من اجمل رحلاتي ...... تركيا

[d`7oon]

بسم الله الرحمن الرحيم
السلام عليكم حبيت اكتب لكم رحلتي الى تركيا كانت بتاريخ 9\8\2008
كانت 4 ايام اسطنبول 13 يوم بورصة
اول ما نزلنا من الطيارة استقبلنا واحد تركي كنا متواعدين معاة ولد خالتي عطانه رقمة اسمة بو محمد اهوه يتحجى عربي عدل خذانا من مطار صبيحة الى ترابيا كانت الرحلة تقريبا نص ساعة اول ما وصلنا ترابيا بعد صعود و نزول جبال طبعا ودانا شقة كانت مقموتة لا اطل على شي يعني الى يسكنها يموت ولاتكيف والمكان ايخرع امي على طول قالتلة شنو هذا احنا مو اتفقنا على انه تكون الشقة اطل على البحر وعاد انتو اتعرفون الاتراك نصابيين جان يقول انا دورتلج بس مالقيت لمدة اربع ايام بس اقل شي لمدة اسبوع وهم لقيت لج شقة بس اخاف ما تعجبج و المؤجرة تبي مقدم المهم لقينا شقة اطل على البحر بس كان بليل ما يبين شي لانا احنا وصلنا تركيا 10.30 المهم اول شي ما عجبنا كان مو وايد حلو بليل قال لنا بو محمد انتو قعدوا هني اليوم وباجر راح نصعدكم فوق عشان المكان هذا ماجر اهما كانو كلهم فوق بعض يعني مثل الفندق بس ثلاث طوابق الشقة فيها ثلاث غرف وحمامين نمنا بس مو عدل لان البق ( الناموس ) اكلنا اكال كل شوي نقوم نحك قمنا الصبح طلعنا على البلكونة انصدمنا لان المنظر كان مو طبيعي هالطبيعة الحلوه والفاكهة طبعا ما اقدر اوصف طعمها ولذتها والبحر الي منظرة مو طبيعي كنا ننزل دري بعدين نمشي خمس دقايق ونوصل البحر كان وناسة بصراحة وايد المنظر روعة المهم وهذي الصور وانتو حكموا
هذي الصورة من دريشة الصالة

وهذي حديقة البيت

انزين بعد ما قعدنا انطالع المنظر العجيب يانا بو محمد ودانا نتريق بمطعم الله يديم النعمة بصراحة كان بوفية بس لأ لأ انصدمنا من الطعم بعد ما خلصنا من الريوق الحلو رحنا متحف طب قابي الي في سيف الرسول وشغلات السلطان احمد وهم شعرة الرسول وشعر لحية الرسول صلى الله علية وسلم واثار اقدامة وسيوف لبعض الصحابة رضوان الله عليهم واثار واايد وبعدين رحنا مسجد سلطان احمد كان كبيير بس بصراحة ما ينعد مسجد لان بصراحة يدخلون المسجد مفاصيخ يعني برة يغطونة وداخل يقطون كل الي لبسوهم وبعدين رحنا شارع تقسيم تعشينا وردينا البيت . انا تعبت الحين اكملكم باجر انشاء الله​

 

[costa chic]

ايه تركيا عجيبه تينن ناطرينج

 

[Lemon Juice]

تركيا يمدحون طبيعتها

بس شعبها يقولون كريه خصوصا مع الكويتيين

عاد صج هالحجي ؟

ومتابعينج..

 

[d`7oon]

بعض شعبها مو كلهم يعني نص ونص وطبيعتها لا هذي شي ثاني

 

[كسرة عود]

بلا كملي ناطرييييين

 

[d`7oon]

اليوم الثالث سميناه يوم السوق العالمي اليوم الي رحنا فية جميع مولات تركيا اول شي رحنا سوق قراند بازار والسوق المسقف ومحمود باشا ( السوق المصري ) هذيلا اسواق متصلا بعضها وصلنا بو محمد من اول السوق وقالنا القاكم اذا خلصتوا باخر السوق هذيلا الاسواق كانو وايد حلوين كل شي فيهم السوق كان وايد طويل حوالي ثلاثة كيلو متر مشينا يعني هلكنا بس تعرفون الحريم ما همهم اهم شي يشرون طبعنا احنا ما طلعنا خاليين خمينا السوق كلة يمكن بس بالسوق هذا خمينا شغلات بثلاثمية وخمسين دينار كان سوقهم ناااااااااااااااار وبعد ما خلصنا وصلنا النهاية كلمنا بو محمد ويانا وقلنالة نبي نروح مول الجواهر وايد ناس تحجت عنة بس بصراحة ما عجبني سوقة مو حلوة وايد ما في محلات وايد وملابسة مو وايد حلوة تغدينا وفترينا بالسوق بعد ما خلصنا قلنالة ودنا ستينيا بارك حريم ما نخلص المهم السوق كان مثل جواهر تمشينا فية شوية وطلعنا قلنا بومحمد وين تبو تروحون قلنالة تعبنا ودنا خنتمشى على البحر ودانا قعدنا بمطعم هناك كلينا برد وشربنا جاي وبعدين ردينا البيت . اليوم الرابع كان ليوم ما قبل الاخير للروحة لبورصة هذا اليوم قلنا ما نبي بو محمد يودينا مكان نبي ننزل البحر مشي نزلنا البحر وتمشينا كان الجو رهيب طبعا والمنظر عجيب حدة وهناك في محل يبيع حلوة عجيبة ويبيع برد رهيب يطير العقل كلينا وخلصنا وبعدين ردينا البيت . اليوم الخامس كان يوم روحتنا لبورصة طبعا رحنا بورصة عن طريق العبارة كان طريجنا يمكن ساعتين بس مرو بسرعة بصراحة كان العبارة وايد حلوة كان فيها مطعم ومكتبة وصلنا بورصة لقينا هناك واحد موصي علينا بو محمد اسمة محمود خذانا المكتب عندة وودانا وحاجينا صاحب المكتب وودانا يورينا شقق اول شي ودانا فلة عجيبة فيها ثلاث غرف وصالة وحمامين وحديقة كل الفواكة والخضراوات الي تتمنينها فيها والمنظر روعة وسعرها حلو بس امي قالت مأابي ابي شقة يم اللونا بارك والسوق لان الفلة كانت مقطوعة بس يمكن كان فية يمها بس سوبر ماركت ودانا شقق كلش مو حلوة وصغيرة بعدين امي اوصفتلة الشقة الي كانت ساكنة فيها قبل عشر سنين قالها اي انا اعرف هالشقة انتوا حاجزينها من عندي من قبل عشر سنين ودانا ياها طلعوا شارينها اتراك امي قالت خلاص ردنا الفلة اجرناها ونمنا . اليوم السادس بليل رحنا لونا بارك لعبنا واستانسنا و تعشينا بعدين ردينا البيت . اليوم السابع رحنا سوق اسمة كبل جرجا سوق وايد يونس وحلو ورحنا سوق اسمة سفير بلازا شريت منة انا واختي ملابس العيد من محل وايد حلو ماركة بس المحل مو موجود الا بتركيا وبهذا المجمع المهم خلصنا وردينا البيت .اليوم الثامن بليل رحنا مطعم باخر الشارع رحنالة مشي كلينا اكل الله يديم النعمة نقولهم شي اييبولنا شي ثاني . اليوم الثامن قمنا الصبح رحنا الحمامت عندهم اسم المكان كروان سراي في جكرجا بعد ما خلصنا رحنا سوق عندهم اسمة koru bark سوق عجيب مثل الافنيوز رحنا تغدينا وردينا البيت لان امي كان راسها يعورها . اكمل لكم بعدين تعبت

 

[d`7oon]

الصور مو راضية تتحمل معاي عندكم موقع تعطوني ياه احملهم

 

[Mis$ LeO]

تركيا حلوه واهلها ما في اطيب منهم

ويعطيج العافيه على التقرير

 

[dalprincess]

متااابعينج

 

[miss 3yara]

مشكوووووووووووووووووووووووووووووووووووووووووووووووووووووووووووووووووووووووووووووووووووره

 

[d`7oon]

بنات ممكن اتعذروني لاني بصراحة ما اقدر اكمل برمضان اذا قدرت اكمل راح اكمل بس لي عذري ومشكورين على الردود الحلوة باي

 

[¤§ زيتونة §¤]

عليج بالعافية حبيبتي

وتركيا رووووووووووووووعة من كل النواحي

وشعبها الصراحة يهبل وطيبين وااااايد


انا اروح لها من قبل 2000 واهما طيبين ما تغيروا

والديرة حلوة وطبيعتها شي عجيب خصوصا بورصة والمناطق اللي حواليها




الصراحة اختيارج موفق لتركيا

 

[d`7oon]

والحين انا رجعتلكم مع التكملة
بعد ما ردينا للبيت اخوي قال لنا انا نسيت تلفوني بالمجمع بس ما ادري وين . تقريبا الساعة ستة رحنا نا واختي وامي ورحنا مع بنت الي اجرنا منها البيت اسمها جيدة عشان اتحجا مع الاستعلامات عشان تسألهم اذا في تلفون ضايع المهم رحنا ولقينا تلفون اخوي وتمشينا هناك وشرينا السوق كلة وردينا البيت . اليوم التاسع اول شي رحنا سوق اسمة كارفور مو جمعية مثل ما احنا اعتبرناها بس سوق بسيط مافي اشياء حلوة وبعد ما خلصنا رحنا مرة ثالثة سوق kouru bark تمشينا وبعدين ردينا البيت . اليوم العاشر رحنا الشلالات الصغيرة كانت وايد حلوة بعد ما خلصنا في يم الشلالات مطاعم وايد رحنا واحد منهم كان اكل يعني مو وايد حلوة بس بصراحة نهبونا طلع اكلنا 200 ليرة يعني 50 دينار كويتي بعد ما خلصنا ودانا راعي الباص حق مزرعة وايدة حلوة استقبلونا اهلها بطيبة وشرينا ومن عندهم انواع المربى وكان المربى بثلاث دنانير والعسل بست دنانير . اليوم الحادي عشر رحنا درنا بالاسواق الي عندهم . اليوم الثاني عشر رحنا سوق اسمة ازلك ورحنا kouru bark . اليوم الثالث عشر رحنا جبل اولداغ رحناه بالباص كان عالي وايد وكان الجو وايد بارد ربيعي وبعد ما خلصنا نزلا من الجب ورحنا الشيرة الكبيرة المعروفة عمرها 600 سنة . اليوم الرابع عشر احنا ما طلعنا بس اخواني راحو الحمامات كروان سراي . اليوم الخامس عشر والسادس عشر قعدنا بالبيت وشوت لنا ام جيدة الصاج العجيب . اليوم السابع عشر كان موعد ردتنا الي ديرتنا الغالية والحبيبة الكوييييييييييييييييييييييييييييييييييييييييييييييييييييييييييييييييييييييييييييييييييييييييييييييت انشاء الله راح احط لكم الصور بس بيوم ثاني عشان وانشا الله عجبتكم رحلتي والسلام عليكم ورحمة الله وبركاتة

 

[ترانيم العود]

ناطرين الصور

ومشكووره على التقرير