من صار معها مثلي بلييييييز ادخلو

[ايام وردية]

كيفكم بنات

انا من مؤيدي الرضاإه الطبيعيه ارضع بنتي حبيبتي الحين عمرها قريب السنه الله يحفظها

المشكله انها تجيني اعراض والله مدري من الرضاعه او لا

احس بدوخه دوار وبعد احس بغثيان كأني بستفرغ تكرمون بس مايطلع شي

رحت الدكتوره سون لي فحص فقر دم الحمدلله مافيني

اجتهادا مني اكلا فتيامينات والحمدلله خفت هالعوارض الحين تركتهم من شهر الفتامين ورجعت الاعراض


كل وحده ترضع تقولي حست في هذه الاعراض احس مره متعبتني الرضاعه خصوصا اني ماتغذى كويس يعني اقعد يوم يومين ما أكل شي
وشعري تبهذل وخرب بس مو هاين علي افطمها لان مو متأكده هذه الاعراض من الرضاعه او لا


من التلفون اكتب اعذروني

 

[عاشقة الككاو]

ماشاءالله عليج كملي حبيبتي
بس اهتمي بصحتج حرام تتركين نفسج ع الاقل طبق سلطة منووع او فواكه وعل الغدا بروتين مثلا دجاج تونة لحم ستيك سمج
ضروري تهتمين بصحتج عشان خاطر العسوله الله يحفظها والصبح لازم كوب حليب بالعسل مع توست اسمر او بيض عيون او بيض وطمام عشان توصل لج جميع الفيتامينات والمعادن والتمر بعد مفيد 7 حبات مع كوب لبن ..


وموفقة يا غلاتي

 

[عاشقة الككاو]

طمام

طماط*

 

[Aloe Vera]

لازم تهتمين باكلج

و اخذي حبوب فيتامينات مالت الرضاعة كلا اشوفها بالصيدليات

انا رضعت عيالي سنة و شوي طبيعي

بس في بجري كنت احس بدوخة و عطش اول ما ارضع بعدين تروح يعني ثواني
و هذا شي طبيعي يصير من الهرمونات
ثاني مرة لا ماحسيت بشي

بس انتي لاتهملين روحج ظروري تهتمين

 

[ربيع_الروح]

فيتامين د

سوي فحص فيتامين دال لأن اذا نقص يسبب دوخة والشعر يطيح وحتى العظام تعورج



ولاااازم تاخذين ملتي فيتامين لأنج ترضعين فلازم تعوضين الي تفقدينه
خاصة وانج ما تاكلين انتي قاعده تهدمين نفسج وصحتج بدون ما تحسين

 

[الأميرة جوري]

لازم تاخذين فيتامينات لان تسحب منج كل شي

 

[امـ خــزامـى]

ماتاكلين وترضعين !!!!!!!


شي طبيعي اللي يصيرلك


اتبعي نظام صحي غذائي

وكثري تممممر

ليش ماتاكلين ؟ تسوين رجيم ولا ماتشتهين ؟
نحيفه انت ولا مليانه

 

[ايام وردية]

يعطيكم العافيه بنات انا ما اكل فيني قله شهيه
يعني ما اشتهي اكل ومن سابع المستحيلات اكل ثلاث وجبات في اليوم بنات اما موراضيه من وضعي اني ما اكل بس شاسوي حبوب فتح شهيه ماسوت لي شي
وزني
49

 

[ملكه الحطب]

ماعندي فكره انا تو والده وارضع ولدي لي شهر وتجيني اللوعه بس حتى وانا حامل ماصارت لي جذي

 

[ملكه الحطب]

وماادري اذا اللوعه مرتبطه بالرضاعه او لا؟

 

[ايام وردية]

يعطيكم العافيه


اب

 

[بسمه غلا]

اخذي حبوووب فيتامينات وحبوب فاتح الشهيه لان حرام انتي ترضعين وماتكلين موزين لج شوفي حتى شعرج طااح ليش اهملتي نفسجً
حاولي تجبرين نفسج عالاكل وكثري من الفواكه والزبيب الاسود اليمني مفيييد حيييل للدم والشعر
اختي بعد الولاده كانت كله تدوخ وتطيح من كلت حبوب فيتامينات والزبيب الاسود الحمدلله ردت عافيتها وصحتها


طيب حبيبتي بسالج يقولون اللي ترضع طبيعي ماتجيها الدوره مو الكل البعض منهم انتي تجيج عادي ؟

 

[الريم_85]

انا بعد من المؤيدين للرضاعه الطبيعيه .. وطبعا معاها الصناعي بس مو كل الوقت .. للازمات
الحمدلله ربي لك الحمد والشكر رضعت ولدي جريب السنتين ماشاءالله تبارك الرحمن .:yaaaaaarb:
بس الوقت اللي احس فيه بدوخه وتعب يكون وقت اللي ما اكل فيه عدل
واصلا مايطلع للبيبي حليب وتحسين الصدر خااااالي وفيه نغزات واعرف انه مافيه شي من قلة الاكل .. فأعطيه كنت الصناعي لين اكل لي وجبتي واتم جم ساعه وسبحاااااااانك ياربي يرد كلشي طبيعي .. الدوخه تروح والحليب يرجع ...

كثري من السلطاااااااات .. مهمه لصحتج ولحليب البيبي .. :rerrerek:​

وحده اسمها بثينه الله يجزيها كل خير قالت لي عن خلطه تمتن وتزيد الحليب .. على فكره انا كنت مليااانه وكل من اقوله عن الخلطه يخافون يمتنون عليها .. بس مايهمني دام انها تطلع الحليب وتفيد ولدي
ويوم فطمته اشتغلت على روحي بالرجيم والتخفيف ورجع وزني احسن من قبل بعد الحمدلله ​

الخطله هي : علبة قيمر نستله + قفشتين كاكو نوتيلا .. وتخلطينهم عدل وتحطينه في الثلاجه شوي يبرد وبالعااافيه .. ​

واللي تسأل عن الدوره :eh_s(7):
انا ماياتني الدوره الا عقب 6 شهور من ولادتي .. من الرضاعه:rerrerek: .. وعلى حسب الجسم من وحده لي وحده .. مو كل من ترضع ماتييها .. ويقولون انها مانع طبيعي .. الله العالم :eh_s(10):​

وسامحيني طولت عليج .. :eh_s(1):​