السلام عليكم و رحمة الله و بركاته ،
انا جديده بالمنتدى و حابه اقولكم قصتي ،
اول شي انا الحين طالبه اخر سنه بالثانويه و على وشك التخرج ان شاءالله
مشكلتي بدت من زمان من ايام المتوسط
كنت دايما البنت الحلوه البنت الشاطره البنت الهاديه الناعمه الضحوكه كل شي كان الكل يعجبه لبسي شعري حياتي شخصيتي دايما اسمع هالكلمه يا حلاتج يا حلوها تجنن و ما ادري شنو حتى عند اهلي و اي احد غريب يشوفني بس الغريب اني ما كنت اصدق لاني ما كنت اشوف هالشي و بهذاك الوقت ما كنت ملاحظه و عادي ماشيه حياتي ، و كنت اختار صديقاتي على شخصياتهم مو على مظاهرهم ما كنت اختار جميله ولا كشخه ولا شاطره ولا شي بس يكفيني انها تفهمني على اننا كنا صغار الا اني انا ورفيجاتي ولا عمرنا اذينا احد لا كلام و لا تمسخر ولا غيره !
بالمدرسه كانوا يا كثرهم الي يكرهوني و بدون سبب و رفيجاتي و الكل يقول عشانج حلوه دايم يحاولون يضروني و كتت اتضايق ولما ارد البيت ما افكر الا بهالشي مرات اكره نفسي بدون سبب عشان هم يكرهوني كل يوم اسمع كلام كل يوم سالفه وانا مالي دخل فيها ،ما كنت احاول اسوي شي بشكلي ولا احط شي كل الي اسويه اعدل شعري و اروح المدرسه مره من المرات امي سوتلي شعري بالفير الفجر وانا كنت سهرانه ما كنت مخططه رحت المدرسه الكل خز بخز و القهر طالع من عيونهم طبعا على كثر الي يكرهوني الا ان شكثر كانوا يحبوني و يحترموني والكل يقول شكلج يجنن كان في مجموعة بنات يمشون و يقطون نغزات و شوي و يزيد الوضع عن حده صدفه و انا رايحه الصف ولا تمسكني الابله و تقولي حبيبتي ما يصير جذي طولي نفنوفج قصير ولا البنات واقفين وراها و ميتين ضحك ولا تقولي رفيجتي هم قالرا للابله تقولج طولي نفنوفج ما توقعت في ناس حقوده و غيروه لهالدرجه والله يا بنات لحد الحين مو قادره انسى نظراتهم !
و مره وحده تعرفت عليها بالمدرسه صدفه و من اول ما كلمتها قالتلي ابي انصج ولا تزعلين تحجبي البنات كلهم عيونهم عليج ! كل هذا واحنا كنا بالمتوسط صغار ما نفهم شي !
دخلت الثانويه قررت على طول اتحجب مابي مشاكل مابي حقد مابي شي
هالفتره كانت مرحلة التطور بحياتي طبعا بالمتوسط صارت مواقف ياكثرها حطمتني ما اقدر اقول كل شي بالتفصيل لان السوالف طويله !
بالثانويه انعزلت عن العالم مابي احد كله قاعده بالبيت انا الي كنت البس احلى لبس صرت مالي خلق اطالع نفسي ما اشتري امي تشتريلي واذا ما شرت مو لازم تقولي امشي اقولها مابي البسي اطلعي استانسي كله اقولها مابي مابي مابي صرت اخاف من الناس كرهت نفسي مابي البس شي حلو مابي اطلع حلوه ليش ما ادري امي لاحظت حالتي و احسها على طول مشغول بالها علي لما اطلع لخالاتي لعماتي ما اتكلم يقولولي انتي فيج شي ترى جذي مو زين ما ادري شنو ارد اسكت حتى الصغار صاروا يقولولي انتي ليش ما تطلعين من البيت ما تحبين الناس صح ! انا بديت اخاف من نفسي صرت اقعد بالبيت اقعد ع النت اشوف التلفزيون و مابي اكلم احد كل شي اسويه بروحي بهذي الفتره حسيت ان ودي احط مكياج ودي اتغير طبعا لحد هني كل شي بالنسبه لكم عادي صح ؟ بتقولون مراهقه و تغيير وووو !
بديت احط مكياج بالبيت بس بديت اشوف نفسي قبيحه مو حلوه بديت اكره نفسي بس اول شي كان عادي لان عبالي فتره و تعدي الكل يقولي شفيج ما تكلمين حتى امي تقولي انتي ما كنتي جذي شنو صايرلج مرت خالي دايم كانت تقول لامي بنتج كئيبه لين صرت ما اروحلهم !
شي ثاني بديت اكره جسمي الكل للحين يقول انتي حلوه جسمج حلو ما اصدق مستحيل اصدق والله صرت اشوف نفسي مستحيل اني اصير حلوه او رشيقه دايم ابجي بكل مناسبه بالصالون الكل يقول شكلج يهبل حتى الصالونات بس انا ما اشوف هالشي و اقعد ابجي بكل عرس و كل مناسبه و امي تتضايق تقولي ليش انتي دايم منكده على نفسج ليش انتي مو نفس البنات استانسي اضكي شكلج حلو مافيج شي و بداخلي ودي اصرخ اقولها ما ادري ما ادري ! احس اني دايما مقهوره من داخلي ودي ارجع انا القديمه و ين ثقتي بنفسي دايم اقول اني انا الحين مو انا قبل كنت احلى كنت اقوى كنت غييييييير في شي حطمني ما ادري شنو
و صرت لازم لما اطلع احط مكياج لان خلاص صرت اقول اني ما اصير حلوه الا لما احط مكيج امي تقولي لا تحطين بدون مكياج احلى بس ما اصدق
و مرت الايام جذي فقدت الثقه اكثر و اكثر و كل يوم القهر بقلبي يزيد على نفسي لان هذي مو انا
صرت اكره و جهي بدون مكياج احس عيوني مو مثل قبل وجهي مو مثل قبل حتئ مره جت عمتي بتاخذني بيتها و كنت بالبيت و مو حاطه شي قلتلها لا ما اروح جذي وع قالت شفيج ما فيج شي عيب تقولي جذي احنا اهلج انا احس حتى نفسي خسرتها و بكل مكان يقولي انتي حلوه بقلبي اقوب مستحيل انتوا ما تشوفون شي و مرات ابجي و اقول ياليت اشوف الي تشوفونه و اقتنع صرت اشوف الكل احلى مني حتى اللبس لما البسه اقطه و اقول لا مو حلو علي وع و احتقر نفسي
و من فتره جت بنت كانت معاي بالمتوسط قالتلي انتي كنتي غير بالمتوسط قلتلها شلون قالت ما ادري قبل كنتي غير كنتي شي مميز يمكن عشان تحجبتي شكلج تغير علي و يمكن عشان الثانويه و التعب
هالكلمه جرحت قلبي فتحت باب جديد لاني ارد اكره نفسي مت فتره حاولت اتعايش مع الوضع حاولت اخفف على نفسي اما الحين رديت مثل قبل و اكثر
اسفه يا بنات طولت عليكم ساعدوني شسوي ليش انا صرت جذي ابي نفسي الي ضاعت ابي هذيك الي الحين صرت انا ضدها و عكس شخصيتها و كل شي
شنو الي خلاني اكره نفسي و مستحيل اصدق اني حلوه و ما استحي من نفسي ؟
ساعدوني
(
انا جديده بالمنتدى و حابه اقولكم قصتي ،
اول شي انا الحين طالبه اخر سنه بالثانويه و على وشك التخرج ان شاءالله
مشكلتي بدت من زمان من ايام المتوسط
كنت دايما البنت الحلوه البنت الشاطره البنت الهاديه الناعمه الضحوكه كل شي كان الكل يعجبه لبسي شعري حياتي شخصيتي دايما اسمع هالكلمه يا حلاتج يا حلوها تجنن و ما ادري شنو حتى عند اهلي و اي احد غريب يشوفني بس الغريب اني ما كنت اصدق لاني ما كنت اشوف هالشي و بهذاك الوقت ما كنت ملاحظه و عادي ماشيه حياتي ، و كنت اختار صديقاتي على شخصياتهم مو على مظاهرهم ما كنت اختار جميله ولا كشخه ولا شاطره ولا شي بس يكفيني انها تفهمني على اننا كنا صغار الا اني انا ورفيجاتي ولا عمرنا اذينا احد لا كلام و لا تمسخر ولا غيره !
بالمدرسه كانوا يا كثرهم الي يكرهوني و بدون سبب و رفيجاتي و الكل يقول عشانج حلوه دايم يحاولون يضروني و كتت اتضايق ولما ارد البيت ما افكر الا بهالشي مرات اكره نفسي بدون سبب عشان هم يكرهوني كل يوم اسمع كلام كل يوم سالفه وانا مالي دخل فيها ،ما كنت احاول اسوي شي بشكلي ولا احط شي كل الي اسويه اعدل شعري و اروح المدرسه مره من المرات امي سوتلي شعري بالفير الفجر وانا كنت سهرانه ما كنت مخططه رحت المدرسه الكل خز بخز و القهر طالع من عيونهم طبعا على كثر الي يكرهوني الا ان شكثر كانوا يحبوني و يحترموني والكل يقول شكلج يجنن كان في مجموعة بنات يمشون و يقطون نغزات و شوي و يزيد الوضع عن حده صدفه و انا رايحه الصف ولا تمسكني الابله و تقولي حبيبتي ما يصير جذي طولي نفنوفج قصير ولا البنات واقفين وراها و ميتين ضحك ولا تقولي رفيجتي هم قالرا للابله تقولج طولي نفنوفج ما توقعت في ناس حقوده و غيروه لهالدرجه والله يا بنات لحد الحين مو قادره انسى نظراتهم !
و مره وحده تعرفت عليها بالمدرسه صدفه و من اول ما كلمتها قالتلي ابي انصج ولا تزعلين تحجبي البنات كلهم عيونهم عليج ! كل هذا واحنا كنا بالمتوسط صغار ما نفهم شي !
دخلت الثانويه قررت على طول اتحجب مابي مشاكل مابي حقد مابي شي
هالفتره كانت مرحلة التطور بحياتي طبعا بالمتوسط صارت مواقف ياكثرها حطمتني ما اقدر اقول كل شي بالتفصيل لان السوالف طويله !
بالثانويه انعزلت عن العالم مابي احد كله قاعده بالبيت انا الي كنت البس احلى لبس صرت مالي خلق اطالع نفسي ما اشتري امي تشتريلي واذا ما شرت مو لازم تقولي امشي اقولها مابي البسي اطلعي استانسي كله اقولها مابي مابي مابي صرت اخاف من الناس كرهت نفسي مابي البس شي حلو مابي اطلع حلوه ليش ما ادري امي لاحظت حالتي و احسها على طول مشغول بالها علي لما اطلع لخالاتي لعماتي ما اتكلم يقولولي انتي فيج شي ترى جذي مو زين ما ادري شنو ارد اسكت حتى الصغار صاروا يقولولي انتي ليش ما تطلعين من البيت ما تحبين الناس صح ! انا بديت اخاف من نفسي صرت اقعد بالبيت اقعد ع النت اشوف التلفزيون و مابي اكلم احد كل شي اسويه بروحي بهذي الفتره حسيت ان ودي احط مكياج ودي اتغير طبعا لحد هني كل شي بالنسبه لكم عادي صح ؟ بتقولون مراهقه و تغيير وووو !
بديت احط مكياج بالبيت بس بديت اشوف نفسي قبيحه مو حلوه بديت اكره نفسي بس اول شي كان عادي لان عبالي فتره و تعدي الكل يقولي شفيج ما تكلمين حتى امي تقولي انتي ما كنتي جذي شنو صايرلج مرت خالي دايم كانت تقول لامي بنتج كئيبه لين صرت ما اروحلهم !
شي ثاني بديت اكره جسمي الكل للحين يقول انتي حلوه جسمج حلو ما اصدق مستحيل اصدق والله صرت اشوف نفسي مستحيل اني اصير حلوه او رشيقه دايم ابجي بكل مناسبه بالصالون الكل يقول شكلج يهبل حتى الصالونات بس انا ما اشوف هالشي و اقعد ابجي بكل عرس و كل مناسبه و امي تتضايق تقولي ليش انتي دايم منكده على نفسج ليش انتي مو نفس البنات استانسي اضكي شكلج حلو مافيج شي و بداخلي ودي اصرخ اقولها ما ادري ما ادري ! احس اني دايما مقهوره من داخلي ودي ارجع انا القديمه و ين ثقتي بنفسي دايم اقول اني انا الحين مو انا قبل كنت احلى كنت اقوى كنت غييييييير في شي حطمني ما ادري شنو
و صرت لازم لما اطلع احط مكياج لان خلاص صرت اقول اني ما اصير حلوه الا لما احط مكيج امي تقولي لا تحطين بدون مكياج احلى بس ما اصدق
و مرت الايام جذي فقدت الثقه اكثر و اكثر و كل يوم القهر بقلبي يزيد على نفسي لان هذي مو انا
صرت اكره و جهي بدون مكياج احس عيوني مو مثل قبل وجهي مو مثل قبل حتئ مره جت عمتي بتاخذني بيتها و كنت بالبيت و مو حاطه شي قلتلها لا ما اروح جذي وع قالت شفيج ما فيج شي عيب تقولي جذي احنا اهلج انا احس حتى نفسي خسرتها و بكل مكان يقولي انتي حلوه بقلبي اقوب مستحيل انتوا ما تشوفون شي و مرات ابجي و اقول ياليت اشوف الي تشوفونه و اقتنع صرت اشوف الكل احلى مني حتى اللبس لما البسه اقطه و اقول لا مو حلو علي وع و احتقر نفسي
و من فتره جت بنت كانت معاي بالمتوسط قالتلي انتي كنتي غير بالمتوسط قلتلها شلون قالت ما ادري قبل كنتي غير كنتي شي مميز يمكن عشان تحجبتي شكلج تغير علي و يمكن عشان الثانويه و التعب
هالكلمه جرحت قلبي فتحت باب جديد لاني ارد اكره نفسي مت فتره حاولت اتعايش مع الوضع حاولت اخفف على نفسي اما الحين رديت مثل قبل و اكثر
اسفه يا بنات طولت عليكم ساعدوني شسوي ليش انا صرت جذي ابي نفسي الي ضاعت ابي هذيك الي الحين صرت انا ضدها و عكس شخصيتها و كل شي
شنو الي خلاني اكره نفسي و مستحيل اصدق اني حلوه و ما استحي من نفسي ؟
ساعدوني
(
