من صجهم ؟

[kajool_80]

السلام عليكم يا أبلات
كلكم شفتو البرمجيات اليديده
وللأسف اكيد انصدمتو .................. تخيلو التهيئة 3 أيام
احنه بهال3 أيام شراح نقول للأطفال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وشراح نتحجى فيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وخصوصا أطفال المستوى الأول
أبلات يرضيكم جذي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟​

 

[الدلال]

مو تدرين المنهج واايد وما يبون يتأخرون اكثر من جذي؟؟

والله ماعندهم سالفه

اليهال يبجون لي نص السنه ويبيلهم من اول شي ضبط وتعودينهم عليج

وحاطين التهيئه 3 ايام بس؟؟

انا اقول ماله داعي التهيئه, حرام 3 ايام تضييع المنهج يتراكم

اييييييييييييه خليها على الله بس

 

[معلمة شيسمونه]

الحين انتم الابلات منزعجين انه المنهج 3 ايام

عيل احنا شنسوي يا طالبات الميداني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قولوا بس الحمدالله

 

[مخروووشة]

ههههههههههههههههههههههه

عادي لما كلمنا الموجهه قالت اصلا ما راح يدامون قتلها لا والله اشدراج

الحمدلله والشكر ماكو تنظيم

 

[شمووووع الليل]

اية التهئية ماتكفي ثلاث ايام لان خصوصا مستوى اول شنو بنعلمهم كلة يبجون فامادري شنو نسوي

 

[المستغفرة 74]

الله يعينكم مستوى اول

 

[*أبلة*]

التخبط بالقرارات مو شي يديد

 

[nero]

اتوقع يعطونكم فرصة بعد مو بس 3 ايام

قولو مستوى ثاني كبار

بس اولى حرام 3 ايام شتسوي وشتخلي

 

[زهره الريف]

والله كيفهم خل تدش وتشوف مستوى اول شلون يبجون وصراخ وانتي تشرحين الحلقه وفيها خير المشرفه تتحجى

 

[لآلــئ]

لاا وأزيدكم بعد من الشعر بيييت
دخول المشرفة والناظرة والموجهه راح يكون بعد 3 أيام التهيئة على طوول
اللـــــــــــــــــــــــــــــــــه يعيـــــــــــــــــــــــــــــــــــــــــــــــــــــــنا

 

[*أم*خالد*]

ابلات عسى ماشر ؟؟

عندكم خبرة روضتي هذي بحد ذاتها تهيئة للطفل

هونوها وتهون وخو السنه قصيره .. ضحكو وفرفشو وانشالله تعدي على خير

 

[كبرت وراحت على]

تعوذوا من ابليس الحياة بتمشى ابلات

والناظرة مراح تقصر بتقدر انه الوقت مو كافي

اشفيكم بسكم تحلطم يا ابلات الرياض

 

[QUMAR]

لا بعد أزيدكم من الشعر بيت
التهيئه راح تصادف عطلة عيد الأضحي

( :

 

[أوركيد]

واذا 3 ايام !!!!

السنة الوضع غير ..

الكورس رااح ولازم يلحقون عشان ندرس ولو خبرة او خبرتين ..

وآنا متوقعة ماكو يهال ...

 

[@ الرسامة @]

عفوا

انا داشة عرض


متى دوام اليهال ؟؟؟

 

[عطري الشوق]

دوامهم بعد العيد مباشره

بنات هونوها وتهون والله يسهل


شتقولون عن وحده متعينه تعين جديد ومع ذلك ماسكه صف بروحها ومو عارفه النظام

 

[@ الرسامة @]

عطري الشوق

مشكورة على ردج
عموما كلنا بالهوى سوا

احنا بعد معلمات وحاسين بمعاناتكم

 

[نوره2008]

الله يكون بالغون قولوا متى يمدينا نحفظهم اناشيد متى نغلمهم سلوكيات الفصل 0000سامحوني ترى حرف الغين
خربان بس حبيت اشارك

 

[عبااير]

هذا يدل على ان اي قرار يطلعونه مايدرسونه ....اهم يوم قالوا 3 ايام ماسالوا معلمات ...احنا يالمستوى الاول والله كل سنه تهيئتنا تحتاج شهر ويمكن اكثر شوي
ماقول الا مالت عليهم وعلى قراراتهم ...
حدي مندبله جبدي منهم:flower:

 

[الدلال]

ماراح يداومون؟؟

انا كل ما اشوف ولية امر يم مدرسة ولدي الكبير, كنت ادرس ولدها ولا بنتها بمستوى اول,تقولي ابله متى الدوام ترى ملينا من قعدتهم بالبيت,ويبجون يبون يدامون؟؟؟!