من دلهي مباشره الى مائدتك (جلاب جامون)

[amooon82]

السلام عليكم

اشلونكم؟

طبعا اغلبكم يعرف الحلو الهندي جلاب جامون انا وحده من عشاقه وسألت وحده من دلهي علمتني الطريقه





اول شي اتييبون حليب بودر اي ماركه وتحطون 18 ملعقه طعام كبيره

علبه قيمرkdd كامله

3 ملاعق طعام كبيره طحين

3 ملاعق طعام زيت

نص ملعقه صغيره بيكينغ باودر

نخلطهم ونعجنهم باليد وراح تتكون عجينه ناعمه نسوي منها كور صغار نخليها ترتاح لمده نص ساعه ( تقريبا يطلع لنا 38 كره)


وبهالوقت نحضر الشيره

3 قوطي روب سكر
4 قواطي روب ماء
وهيل مطحون

نخليه يغلي شوي لين تستوي الشيره

ونرجع للكور نحطهم بزيت حار بس مو وايد ولازم النار تكون هادييييييييييييييييييييه حيل حيل اقصر شي ( اكثر شي وصت عليه) ونبدي نقلي الكور وعقب نطلعها ونحطها بالشيره

وبالهنااا والشفا ​

 

[خلود للابد]

رووووعه

 

[com-teacher]

اول مره اسمع فييييه
مادري ليش متخيلته مثل اللقيمااات
يسلمووووو حبيبتي

 

[بسمله-77]

مشكورة حبيبتي ويعطيج العافية ، انا امووووت بالجلاب جامون بس اول مرة اعرف المقادير
لاني اسويه من الخليط الجاهز للجلاب جامون

 

[شوشو الشقيه]

تسسلمين ياختي يا قمرنااااااااااا
بسئلج سؤال جان ما عليج امر
والله شككتيني في حالي وفي معرفتي لملاعق هههههههههههههههههههه
قصدج ملعقه طعام كبيره الي ناكل فيها صح
بصراحه بجرب اليوم
بقول لج شلون طلع
اليوم الا اسويها اشوف الطعم كيف
من اختج شوشو الشقيه
لو طلع عندي خطا جايله لج على منتدي نشوف وين الغلط

 

[كبْرٍيآء]

واو روعه احب هالحلى

مشكوووووره

 

[جارة القمر]

مشكوووووووره


وبالعافييييييييييييييية

 

[amooon82]

مشكورين على المرور العسل ياعسل

شوشو اي قصدي القفشه اللي ناكل فيها

عاد لاتنسين تصوريين لنا

انا ان شاءالله باجر اسويه واصور

​

 

[ام بدر البدور]

تسلم إيدج

 

[amooon82]

الله يسلمكم

مشكوريين عالمرور ​

 

[حناينq8]

لازم اطلبه اذا رحت اشاز

جلاب جامون

او ريسملاي << نفس الجلاب جامون بس بالحليب مو بالشيره


ومشكووووووووره حبيبتي

 

[om.5doja]

تسلم اييييدج


والله يعطيج الف عافيه

 

[غربــــة اِحساس]

اول مرة اسمع فيه

وشكله سهل

بجربه مشكورة

 

[خاشووقه]

يعطيج العافيه

 

[SpiceGirl]

يعطيج العافية حبوبه

 

[زهرماريه]

عااااااااد غراااااااامي هذا

لازم اروح مغل محل اطلب منه اينن

شكــــــــــــــــــرا عالمقادير يعطيج العافيه

 

[مس اموله]

انزين مايصير عجين من داخل ؟

تسلم الايادي حبيبتي

 

[miss_uk]

يعطيج العافية

بس ممكن توضحين شنو هالمقادير؟؟؟
3 قوطي روب سكر
4 قواطي روب ماء

وشكثر هيل؟؟؟

 

[asma_alyousef]

بجرب هالطريقة .. شريت الجاهز وماعجبني مادري شلون صاير .. تسلمين

 

[ضحكة الدنيا]

اول مره اسمع فيه
مشكوووووره حبيبتى على الطريقه