من تشرحلي طريقة التسجيل في بريد مكتوب والله لأدعي لها

[dalela122]

مساء الخير >> كويتيات

من سجلت في بريد مكتوب تساعدني

اسم الدخول : ايش اكتب هنا اسم او بريدي

اسم الدخول يمكن أن يحتوي فقط على الأحرف (A-Z) (a-z) والأرقام (0-9) والرموز (-) (_)

كلمه المرور يقول : كلمة المرور يمكن ان تحتوي فقط
الاحرف (z-a) الارقام (0-9) الرموز (- ) (_)

ونفس الشي للإيميل سوت نفس ماقال

والله طفشني

 

[رووز q8]

لا قلبي هذا اذا عندج اسم دخول بس تدخلين اسمج ورقمج لكن انتي للحين ما سجلتي فيه !

انا اقولج اول ما تدشين الموقع مو فيه اختيار الدوله وكلمه Go ?

تدخلين اسم الدوله وتضغطين go بعدين تفتح لج هالصفحه الي فيها اسم الدخول وكلمه السر صح ؟ فوق بالصفحه مكتوب مستخدم جديد سجل هنا ! < ضغطي عليييه

راح تفتح لج صفحه تحطين فيها بياناتج

الاسم الاول ، العائله .. الخ حطي البيانات الي تبينها ومو شرط تكون صح بس اهم شي انج تعرفينها ، واملي الاستماره عقب حطي صح يم راجعت المعلومات ... وضغطي على تابع للخطوة الاخيره

راح تفتح لج صفحه ترحيب ضغطي على كلمه استعمل مكتوب الان وبس


امم اذا مافهمتي قوليلي اشرح مره ثانيه

واذا فدتج ادعيلي ربي يفرجهـآ علي ..~