من الحين تعبت ؟؟؟؟؟؟

[*بنت الاصايل *]

من فترة الخطوبه و انا تعبانه من زوجي كلام امه و خواته اهوا الماشي علي كلامي حتي باختياراتنا لاسامي اليهال و ديكور شقتنا ؟؟؟؟؟؟ اكره وحيد امه و ابوه شلون اتأقلم معاه ؟؟؟ انا البجر و مايرفضلي طلب بس ادري بالزواج اخذ و عطى وفيه تنازلات بس من اولها جذيه ؟؟؟

 

[كربون امها]

لکل حادث حدیث تو الناس علی اسامی الیهال للحین ماتزوجتو ومن ناحیه امه فهذی امه حلوه اللبن اکید بیسمعلها وجده عیاله بالعکس ریلج فی الخیر واللی فی خیر لهله فی خیر لج انشالله بس اخوانه معاج حق مالهم حق بالاختیار

 

[شادن33]

اصبري خلي ايي عندج وبعدين احكمي

 

[الجوهرا]

الله يعين

 

[انوثتي غير وياك]

up up

 

[Gifts&Occaions]

الله يعينج

 

[ام كوثر2007]

لا تستعيلين علي رزقج حبيبتي

تو الناس علي التذمر ..


هذى امه .. والام شي عظيم .. ومقدس عند عيال الحلال ...


مو من اولها تحطين راسج براسها يا قلبي

باجر لمن تعاشرينه وتعيشين معاه سنين بتصير كلمتج مسموعه وحالج حالهم بس كل شي مع الصبر مو بكيد الحريم


تصبري وخليج حكيمه الزواج يبيله وحده فاهمه وعاقله عشان تقدر تكمل فيه .. لا تخلين امور الدنيا السخيفه تاخذج وتغرج وتهدمين بيت للحين ما بنيتيه من بدايتها.

 

[Patcholli]

خل يتكلمون وانتي طنشي ولعبيها من صوب ريلج بالمساحل والكلام الحلو

 

[شافوك بحساسي]

الرجال بوقت الملجه مومثل بعد العرس


امه واكيد بجرها ومعتمديين عليه بكل شي عشان جذي موحاطين في بالهم ان في حدوود
ويمكن سالفه الاساامي
عادي تلقينه يسوولفون ويبنون احلاام لولدهم انه بيجيله عيال ويسمي على امه او ابوه او احب اسمه هو يتمنااه

 

[مناير ...!]

توكم بالالف
تهاوشتو وقررتوا اسامي اليهال
ماتدرون منو الحي ومنو الميت

 

[FJ style]

عاااادي بالبداية كلهم جذي
بس باجر
ماكو الا انتي واهو

لا تستعيلين وتسوين مشاكل من الحين
اخذي قلبه بالدلع والهدوء
استانسي بايام ملجتكم

 

[" ام حمود "]

حبيبتيء الحين توكم بالبدايه بالخطوبه ..
الحين طنشيء ولا يهمج شي لما ايي عندج انتي تقدرين تغيرينه
بالكلام الحلو شوي شوي .. يبيلج صبررر ولا تستعيلين

 

[مجنونـة روان]

الله يعينج

 

[قموووره]

حبيبتي بدايه الزواج الريال ما يعرفج كثر اهله ! فطبيعي بياخذ راي اهله او ممكن يبدي رايهم او يشوف كلامهم اصلح لانه ماعرفج بعد
باجر لي تزوجتو بيعرفج اكثر وبيغليج اكثر وبياخذ برايج انتي
هذي بس فترة بداية الزواج بعدين راح يتغير بس انتي تشطري وعرفي شلون تكسبينه

والله يسخره لج يا رب​