من تعرف اماكن حلوة في الاسكندرية..؟

[شيخة البلادين]

اللي عندها خبرة في مصر والاسكندرية بالذات.. تساعدني لوسمحتوا..

انا بروح لها بالصيف مضطرة عشان زوجي يدرس هناك..

بس ماني عارفة شنو فيها.. ووين الاماكن السياحية هناك.. خايفة امل ويضيق خلقي..

وزوجي على قعدته هناك.. مايعرف الا مجمع واحد.. نسيت اسمه بس هو يم الفور سيزن..

اللي عندها خبرة تساعدني...

مشكورين وايد يا حبايبي..

 

[ليمونه الحلوه]

السلام حبيبتي الاسكندريه حلوه وايد وايد فيها مكتبت الاسكندريه فضيعه حلوه وايد وكبيره ولا تقولين ويع مكتبه شوديني لا والله اهي غير حلوه وايد هذي صورتها من بره

وفي عندج قلعة قايتباى في داخله متحف

وهذا شاطئ الاسكندريه

وطبعا في المجمعات زهران مول السموحه
سيتي سنتر ويوجد فية الكارفور ( وايد حلو)
محطة الرمل سوق شعبي التسوق فية متعة( لاتفوتينه)
كايرو سنتر توه جديد مجمع حلو بعد

اذا تبين مطاعم عندج ابو سقره في اثنينه واحدفي جرين بلازا وواحدفي لوران على البحر مو غالي ومشاوي خياليه احلى من الفرع اللي عندنا بالكويت وفي مطعم ديليس محطة الرمل لذيذ جداً جداً
مطعم تكا الشطبي مقابل البحر لذيذ جداً جداً جداً جداً جداً جداً
مقهى سلطنة ستانلي رهيب جدا جدا
مطعم بلبع سيدي بشر يعمل مشاوي مميزة لذيذ جدا جدا
قرية عبدالوهاب مطعم جدا رائع وأكله لذذيذ جداااا
واي ذكرتيني بالاسكندريه اموت فيها
وانشاالله اكون فدتج

 

[روحـ روحه]

مجمع فؤاد ومجمع زهران والشواطئ وعندج الساحل الشمالي عجيييييييييييب ومكتبه الاسكندريه لاتطوووفج

 

[Miss Golden]

الجرين بلازا روووووووعة..

 

[فروحة الكويتية]

الشاطئ يجنن هناك

وعندج سوقتهم وايد حلوة ورخييييييييييييييييييييصة

 

[صريحة النسب]

صح المكتبه تهبل اكبر مكتبه في الشرق الاوسط

وفريهاااا عدل ترى كبييره وفيها وايد اشياء

وطبعا لا تنسين حديقة الملك فارووق فيها انواع اشجار وااايد مو موجوده في العالم .. وشوفي فندق فلسطين اهو اصلا كان قصر اعتقد الملك.. وسوووه فندق

لا ترى اسكندريه حلوه وجوها نظيف غييير حتى عن مصر

وبالتوفيق انشالله

 

[شيخة البلادين]

مشكورررررين يا حبايبي واااااااااااااااااااايد

على هالاماكن اللي ذكرتوها... وانا سجلتها عندي.. وان شاء الله بروحلها..


جزاكم الله خير..