من حقي أرفض وألا لا

[نوره 99]

السلام عليكم

كيفكم خواتي ؟؟؟

أنا جايتكم باستشاره ... أول شي ترا أنا على وجهي مرررره وماعندي خوات كبار فعاونوني الله يجزاكم الجنه

لو تقدم لك واحد انسان عادي ويشتغل واخلاقه زينه ..
بس أنتي مو مقتنعه فيه ..
يعني لو دققنا شوي مثلا أنا احسه متشدد من ناحية الدين شوي ... أنا الحمدلله الناس يشوفوني ملتزمه ... بس مابي أحس بالتبعيه ... ولا أحب أحد يفرض علي الدين .. من هالناحيه أحب اربي نفسي بنفسي ...
أحس مستواه المادي مو ذاك الزود .. مستواه الأجتماعي ...أشياء ثانيه مابي اذكرها لأنها بعين الناس سخيفه ... بس شخصيا تهمني
وادري انها بتأثر علي بعدين .. ومابي أكون أقل من اللي حولي فيها ...
.
.
أمي تقول لاتتشرطين ويمكن مايجيك غيره وتتحسفين مع أنا توني مخلصه 22 أحس صغيره وفي أشياء بحياتي ماحققتها .. وبعد الزواج حياتي مو ملكي نفس الحين
والزواج ابدا مو في بالي ...
لدرجة وحده أخذت رقم أمي مني بالخدعه جيت واخذته منها بالخدعه بعد

أنا ودي أرفض بس خايفه من تأنيب الضمير لأني ماجربت هالشعور من قبل
هل من حقي أني أرفض مهما كانت الأسباب ؟؟؟

 

[zgrtya]

طبعا من حقج ترفضين و عادي ما فيها تأنيب الضمير و لا هم يحزنون

شخص مو مقتنعه فيه حرام تبدين حياتج معاه )

والله يرزقج الزوج الي في بالج

 

[omaseel]

اهم شئ الراحة النفسيه

 

[كسرنى الهم]

حبيبتى ايذا تحسبن شعورج بترتاحين معاه انه اقولج وافقى واتكلى على الله
وايذا تحسين مومرتاحه من حقج ترفضين وانتى توج صغيره والحيااااه طويله جدام
الله يكتب الى فيه الخير

 

[بحةة آلشۈق]

آسستخيري يَ بعععديَ
آهم شي انتيَ تكوَنيَ مقتنعععةة
لـتععبين نفسسكَ بالتفكيرّ وتقولينَ تآنيب ضمير لـآعآآتيّ والله
الله يوفقك ويكَتبّ لكَ اللي فيه آلخير
الله يسسسسعدكَ

 

[صعب انساني]

اب
اب
اب​

 

[اميره1980]

اذا انتي مو مقتنعة فيه ماكو فايدة من الكلام
ليش تحسين بتانيب الضمير؟؟ الزواج مو غصب
لا تاخذينه و انتي من البداية مو مقتنعة بالريال بعدين تتعبون بحياتكم انتي وياه

 

[سحـورة]

لو يكون رفضج من بعد استخارتج و إرتياحج لهذا الشخص ،
و لكنّ من حقج ترفضين إذا كانت عندج أحلام ومتطلبات تشوفينها صعبة التحقيق حين الزواج

 

[Tom ♥ Jerry]

.


اكيد من حقج ترفضين الراي الآول و الاخير لج !

بس حبيبتي فكري بكلام امج و اهيه اكيد تبي مصلحتج
الريال مسمي مصلي يخاف ربه .. استخيري و توكلي على الله
الرياييل الزينين هالايام بالتفق تحصلينهم

بالنهايه انتي حره .. لو على قولتج ما تبين تتزوجين لانه
تشوفين نفسج توج صغيره على الزواج لا تتزوجين
لانه الزواج مسؤوليه و بيت وريل مو خرابيط ..

 

[نوره 99]

مشكورين على ردودكم الله يريح بالكم

 

[واصله]

صلي استخاره وان شالله خير

 

[SuGar-kuw]

اقولج شغله....... اذا كان عندج شك لو واحد بالاميه 1%. !! انه هلزوج مايناسبج ثقي بالواحد بالاميه ولاتثقين بشخص يضغط عليج لمجرد انه بنتي ابيها تتزوج مبجر وبالاخيرر محد ياكلها غيرج

 

[دلوعة أبوهآ]

من حقك آلرفض ..
لآنه من حقك الرضا وآلقناعه ..

هذآ زواج مو لعب ..

إذا مو مقتنعه لآتوافقي ..

 

[قمر بيت أبوها]

أحيانا تكون أشياء أساسيه بنظرك وبنظر غيرك تافه هذا مو معناتها تمشين علي نظرية غيرك
أهم شي نظريتك أنتي
والزواج مو يوم ولا يومين عمر
لو عندك تردد استخيري وأسألي عن النقاط اللي تهمك وأعيدي النظر
ولو رافضه بس خايفه اللي حولك يزعلوا أهم شي راحتك انتي دوريها غيرك ماراح يريحك اذا ماريحتي نفسك
والله يرزقك وكل البنات بالزوج اللي يملاء عقولكم وقلوبكم و يسعدكم بحياتكم

 

[فطوم السعوديه]

والله مدري بس ترى الزواج اساسي بالحياه ولا ماكان صار نصف الدين

فكري مع نفسك واهم شي يكون الزوج خلوق والباقي يجيبه الله

من جاءكم من ترضوه دينا وخلقا فزوجوه ..

الاشياء الثانيه اللي تفكرين فيها يمكن تكون ثانويه انتي فكري كثير واستخيري عشان ماتندمين

 

[لمى الهاجري]

حاولي تناقشينه بامور الدين يمكن تشدده يزعج وما يناسبج

 

[<> إيلاف الكويت <>]

استخيري اكثر من مره وفكري عدل وخلي نظرتج مستقبلية واهم شي الراحة النفسية
والله يوفقج ان شاءالله

 

[قطوة@@]

مافيها شي اذا رفضتي لانج مو مقتنعه فيه

 

[غراوي]

ارفضي لانج مو مقتنعه لان باجر اي زله بتصبر بحايتكم الزوجيه بتلومين نفسج
وانتي توج صغيره وادعي الله انه يرزقج بالزوج الصالح اللي تتمنينه

 

[عادت ذكرياتي]

أهم شي تكونين مقتنعة ولا تجاملين على حساب نفسج


موووووووووووووووووووفقة والله يكتبلج الخير