من بيت اهلج الى بيت حمولتج و العكس؟

[*لذيذة حدي*]

مساء الخير او صباح الخير انسات و زوجات شلونكم ؟

اليوم خميس و عطله عندكم و انا ما عندي دوام باجر فمستانسة و سهرانه :eh_s(15):

المهم و انا اسولف مع بنت عمي بالكام اهيا توها متزوجه فقاعده تقول عادات اهل ريلها شوي غير و ودها لو ترد عادات بيت اهلها لبيت اهل ريلها

فطرى على بالي هالموووضوع ؟ شنو الاشياء و العادات اللي ودج تنقلينها من بيت اهلج و يتعلمونها و يطبقونها بيت حمولتج ؟
و شنو الاشياء اللي عجبتج ببيت حمولتج و ودج تنقلينها و يتعلمونها بيت اهلج ؟؟


انا ببدي

ببيت اهلي و خالاتي و خوالي و عماتي و عمامي لازم نتيمع كل اسبوع من و احنا صغار بيت اهل ريلي ما عندهم هالشي و ما يزورون بعض الا قليل

ببيت اهل ريلي الحلو فيهم ان كلهم يقعدون عالغدا مع بعض كل يوم ، احنا ببيت اهلي كل واحد دوامة غير و شغله و جذي فعادي كل واحد وقته غير ، و ساعات افتقد هالشي ببيت اهلي

ببيت اهلي نحب نكشخ و اذا مناسبات او احد زارنا نكشخ و جذي ببيت اهل ريلي ما يعرفون هالشي و كله قاعدين بعبيهم حتى لو خالاتهم يزورونهم فانا كنت اظطر اسوي مثلهم و كلش ماكان يعجبني يعني شدعوه كلنا بناات حلو نكشخ و نستانس

ببيت اهل ريلي العيال يخافون من ابوهم احسه مرات شي زين و مرات لأ ، لان مرات البنات حتى يستحون يكلمونه اما احنا ببيت اهلي ميانه ويه امي و ابوي الله يخليهم كلهم

ببيت اهلي ابوي مالا شغل بمرت اخوي و عيالهم اما ببيت اهل ريلي ابو ريلي وايد يتدخل بشغلات احس عيب يكلمني فيها مثل الرضاعه و جذي! ابوي مستحيل حتى يكلمني بهالشي !

و بالنهاية اكيد في اختلافات لان من بيئتين غييير ،، بس اثنينهم احبهم و احترمهم و مشتاقتلهم و ادعي ربي يردنا لهم بالسلامة ان شاء الله
ببيت اهل ريلي
​

 

[ام نيوفي]

الشي اللي ودى انقله من بيت اهلي لبيت اهل ريلي
ان اخواني ما يقعدون مع حريم اخوانهم يعني بس يسلمون و يروحون
اما اهل ريلي لا حمواني يقعدون معانا فما اخذ راحتي​

 

[أم توتو]

انا اشي الي ودي اخذه من بيت اهلي اللي اهو اننا نكون على قلب واحد متصافين نخدم بعض محد يشيل بقلبه لثاني ويسوي حزازيات بينا

 

[ابدا يالغالي مانساك]

مممممم
ببيت اهللي مااااااايخلا من النااااااس والجيررران والزيااااارات


اما بيت حموووووولتي قليل الزورااااات فيه
هذا اللي تذكرررتها

ممكن اطب مررررة ثااااااانيه خخخخخخخخ

 

[روعة]

بيت اهل ريلي ما شاء الله واااااااااااايد ياكلون يعني كل ساعتين وجبة في بعض الاوقات 3 مرات نتعشى بالذات في الشتا الليل طويل عشى الساعة 7 وعشى الساعة 9 والساعة 12 عشا ثالث انا تخرعت من هالنظام في بيت اهل ريلي

الشي اللي ودي اخذه من بيت اهل ريلي ان اي شي يخترب تلفزيون او مكيف مثلا يتصلح في الوقت والساعة اما في بيت اهلي يتم سنييييييين ما يتصلح واذا كان الشي ضروري نروح نشتري غيره ويضل الاولي بدون تصليح لحد ما ينقط

و في بيت اهلي ما يصير تجمع بحكم ان عددنا قليل وانا الوحيدة المتزوجة وماعندي عيال في بيت اهل ريلي تصير اللمة وااااايد حلوة لان عددهم كبير

 

[بيتي بوب بس كويتيه]

بيت اهلي نلتم كل اسبوع وبيت اهل ريلي ماتشوفين احد
كله بالصدفه اشوفهم ومن شهر لي شهر معنه ساكنين بيت واحد

بيت اهلي ما يدققون على شي بيت حمولتي يدققون وايد يعني حاسبي عالكلمه الي تقولينها

بس احلا شي ببيت حمولتي يحسبون حساب الكل عالغدا
ارد من الدوام يكون نصيبي موجود الواحد ما يتعب

 

[تعبت اداري...~]

هوبآآآآآ
الله يسسسسعدكم جميعاً

 

[*لذيذة حدي*]

الشي اللي ودى انقله من بيت اهلي لبيت اهل ريلي
ان اخواني ما يقعدون مع حريم اخوانهم يعني بس يسلمون و يروحون
اما اهل ريلي لا حمواني يقعدون معانا فما اخذ راحتي​

اي و الله مرات هالقعده تضايق و تحسين ما تاخذين راحتج وايد ، بس بالهطبع العوايل وايد تختلف . شكرا على الرد حبوبة

انا اشي الي ودي اخذه من بيت اهلي اللي اهو اننا نكون على قلب واحد متصافين نخدم بعض محد يشيل بقلبه لثاني ويسوي حزازيات بينا

ان شاء الله دوم متصافيين و على قلب واحد و الله يحنن قلب حمولتج و ياخذون هالطبع

مممممم
ببيت اهللي مااااااايخلا من النااااااس والجيررران والزيااااارات


اما بيت حموووووولتي قليل الزورااااات فيه
هذا اللي تذكرررتها

ممكن اطب مررررة ثااااااانيه خخخخخخخخ

انتي نفسي تحبين الحركة في البيت ، حياج الله باي وقت الموضوع موضوعج حبيبتي

بيت اهل ريلي ما شاء الله واااااااااااايد ياكلون يعني كل ساعتين وجبة في بعض الاوقات 3 مرات نتعشى بالذات في الشتا الليل طويل عشى الساعة 7 وعشى الساعة 9 والساعة 12 عشا ثالث انا تخرعت من هالنظام في بيت اهل ريلي

الشي اللي ودي اخذه من بيت اهل ريلي ان اي شي يخترب تلفزيون او مكيف مثلا يتصلح في الوقت والساعة اما في بيت اهلي يتم سنييييييين ما يتصلح واذا كان الشي ضروري نروح نشتري غيره ويضل الاولي بدون تصليح لحد ما ينقط

و في بيت اهلي ما يصير تجمع بحكم ان عددنا قليل وانا الوحيدة المتزوجة وماعندي عيال في بيت اهل ريلي تصير اللمة وااااايد حلوة لان عددهم كبير

الاكل صج مشكله بس انا اشوف ان مو لازم تاكلين معاهم و تقعدين بكل وجبة ، انتي و براحتج
و سالفة التصليح هذي نفسنا ، بيت اهلي ما يهمهم و اذا اخترب يظل مده و اخر شي ينقط و يتبدل ، اما ببيت اهل ريلي نفس اليوم مشالله ، نفس الخالة هههههه
و ان شاء الله يتزوجون خوانج و خواتج و تيبين عيال و تترسون بين اهلج و تتيمعون دوم

بيت اهلي نلتم كل اسبوع وبيت اهل ريلي ماتشوفين احد
كله بالصدفه اشوفهم ومن شهر لي شهر معنه ساكنين بيت واحد

بيت اهلي ما يدققون على شي بيت حمولتي يدققون وايد يعني حاسبي عالكلمه الي تقولينها

بس احلا شي ببيت حمولتي يحسبون حساب الكل عالغدا
ارد من الدوام يكون نصيبي موجود الواحد ما يتعب

بيتي انتي اهم شي نزلي سملي على عمج و خالتج و بس ، هذيلا اهم شي اما باقي اليمعات مو ملزومة فيهم حتى لو من شهر لي الثاني عادي
و التدقيق انتي نفس رفيجتي تقول حتى تنظيفها يجيكون عليه وايد عاد ملل جذي
و حلوة الغدا ان يكون جاهز و حاسبين حساب الكل اريح

هوبآآآآآ
الله يسسسسعدكم جميعاً

يسعد صباحج حبووبة شاركينا :eh_s(7):

 

[*لذيذة حدي*]

في شي بعد واايد مهم و لاحظته من تزوجت

ببيت اهلي الخدم و السايق معززين مكرمين حالهم حالنا اوادم ياكلون اللي ناكله و يلبسون و يرتاحون و عشان جذي الف الحمدالله اهما مرتاحين معانا بعد
اما ببيت اهل ريلي الخدم اكلهم غير ، معاملتهم جدا سيئة حش فيها و جدامها ليش انها ما تفهم لغتهم ، و كله مو عاجبتهم ! عشان جذي الخدم عندهم ما يقعدون 6 اشهر على بعضها لازم يتغيرون

و الله يعورون قلبي يعني حالهم حالنا و تشوف الاكل ينطبخ يمها و اخر شي ما تاكله! الله يهديهم بس!
​

 

[حبيبة روري]

اممممممممممم الشي اللي ودي اخذه من بيت اهلي ان اهلي شوي فري عكس بيت زوجي امبيه حييييييييييييييييييييل حكرين
والشي الثاني اخواني لما يقعدون مع حريم اخواني عادي بالدراعه بس ببيت زوجي يا ويلج اذا شافج اخوي بالدراعه لازم نلبس عبايه وتشوفونا طول اليوم لابسين عباياتنا
والشي اللي ودي اخذه من بيت زوجي لبيت اهلي اهو ان بيت زوجي دايم يتجمعون عالغدا او العشا ولالالالالالالالالالالالالالالالالالالازم ياكلون مع بعض
بس ببيت اهلي لا حتى لو كلنا قاعدين مع بعض بس كل واحد اكله بصينيه بروحه
والشي الثاني ان بيت زوجي حييييييييييييييييييل يحترمون ابوهم يعني بزياده احيانا احسهم يخافون منه بعكس بيت اهلي عادي مع ابوي صج ميانه

 

[تآعِبنْ قَلْبِيْ]

في بيت أهلي مآنآكل إلا ع آلطآوله وكل وأحد له صحنه أما بيت أهل ريلي مايآكلون الا ع آلارض وكلهم في صحن وآحد ..

بيت اهلي اذا تجمعنا نآآخذ رآحتنا ومافي تحلطم على العيال بس بيت عمي أرآكض ورا عيآلي عشان مايخربون او يكسرون

وعمي كله عيونه على العياااال ومآأخذ رآحتي في آلقعده ..

بيت اهلي مانتجمع الا يوم آلخميس في مزرعتنآ أمآ بيت عمي كل يووم يتجمعون وأحيآنآ أنزل وآحيآنا لا بس قعدتهم مآآآآآتنمل ونآسه ..

بيت عمي علآقتهم مع عمي حيييل قويه وميآنه إحنا شوي نستحي من أبوي ..

ووبسسس