من اي شهر تبدون تجهيز ومتى تنصحون ؟ تعالو ولا تبخلون كروشات

[اخت خالتهم]

السلام عليكم ورحمة الله وبركاته





شلونكم كروشات




احنا البجريات شوي نحاتي وما ندري متى نجهز و حتى البعض يمكن يجهز بوقت غلط وما يعرف ينظم وقته



يعني لو سمحتوا عطونا نصايح
متى احسن يبدي التجهيز


وانتو متى بديتو بالتجهيز. ؟






ناطرتكم. :eh_s(17):

 

[رنيم الروح]

حبيبتي ان شاءالله يفيدونك البنات انا ماعندي خلفيه والله يكتب لي الحمل الي يفرح قلبي ويفرح قلب كل محرومه

 

[تعب-قلبي]

من السابع جهزي شوي شوي

 

[أخاف اجرح]

من السابع حبيبتي ولاتضقطين على عمرج بس اول شي لازم تكتبين الشغلات الي تبينها علي ورقة
مثلا ملابس البيبي + اثاثه + اغراض البيبي من الجمعية + اذا بتسوين استقبال مواعين وحلو وغير ملابسج انتي بالنفاس والكفر يعني كل شي لازم تكتبينه اول وكل مارحتي تجهزين شطبي علي الي شريتيهم وجذي تعرفين الي خذيتيه والي ماخذيتيه
اتمني افدتج لاني اخر السابع وقاعده اجهز صج استمتعي وانتي تشترين صج متعه بس مسكي نفسج شوي لاتتهورين
لان انا كاتبه كل شي وكل ماشطبت ازيد لووووووول حتي ريلي جكني يقولي احنا ماراح نخلص نشطب شي ونكتب بداله شي
واهم شي ادعي بكل صلاه ان ربي يسهل حملج ولادتج ويكون البيبي بصحه وعافيه يارب ويقر عينج بشوفته هذا اهم شي

 

[Killer^Girl]

من السادس .. لان احسب حساب الولادة المبكرة بالثامن واحب اكون على راحتي
الله يهون عليج

 

[ديانا سبنسر]

اب اب

 

[ام يوسف السعد]

انا حبيبتي بديت اجهز كل شى من الشهر هذا لانى مااضمن اخر السابع اقدر امشي لانج بتكونين ثقيلة ومالج خلق الفرارة
وطبعا غير انى ابي اثث بيتى قبل الولادة باذن الله علشان جذى بديت اجهز اغراض النفاس وبعدين افضا للاثاث وعلشان ايمع واولد بخاص باذن الله


والحمد لله على النعمة


ونصيحة كتبي كل اللى تحتاجينة علشان ماتنسين شى مهم

 

[ام عبد العزيز م]

من السابع افضل

 

[ملاك ^ الحب]

انا من نص السادس اجهز على راحتي كل روحه سوق اشتري شوي

ترى بس تدشين الثامن تثقلين وايد حاولي تخلصين قبل الثامن

 

[اخت خالتهم]

حبايبي مشكورين على المرور و النصايح
وناطرين نصايح البنات


للحين ما كتبت شنو احتاج شوقتوني اكتب
لاني ماجهزت شي كللللش

 

[الغلا مشاري]

انصح كل وحده اتجهز نفسه من بدايت حمالها ..
انا جتني طلوق بنص الثالث مو طاح الجنين او من عوار ..& يعني انفس 40يوم حريم داخلين طالعين
وتوهقت مدري شلبس لاملابس جهزت ولا فراش ولا أي شي...^،^

 

[بنك بااستا]

الله يهنيج ويثبته اب اب

 

[sosowaty]

و عليكم السلام اهلا اهلا اخت خالتهم عسالله يتمم عليج حبيبتي

و تقر عينج بشوفة البيبي

تبين نصيحتي جهزي من الحين

الاشياء الاساسيه

مثل الاجهزه المعقمه و المميات

وملابس النفاس

وقميص النفاس و الكفر و ملابس البيبي للاستقبال

اما ملابس البيبي العاديه و حق البيت بالثامن

نصيحة مجرب لان كل شوي ينزلون كولكشن يديد

وودج تاخذين بس تتذكرين ان عندج واااايد

ااممممم و بعد ياربي

اي اشتري حوض لسباحه و فوط

نصيحه جهزي و انتي خفيفه و لا تكونين ثقيله و تتعبين و تنتفخ ريوووولج

 

[Sugar cube]

بالنسبه للملابس اذا عجبج شي اخذيه خاصه هدومج للنفاس لان صعب تلقين شي حلو و مريح و على ذوقج بنفس الوقت

و هدوم البيبي جهزيهم من بدايه الثامن او اخر السابع

اثاث البيبي من بدايه السابع لاني عن نفسي صعبه دقيقه بهل سوالف فاحب اشوف كل الموجود و اختار

المعقمات و المميات و هالسوالف اخذيها باي وقت بالثامن لان ما فيها تفكير وايد اهم شي تكون صحيه للبيبي

كفر الولاده كنت ادور من بدايه السابع لان اذا بتطلبين من النت يحتاج وقت يوصل و ما تدرين يعجبج و لا لاا


و بولادتي هذي ان شاء الله ببدا من السابع اجهز على الخفيف اريييح



حبيبتي الله يتمم عليج و يسهل يا رب

 

[none2012]

حبيبتي أنا بجريه بعد
بديت أجهز من الخامس
وخلصت تجهيز بنص الثامن
ماضغطت نفسي كنت أروح على راحتي وأخذ اللي يعجبني مع زوجي
وبصراحه تجهيزي كله تبارك الرحمن حلو ؤمانسيت شيء ولله الحمد
وانصحج جهزي مبجر لأن الثقل راح يتعبج
أول شيء جهزته أغراض البيبي حتى أغراض الجمعيه خذيتهم
وبعدها بديت بتجهيز أغراض النفاس من ملابس واعشاب.
والحمدلله من نص الثامن مرتاحه

 

[أنفاسي دخون]

من السابع قبل الثقل اما الادويه لادشيت التاسع الوالده تجهزهم لي فديتها

 

[أم@الحلوين]

انا ابدي اجهز من الخامس لأني انقرصت بولادتي الاولى ولدت ولاده مبكره وماكنت مجهزه
فبولادي هذي حمدالله جهزت من الخامس وقسمت شغلي كل مره اشتري شي ولمن دشيت السابع ارتحت لان من تثقلين خلاص ماتقدرين تسوين شي بسرعه تتعبين نصيحه جهزي من الحين والله يتمم عليج يارب

 

[virgo88]

الله يسهل عليج حبيبتي

 

[شموخي اتعبهم]

مثل ماقالوالبنات من السابع وربي يسهل عليج

 

[Meeesh]

أنا بديت من الرابع