من بعد الليزر طلعتلي حبوب بويهي !! باي مساعده بليييز

[الأميرة ديانه]

السلام عليكم و رحمة الله
شلونكم حلوات

حبيباتي
أسأل في أحد مثل حالتي
سويت ليزر حق جسمي كله
بس قامة تطلعلي حبوب بويهي بس
مو متعوده عليها بالعاده بشرتي ناعمه
و الحبوب بويهي تكون نادرة الوجود

بس الحين شي مو طبيعي
أبي عيادة تعرفونها حق البشره
دكتور زين للبشره بليز ضروري
و الله توني اشوف ويهي يتني البجيه
خاصه إن انا بأول اشهر زواجي
بليز ابي حل

لا حول ولا قوه إلا بالله


:eh_s(2):

 

[Mi$s Zyna]

بعد كل جلسة ليزر نصيحه حطي ميبو علطول والحبوب الي طالعه لا تجيسينها تروح بروحها ونصيحه لا تراجعين دكاتره وتلعبين بنفسج هالحبوب طبيعيه تطلع بعد الليزر وتروح عادي

 

[dla3_princess]

حبيبتي ميخالف لا تتضايقين هذا من الليزر

انا بعد طلعلي عقب الليزر بس كان عبالي ان فيني حب شباب ماهقيت ان من الليزر

رحت عيادة عندهم وحدة حييييييييييل شااااطرة حق الويه اسمها ڤانيا

اسم العياطة ايف كلينيك انصحج جربي تروحيلها و شوووفي بشرتج عقب اشلون بتصير بإذن الله

واهيا قالتلي ان عقب ماتخلصين كل حلسات الليزر هالخبوووب بترووح بإذن الله

مووووووفقه يااارب

 

[يالبىآ]

حبيبتي بعض مناطق الجسم حساسه

عندك الظهر و الصدر والوجه

الكفروض عندك نوعين للمراهم بعد الليزر تحظينهم لمده ثلاث ايام وثلاث مرات يوميا

والمفروض ماتغسلين وجهك بصابون ولا تحظين عليه مكياج بس تغسلينه بمويه وطبعا لمده ثلاث ايام



انا عندي الصدر طلع حبوب بس عادي مع المرهم يخف


الموبي > الظاهر اسمه كيذا هذا تحطينه عشان لاسمح الله الليزر صار قوي وحرقك
والثاني يجيك ابيض ومافي ريحه نسيت اسمه > هذا عشان الحبوب

اذا تبين اسمه كلميني خاص وابشري اطلعه لك من تحت الارض ههههههه

 

[cup-cacke]

مو بس ميبو اكو جل بدون ريحه اخف من الميبو وريحته يحطونه..ماحطوه لج!!!

روحي لنفس عياده الليزر شوفي شنو يقولون لج

 

[الأميرة ديانه]

بنات اي حطولي الكريم
ما اقصد الحبوب الحمره او البقع الحمره الي من الليزر
هذي تروح
انا اقصد الحبوب تكون مثل حب الشباب
تحت الجلد في حبوب و صغار يم بعض

لا حول ولا قوه إلا بالله

 

[أحلى غمازة]

ااستخدمي كريم فيسودين الأحمر او ميبو