من عندها خدامة اثيوبيه تساعدني

[سموالاميره]

بنات انا تعقدت من الخدم والحين بجرب الاثيوبيات وكل اجمع انهم مو شي كلللللللش بس بالمانه اللي عندها وماشيه معاها تنصحني

شلون معاملتج معاها ومعاملتها معاج

شنو تشتغل بالبيت

حنونه مع الاطفال ولا لا


يعني عطوني اللي تقدرون عليييييييه الله يوفقكم بالدنيا والاخره

 

[الـــ غ ـــلا]

انا عندي خدامة اثيوبية اول مرة تشتغل صار لها سنة عندي جايبتها حق ولدي بصراحة روعة مؤدبة وعاقلة وذكية احسن من السيلانية اللي عندي . عيبها الوحيد انها ساعات تطنقر. بس انا اقولج انا طبعي اشتغل في البيت مع ان عندي خدامتين يعني اغسل ملابسي وانظف غرفتي وحمامي ووانا اللي اباشر عيالي احممهم وابدلهم والله حتى الظهر ارجع من الدوام امسك الصغير واخليها تروح تنام فيمكن عشان جذي اهيا ارتاحت معاي وانا بعدارتحت ومفكرة اذا راحت السيلانية اجيب اثيوبية والله كريم .
هذة تجربتي وان شاء الله تستفيدين منها والله يوفقج بخدامة زينة .

 

[المهفة]

انا عندى اثيوبية صار لها سنة وايد ارتحت معاها وجبت ثانية لها 5 شهور والحين بجيب ثالثة لان البيت كبير .وشوفى قبل عندى فلبينيتين وشايلين البيت بس بالنسبة للاثيوبيات احتاج ثلاث يسوون شغل فلبينيتين فهمتينى ؟
للامانة اهم وايد ثقة ولا زالوا مو متكيفين مع الخدمة يعنى عندهم عزة نفس . مايبون تصرخين عليهم ولا تهينينهم ولا تتامرين .يعنى شغل السيلانيات طاف .اذا حسوا انج تعاملينهم باحترام صدقينى تكسبينهم ويصيرون لج اللى تبين .كفاية مالهم حس ولا يبوقون ولا يخزون وحتى الفقارى منهم تحسين شايفين خير .توكلى على اللّة .ترى واللّة هالجنسية روعة للى يعرف لهم .

 

[اتعبنى جمالي]

انا عندي ثنتين لله الحمد تمام..ابرك من السيلانيات بوايد..نظافه وترتيب وامانه بس فيهم مرات فصله وانتي طوفي بس اهم شي تعاملينهم باحترام وتقدير..والله يوفقج باللي تريحج

 

[حبيبة بوحسون]

اللي مدحوا الاثيوبيات شنو ديانتهم لأني انا باطلب بعد ومتردده بين المسلمة والمسيحية

 

[حبيبة بوحسون]

Up:yaaaaaarb::yaaaaaarb:

 

[ام متلق]

انا عندي اثيوبيه تهبل بصراحه وتشتغل بضمير بس لاتزفينها لاتعصبين وبينيلها غلطها او نبهيها بطريقه ذربه بدون عصبيه لانهم مايمشون بالعين الحمرا عندهم عزة نفس مو طبيعيه عكس السيلانيات كل مازفيتيها صارت احسن

 

[Xtina]

اي صح انا اتفق مع البنات اللي يقولون عند الاثيوبيات عزة نفس
حيل يطنقرون اذا زفتيهم صرت اخاف اهاوشها تخزني تفشلني
قمت اعاملها بالنصيحه واضحك عقب بويهها
بس شغيلاااااااااات ونظيفااااااااات ويسوون الشي من غير ما تقولين لها بالعربي فاهمة شغلها
وماعندها سوالف كيري ميري يايه لهدف الشغل وبس مو مثل باجي الخدم يموتون ع القرقة والسوالف
ونصيحة دايم تشري لها اذا رحتي للسوق اي شي لو بسيط
تشيلج وتشيل بيتج وعيالج ع راسها هههههههه يهبلون ويريحون ماتعطيني مجال اساعدها

 

[Xtina]

انا اللي عندي مسيحية بس فيه وايد منهم مسلمات اذا تبين
واللي عندي ما تلمس القرآن او تشيله اذا عليها الدورة اقولها اشدراج تقول صديقتي مسلمة قالت لي

 

[غرشة عطر]

الحمدلله عندي اثيوبيه جايبتها يوم اني حامل في بنتي يعني ابيها لبنتي وحتي ماتعرف عربي جديده بقراطيسها علي قولتهم وتعلمت وتموت في بنتي وياويل اللي يطق بنتي تعصب عليه وتحن عليها وتخاف عليها حتي اذا غسلتها تركض تسكر المكيف وبنتي الحين عمرها سنه تموت فيهاا وتضحك لي شافتها وتمد ايدها لها واثيوبيتي بشوشه بس ماتحب اللي يهاوشها خبرج الجهال يزفون ويحذفون بس انا وياها طيبه لابعد الحدود وهدايا ولا اقولها ولاشي ولا اعصب عليها بس مرات اذا ابي انبهها اعصب عليها احس تطنقر عقب تنسي يعني مايحبون تهاوشين بطريقه مباشره يعني علي ضحك ههههههههه ولاراعية بيبان مثل الاندونيسيات والسيلانيات ولاتحب توقف بره ولاسوالف بطاليه تكرررف ولي جا الليل حطت راسها ونامت
ومسلمه من العاصمه اديس بابا ومثقفه نصيحه جيبي من العاصمه شايفين خير ونظاااااااااااااااااااااااااااااااااااااااااااااااااف ماتدش بدون نعول للحمام مثل الخايسات الهنديات وتاكل عالطاوله بالمطبخ ذربات
مايحتاج اقولها شي او ازفها قايمه بشغلها وزياده وضغط عليها البيت دورين وبعدين اهي تنظف وتكوي وتخم يعني مو24 ساعه مع بنتي الا اذا كنت طالعه تاخذها او اكون مداومه بس مرات بالبيت يكون عندي شغل تمسكها وعارفه لها عددددل لاني مدربتها علي بنتي صراحه تنظيفها من قلب وكويها للملابس روعه واقول لزوجي الله يعيني لي راحت فلانه شايله البيت شيل والاندونيسيه يادوبك للطباخ وبارده بس شنقول غير الله يخليهم لنا ياربي من غيرهم الواحد مايعيش لوووووووووووووووووووول والحين امسك مجنونك لان ارمضان جاي والناس تدور مافي
توكلي علي الله واطلبي تراهم فظيعات وشقرديات وحركات حيلل واهم شي المعامله مع الخدم لان اللي معاملتها موزينه مع الخدم تخاف تجيب خاف يقلبون عليها الناس تبي اللي يرحمها ارحموا من في الارض يرحمكم من في السماء

 

[om.saloom]

والله صراااحه يهبلوون انا لها شهر عندي مشالله بس ما طنقرت ليلحين الحمدالله لان انا بس تنظيف و بعلمها علي الطباخ و مشالله بسرررعه يتعلمون الشغل و عربي و نظاااف ما ادري ليش دايما يذمونهم انا نص اهلي عنهده من هالجنسيه بالعكس نظااااافه و ترتيييب
الله يوفقج حبيبتي و انا من رايي المسيحيه احسن انظف مادري و اذرب و برمضان حزة الفطور ما تقيدج اذا تمسك ياهل او شي عرفتي
موفقه

 

[daleda]

اختاريها من اديس ابابا وتكون متعلمه ومسلمه جربتها ونفس ماقالوا البنات اخلاق ونظافه وفعلا مزاجها متقلب بس ماتضر وعامليها باحترام وراح تريحج

 

[مواهب متعدده]

انا عندى وتهبل

 

[سموالاميره]

واااااااااااو

ريحتوني الله يوفقكم ويوسعلكم بالدنيا والاخره

 

[*ماي الورد*]

عندهم عزة نفس و شايفين خير هذي ملاحظتي عليهم وهذا موعيب فيهم بالعكس ميزة
راح تعرفين ليش ميزة لمن اتييبين اثيوبية

 

[التائبه لخالقها]

انا اللي عندي مسيحية بس فيه وايد منهم مسلمات اذا تبين
واللي عندي ما تلمس القرآن او تشيله اذا عليها الدورة اقولها اشدراج تقول صديقتي مسلمة قالت لي

حبوبه ترا حتى لو ماعاليها الدوره مايصير تلمس القرآن لانها مو مسلمه

انا عندي اثيبويه مسيحيه شلت كل القرآنات الي بالبيت وحطيتهم في كبتي الخاص

خفت تلمسه واهي ماتدري

بالنسبه لكاتبة الموضوع اقولج الاثيوبيات يهبلون بالنظافه وتعتمدين عليهم لكن كل جنسيه فيها
الزين والشين وانتي وحظج_____بالتووووفيق يارب

 

[أمانيQ8]

والله كراااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااف وانظاف
بس هالطناقر قطيعه والنجره بينهم وكله يتهاوشون مع الخدم وسوالف صارت لنا وياهم

 

[jakoora2008]

انا بطلب من اي مكتب تنصحوني وشنو اتيبونهم متعلمه ومن العاصمه وشنو تطلبونهم متزوجه وعندها ياهال ولا لا وشنو اطلبها اول مره تشتغل عفيه فيدوني ابي اطلب وحده وابي مكتب زين انتو تنصحوني فيه

 

[نكهةالبرتقال]

انا جربت اثيوبية بس طلعتها من ست شهور



حارة عصبية و مينونة و تفضخ الاغراض


لسانها طويل و مو محترمة مع المعزبة


شغلها زين بس اذا عصبت عليك --- اللهم ياكافي


تتأفف و تتحلم بصوت عالي و شايفة حالها

رفيجاتي ثنتين كان عندهم اثيوبيات يقولون مو زينين مع اليهال و مافيهم صبر كلش

ووحدة طقت بنت رفيجتي طراق - مسكينة الياهل عمرها 3 سنين اتعقدت


انصحك لوجه الله لا اتيبينها

 

[نكهةالبرتقال]

مكتب القلاف مو زينين كلش