من ترشحون لي الدكتور اسامه الصانع او خالد العنزي بسرعه موعدي الاحد

[اوووفه]

مرحبا رشيقات
ابي نصيحتكم موعدي الاحد استشارة عند الدكتور اسامه الصانع بسوي عنده تكميم بصراحه لاني قريت ردوده علي الخوات في المنتدي فحسيت انه شاطر بس الي خلاني اتردد شوي انه بسرعه يطلع مرضاة من المستشفي بس يقعدون يوم واحد وباقي الدكاترة يقعدون مرضاهم 3 ايام وبعد ما يطلب منهم سونار علي البطن والمعدة بس يطلب تحليل دم وتحليل غدة
عفيه بنات الي سوت عنده تقولي رايها فيه و شلونها بعد العمليه صار معاها تسريب او مضاعفات
وبمنو تنصحوني بالدكتور اسامه او الدكتور خالد العنزي عفيه ساعدوني
بسوي تصويت واكثر دكتور ترشحونه من هالدكتورين بروحله بس عفيه بسرعه لان موعدي قرب
ومشكورين يا احلي كويتييات :hjy5jewf:

 

[mahawey]

مرحبتين ياهلاوالله انا ماسويت عندهم هذيل انا سويتها عنددكتورمحمد العجمي عمليه تكميم المعده
انا ارشح لج الدكتورخالد العنزي وايد اسمع عنه من الناس بصراحه

 

[mahawey]

ان شاءالله وباذن الله اتقومين بالسلامه بصحتج وبعافيتج
نصحيه مني لج سويه عند دكتورخالد العنزي الكل يمدح فيه هذاالدكتور بصراحه وممتازحيل

 

[mahawey]

العفوياحياتي انتي والله

 

[أم حوور]

كل دكتور وشطارته



خالد العنزي سمعت ان شغله زين



واسامه قريت له وسمعت من البنات





وانشاءالله البناتبيفيدونج من اللس سووا العمليه عند اي واحد منهم



بالتوفيق حبيبتي

 

[اميره بكلمتي]

الدكتوور خالد العنزي غني عن التعريف وممتاز عن تجربه شخصيه هاذي نصيحتي

 

[Kuwaitigirl1973]

آنا سوى لي دكتور الصانع عمليتي وشهادتي فيه مجروحة مو بس شاطر لكن أستاذ بعلمه وحيل متخصص تري السالفة مو بس عملية مع جراح في المتابعة والبرنامج بعد العملية وشغلات وايد عنده محد يسويها غيره وبعدين أهو الوحيد اللي عنده برنامج وفريق كامل
دكتور العنزي ممتاز بس جهود فردية من غير برنامج لا معاه أخصائية تغذيه ولا فريق متخصص يساعده
أما عن طلعة المريضة بعد يوم للبيت فهذي علامة على شطارته لكن لو تبين تقعدين زيادة ترى ما يقول لأ
الأسبوع اللي طاف سوى وحدة من قرايبي وحبت تقعد علشان أمها سوت استقبال بسلامتها بالمستشفى وما قالولها طلعي بس إهي كان ودها تروح البيت وأمها بغتها تقعد فاقعدت لين الصبح ثاني يوم وبعدين منو ما يبي الفكة من المستشفيات إذا إهي بخير
ما راح تندمين لو سويتي عنده وبتدعين لي

 

[اوووفه]

مشكورة مهاوووي ما قصرتي

 

[اوووفه]

كويتي غيرل مشكورة علي ذكرك تجربتك
بس بسالك انا سامعه عن اختبار الصبغه هذا حق شنو وليش هو ما يسويه لمرضاه والعمليه تحتاج بربيش او ماله داعي وليش ما يسوي سونار علي المعدة قبل العمليه عشان يشوف المعدة اذا فيها شي لا سمح الله عشان يبدا عمليته صح مثل باقي الدكاترة وشنو عمليتك وكم نزلتي
ومشكورة ما قصرتي ادري اذيتك

 

[اوووفه]

يالله بنات وين تجاربكم

 

[اوووفه]

اميرة بكلمتي مشكورة وانا متابعه يومياتك

 

[اوووفه]

شدعوة بنات 34 مشاهدة بس 4 الي ردوا

 

[هوى بحري]

رد : من ترشحون لي الدكتور اسامه الصانع او خالد العنزي بسرعه موعدي الاحد

أكيد الدكتور خالد حمد العنزي ،، رائد عمليات السمنه ومحد يهتم بمرضاه ويحرص عليهم كثره

سويت عنده عملية تكميم قبل 7 أشهر والحين انا مانيكان تبارك الرحمن

وبخصوص اختبار الصبغه ، الدكتور سوالياه خلال العمليه وماحسيت بشي ،
والاختبار عباره عن صبغه يشربونها المريض ويفحصون المعده بالاشعه
علشان يشوفون ان المعده تدبست عدل وما في اي اثر للتسريب لا قدر الله ..

بالتوفيق حبيبتي والله يسهلج كل امورج انشالله

 

[Kuwaitigirl1973]

كويتي غيرل مشكورة علي ذكرك تجربتك
بس بسالك انا سامعه عن اختبار الصبغه هذا حق شنو وليش هو ما يسويه لمرضاه والعمليه تحتاج بربيش او ماله داعي وليش ما يسوي سونار علي المعدة قبل العمليه عشان يشوف المعدة اذا فيها شي لا سمح الله عشان يبدا عمليته صح مثل باقي الدكاترة وشنو عمليتك وكم نزلتي
ومشكورة ما قصرتي ادري اذيتك

ما عليه تأخر ردي عليج لأني رحت أشتري لولدي شغلات طالبتها المدرسة منه وقعد يبجي وتوني داشة البيت
آنا ما سويت الصبغة بعد العملية بس هو يسوي الفحص داخل العملية فيوفر عليج أذى شربها ؤانا قبل مجربتها أيام الحلقة الله لا يعيدها من أيام
أما البربيش فماني ذاكرة تفاصيل جوابه لكن قال لي اللي واثق من عمله وشغله ما يحتاج أنبوب يعلمه شقاعد يصير داخل البطن
والنقطة الثالثة آنا كنت يايبة سوناري معاي لأني كنت عند غيره فقال لي السونار راح يبين المرارة فيها حصى ولا لأ وحتى لو فيها حصى حرام تنزال رذا مو متعبتج ترى وايد عندهم حصى وما شالوها وآنا وحدة منهم للحين ما شلتها والشي الثاني السونار يراويج إهو الجبد إذا جبير وقال اليوم عندنا أجهزة تخلينا نسوي العملية حتى لو الجبد متروس شحم ومتضخم
وقال لي بعد يا أم فيصل إحنا اليوم ما نمشي على هوانا لكن نمشي على طب مدروس ومبني على البراهين والإثباتات الطبية مو شنو إحنا نحب وحبيت أمانته معاي وكان الوحيد اللي علمني إن مو آنا السبب في فشل الحلقة مثل ما وايد دكاترة قعدوا يلوموني على طريقة أكلي ويضايقوني
الحمد الله بديت العام نفس هالحزة بوزن ١١٩ وآنا إعادة عملية واليوم آنا بين ٦٢ و ٦٣ وناطرة عملية التجميل من جهة ؤأبي أحمل من جهة ثانية فقاعدة آنا وريلي نفكر نييب آخر العنقود واللا أضبط جسمي ونروح نسافر المالديف

 

[اوووفه]

بنت كويتيه 1973 مشكورة واااااااااااااااااااااااااااااااااااااااااااااايد ما قصرتي علي الشرح الوافي
اما بخصوص الحمل او السفرة اذا انتي مكتفيه من العيال فسافري واستانسي وانا مع السفر
واذا عيالك شويه يعني 2 او 3 فيمديك تحملين وعلي شهر 6 تكون ولادتك ونص شهر 7 سافري كطلاعه لك
وعلي العموم عليك بالعافيه الجسم او السفرة والله يونسك بالعافيه ويجزاك كل خير

 

[اوووفه]

هوي بحري مشكورة لعرض تجربتك

 

[الزين77]

الدكتور خالد العنزي غني عن التعريف ، وما نقارنه مع اي جراح ثاني

يكفي انه سوا تكميم لنص الكويت بالاميري قبل لا يفتح عيادته الخاصه

بس مشكلته ما يحب يسوي دعايه لنفسه ، لانه مكتفي بسمعته الطيبه عند كل مرضاه

الله يسعده ويوفقه وييسر كل اموره انشالله

 

[W6n Jaber]

رد : من ترشحون لي الدكتور اسامه الصانع او خالد العنزي بسرعه موعدي الاحد



سويت حدرا بدرا

و طلع خالد العنزي




ربي يقومج بالسلامه

 

[اميره بكلمتي]

اميرة بكلمتي مشكورة وانا متابعه يومياتك

حياااتي انتي وحياااج اذا بتشوفين يومياتي تلقينها برابط المتكممات اليوميات ورااح انزل كل شي يصير معاااي


:e3:

 

[mahawey]

مشكورة مهاوووي ما قصرتي

:33_1185028183:العفوياحياتي ولوفديتج :33_1185028183: