من شنو هذي الحساسية !!!!

[q8ia_cutaa]

قوة بنات شلونكم شخباركم...

بنات من سنتين تقريبا اتييني حساسية ابخشمي .. غير حساسية النشلة .. لا شي ثاني .. اتييني حكة مو طبيعية بخشمي ويصير لونه احمرررررررر ... حتى لو ماكنت منشوله!! ووومن كثر مايحكني عشان اخفف الحكة امسك خشمي واقعد لوووول..

ورحت عند كذا طبيب .. قالي هذي حساسية لان بشرتج دهنية يعطوني كريم.. بس يرد.. واهم يقولون بيرد.. !!!!

خشمي اذاني

وشي ثاني بعد عندي باذوني امنطقة الي يم الزلوف عرفتوها .. اهني اتحكني حيييييييل بعد واتجرح... وتعرفون لما الجرح يصير فوقة نفس القشرة !!! جذي...شكله!!

وشي ثاالث...بعد ...<<< مريضة وايد لووووول

المهم... ان في باخر راسي صوب الشعر اخر شي قبل لا تبدي الرقبه<<< ماشاء الله على الوصف لوووول..
امممم تعرفون لما اتسوون ذيل حصان..المنطقة الي تحتها... اتييني حكة بعد.. !!! <<< كل شي يحكني لووووول
المهم...ومافيني قشرة لا.. في شي ثاني تعرفون الحبوب لما اطيح وتيبس مكانها..وتصير فوقها جلدة حمرا جنها دم !!!
جذي بنهاية شعري؟؟؟؟

ورحت كذلك عند كذا دكتووووور وماكو فايدة !!!

وشي يديد طالعلي الحين...

جسمي ايحكني.. ومارتاح الا لما يطلع دم شوية وتتجرح !!!صوب الكوع ... وووالفخوذ .. والورك.. بس هذي المناطق...

هل تتوقعون اكو علاقىى بين هذي الاشياء كلها!!!!


واذا تعرفون دكتورة زينة !! يكون احسن من الدكتور

ثانكيو حبيابتي

 

[q8ia_cutaa]

رد: من شنو هذي الحساسية !!!!.....بلييييييييييييييييز



شدعوا ماكسرت خاطركم

على الاقل ابي اسم دكتور جلدية زييييين او دكتورة يكون احسن

......................................

؟؟؟؟؟؟؟؟؟؟؟؟؟؟؟؟؟؟؟؟؟

اليوم بشيك على موضوعي بالليل واذا مالقيت منكم رد واحد ... ترى .................

أزعــــــــــــــــــــــــــــــــــــــــــــــــــــــــــــــــــــــــــــــــــــــــــــــل :eh_s(14):

 

[HoNeY_GirL]

الله يعييينج ماادري شقولج والله : (

ليش ماتجربين مركز الراشد للحساسيه ؟ ان شاءلله عندهم علاج يفيدج

وعلى دكاتره الجلديه اشكثر جربت وكل مكان رحت وماكو فايده لبشرتي اللحين مدحولي دكتور بمستشفى العدان بواسطه دشيت عليه وشكله شاطر اسمه د . نبيل

وإذا تبين عيادات ماادري والله بس ان شاءلله البنات يفيدونج

وماتشوفين شر حبوبه

 

[ام عبود الحلو]

انا كانت فيني نفسج بالضبط بس كانت بيدي اول رحت حق مستوصفنا لا تعليق جنوب السره حدهم عليميه

رحت ل ابوحمره عطاني ابره والحمدالله اهو اشطر شي بالحساسيه والباجي مو مهنته يعني الليزر

 

[حنون المزيون]

ماتشوفين شر يارب
اخذي حبوب زيرتك وايد زينه للحساسيه والحكه

 

[زهرة اللوتس]

يمكن فيج حساسية من بعض انواع الطعام
سوي فحص

 

[أمواج البحر]

ما تشوفين شر يارب

انا عندي حساسية بخشمي و اذوني و بلاعيمي ( انف و أذن و حنجرة )

جربت كل شي مافاد والله ساعات ازهق حياتي

حتى والله خشمي يطلع منه دم من كثر ما افركه و ودي اشيل بلعومي من عرجه من كثر ما يحكني :/

وعموما يقولون الحساسية ما تروح بس تخف

 

[ضحكة الدنيا]

روحى بو حمره امى راحت له حق الحساسيه وتمدح العلاجات اللى عطاها اياها
وماتشوفين شر حبوبه

 

[q8ia_cutaa]

مشكوووريييييييين بنوتااات حلووااااات...

ماقصرتوا ...