من اجواء لندن جولة سريعة في Kensington Gardens

[لندنية]

مساء الاجواء اللندنية

بعيد عن التسوق وزحمة المجمعات ودوخة الاسواق
اليوم كنت طالعه عندي زوارة وبطريجي كان هالبارك بطريقي ... ماحبيت اضيع هالفرصة وخاصة الاجواء تيين بلندن حدها عجيبة ... دشيت واخذت جولة سريعة وصورت جم صورة لكم
واكيد كل الي زارو لندن شافوها
هالحديقه اسمها
kensington gardens

موقعها عالخريطه

دشيت من هني

شوفوا هالكوفي شوب الي تحت الحين بحط لكم صور اقرب

الكوفي شوب من فوك

ههههههه الحين من تحت اكيد حبيتو الفكرة

صور متفرقة من الحديقة

هني الطريق الي يروح ع البرت هول وهي تعتبر من اشهر القاعات ويغني فيها اشهر المطربين بالعالم

شوفوا الناس مستانسين حدهم بالجو

خلصت الجولة السريعة ....

هاللوحات لفتت نظري

هدية الموضوع وانا بالسيارة شفت ويست فيلد صورته لكم :eh_s(9): من بعيد

هذي كل الصور الي عندي يمكن تكون قليلة بس حبيت تشاركونا بالجو اللندني
​

 

[ام مهاوش]

واااااي شيشتيني عليكم بالعافيه الحديقه تينن والجو يرد الروح
انتي تدرسين بلندن؟

 

[لندنية]

الله يعافيج حبيبتي بده الحرررررررر اليوم درجة الحراره 20

انا مقيمة في لندن

 

[um_saif]

مشكورة الغلا على الصور والموضوع. حبيت اسالج كيف لندن الحين وتنفع للسياحة الحين خاصة انها مقبلة على اولمبياد ؟

 

[كويتيه ذربه]

مشكووووووورة حلوة الصورة وايد
يعطيج العافيه

 

[*~|لوٰڤ لندن|~*]

واااااااو مدينة الضباب ي عشششقي لها:$
تههههبل الصووور^^:eh_s(22):

 

[لندنية]

شكرااا حبيباتي ع مروركم ع الموضوع

وحبيبتي ام سيف يمكن هالسنة بتكون اكثر زحمة وقت الاولمبياد لان بدت التحضيرات تقريبا

 

[Ka8Ko8a]

الله يعافيج حبيبتي بده الحرررررررر اليوم درجة الحراره 20

انا مقيمة في لندن

‏​‏​​ •• آلسَـِْ♡̨̐ـِْلامَ علـِْ♡̨̐ـِْيگمَ •• 
أختي ٱن̷ــٌـأا بروح لندن ورا العيد واحاول م̷ـــِْט اليوم اقرا اللي يكتبونه
البنات عن لندن احس اني ضايعه مااعرف شي المهم بكون لَـِْ♡̨̐ـِْچ شاكره
ان سويتلي جدول لاسواق لندن أإأبـْيے اسواقها واسماء الشوارع وشنو اروحلها
مشي ولا بباص تكفين فيديني :eh_s(11): أإأبـْيے اروح گـِْ♡̨̐ـِْلِْ مكان بقعد 10 ايام
:ggdw:

 

[لندنية]

لاتحاتين لندن مو صعبة وايد بس مثل ماكتبت لج يبلج بلان قبل الوصول
من الحين قرري شنو تبين التسوق بروحه يبله يوم والسياحة بعد يبلها وقت خاص فيها

والتنقل من مكان لمكان مو صعب بالعكس اذا سياحة بامكانج تروحين اكثر من مكان بيوم واحد بس تسوق لا
لان لاتنسين لندن يسكرون المحلات فيها تقريبا 6 العصر مو مثل الكويت باي وقت تنزلين السوق

اقدر اساعدج بهالموضوع و10 ايام تكفيج
انتو عائلة او شخصين ؟

 

[رزمة اوجاع]

حبيبتي لندنيه شهر 8 يكون الجو حلووو ولا حر؟؟

 

[لندنية]

مو برد حبيبتي الجو يكون طبيعي وحلو
بس لندن اربع فصول تشوفينها بيوم واحد يعني اليوم المطر كان مو طبيعي رغم حرارة الجو

نصيحتي لزوار لندن يلبسون صيفي بس يكون معاهم جاكيتات احتياط

 

[نياره]

يسلمووو

 

[رقية // الكويت]

ماشاء الله تبارك الرحمن الله يحفظج اختي من كل شر

لندن اللي يزورها لازم يرجعلها

أسأل الله لج التوفيق يارب العالمين