السنتر وبس تلقينة وحديقة الزهور حلوة وفي قلعة مشهورة سالي الفندق عنها وايد تونس ,وفي رحلة لشلالات تروميل باخ حدها روعة روعة وبعد في شلال غيرة بس رحلة ثانية اسمة شافهوزن وهذا اكبر شلال باوربا
بالنسبة لمونترو تونس تتمشين عالبحيرة وحدها يومين لانها هادية
انتر لاكن عطوها اكبر من حجمها ......انا احس يوم وايد عليها بس تري مناطق سويسرا الي يزنس فيها انها قريبة وتقدرين كل يوم تروحين منطقة ولا مكان
روحي مصنع الجبن في منطقةبيرن فوق لوزان والمصنع حدة مشهور اسمة غريير (ميزون فرماج )يعني بيت الجبن والمصنع يونس و وقت الصنع من 9الى11 الفترة الثانية من 12ونص الى 2ونص وبعد المصنع صعدي الجبل للقلعة تونس تصل على حديقة وايد حلوة والقعدة حلوة فيها وفيها متحف
وعندج مصنع نستلة كايلير في منطقة بروك بس دير ي بالج ترى في قديم وجديد والقديم مسكر وسالي الفندق عن اوقات الدوام لان في ايام عطل عندههم
عندج لوزان تبعد ساعة تقريبا عن جنيف حلوة هالمنطقة وفيها زوو للاطفال وفيها متحف اولمبي قديم
وتقدرين من جنيف تطلعين على منطقة انسي الفرنسية ابية هذي حدها خيال روعة شوية عليها وبعد روحي من هالمنطقة لمنطقة الشومونية حدها مشهورة وهي بجبال الالب وصعدي قمة المونت بلانك هناك

 

[نـــدى]

مشكوريــــــــن ماقصرتو


عندي استفسار ثاني ولو أني ازعجتكم


الحين لو ألبس عباتي وأتنقب ممكن يضرني أحد ؟
أو يتعرض لي؟

لأنهم مسيح يعني أكيد في عداوة اذا عرفوا اني مسلمة واشارة النقاب تدل على الاسلام

أبي نصيحتكم للي زار سويسرا كيف يعاملون المسلمين ؟ وممكن يضروني لو كنت منقبة ؟
ولو ماتنقبت مثلا شو نوعية اللبس اللي مايبين هويتي << حدها مرعوبة

 

[omjasim]

حبيبتى ندى : انتى رايحه دول متحضرة ومالهم شغل باحد يعنى مفصخه او مستره ما يلتفتون لك . ولا يخزون بس عندهم كل مكان له لبسه اللى يناسبه يعنى ماشيه بمنتزه او سوق بكامل لبسك ما لهم شغل فيك بس تروحين شواطئ وليل وقهاوى نص الليل لا ما يرضون وراح يخزونك ليمن تطلعين وانا ما جربت الحمدلله حدى عشر انا بالفندق وما جربت اطلع لكازينوهات الفندق ولا مره والله اختى احنا انطالع الخليجيات ونخزهم واهما ما يطالعونهم ابد ولا يتمسخرون مثل الحجيات الاماراتيات اللى يلبسون البطوره (البرقع الذهبى ) انا اول مره اشوفه على وحده شفته باوربا هناك واهما الاجانب ما يتلفتون ولا يلمزون بصراحه محترمين جدا جدا

 

[Queen66]

حبوبه جنيف كلش ماتسوى يعني يومين كافي عليها بس تقدرين تكون اقامتج فيها والباقي تروحين المناطق اللي يمها وتردين بنفس اليوم
عندج يوم روحي لوزان فيها سوق
ويوم مونترو عجيييبه قعدتها على البحيره موطبيعيه ولازم تروحين المطعم الايراني على البحيره
وعندج يوم حق الشمونيه منطقه ثلجيه
ويوم انترلاكن احس كافي على يوم تروحين وتردين
وبيرن بعد اذا قدرتي فيها سوق كبير
وبالنسبه حق النقاب حبيبتي عااادي جداا اهناك محد له شغل باحد
واذا عندج اي سؤال انا حاظره

 

[سيدة الكون]

انا لما كنت بجنيف
ما قعد فيها اللي اليوم الاخير بس علشان نتسوق
والشارع اللي فيها الاسواق هو شارع مارشيه

يعنى انا سكنت فندق بريستول وهو مكان جدا حيوى قريب من كل شى
حتى المكتب اللي فيه شركه كى تورز للسياحه ياخذونج من الصبح حتى الساعه 8 ونصف ليلا
وبعض الرحلات مدتها 5 ساعات مو بعيد عن فندق بريستول ويكون مكانه خلف الفندق

رحلاتهم حيل حلوه ياخذونج الى قشتاد وشامونى ومدينه انسى ولوزان ورحله الشكولا ....... والخ
واخر الكلام انا استمتعت برحلات اللي كانت تاخذنا شركه كى تورز لان كل يوم نكتشف مكان حلو بسويسرا